IP: 98.*.*.* United States

இச்செய்தி மிகவும் அதிர்ச்சி அளிக்க கூடிய செய்தியாக உள்ளது.

DCW நச்சு ஆலையால் நமதூர் மற்றுமின்றி சுற்று வட்டார பகுதி மக்களும் படும் அல்லல்கள் அனைத்தும் தெரிந்த பின்னும், அந்த நச்சு ஆலையால் நமது சகோதர சகோதரிகள் பலர் புற்று நோயால் பாதிக்கப்பட்டு மரணித்துள்ளார்கள் என்பதை நன்கு அறிந்ததும், அந்த நச்சு ஆலையை அகற்ற ஊர் மக்கள் ஒன்றிணைந்து போராடுகிறார்கள், அதற்காக ஒரு அமைப்பே உறுவாகி செயல்பட்டு கொண்டிருக்கிறது என்றெல்லாம் தெரிந்த பின்னரும் இப்படிப்பட்ட செயலில் ஒரு சாரார் இறங்கி செயல்படுத்தி இருக்கிறார்கள் என்றால் அச்செயல் நமதூர் மக்களை காட்டி கொடுக்கும் செயல் அல்லவா?.

DCW நிர்வாகத்தினர் நமதூரின் கருப்பு ஆடுகளை கண்டறிந்தது அவர்கள் மூலம் நமது ஒற்றுமையை பிரித்தாளும் செயலில் இறங்கி விட்டார்கள். இனி தான் நாம் மிகவும் ஜாக்கிரதையாக செயல்பட வேண்டும்.

இவ்விசயத்தை சாதாரணமாக எடுத்து கொள்ளாமல் ஊரின் முக்கியஸ்தர்கள் குறிப்பாக 3-ம் வார்டை சார்ந்த முஹல்லா பெரியவர்கள் சம்பந்த்தபட்டவர்களிடம் விளக்கம் கேட்டு அதனை ஊர் மக்களுக்கு பகிரங்கமாக தெரியபடுத்த வேண்டும். ஏனெனில் இது போன்ற நபர்கள் நமதூரில் மேலும் இருப்பார்களேயானால், நமது ஒட்டுமொத்த கடும் எதிர்பையும் அப்படிப்பட்டவர்களுக்கு தெரிவிப்பதின் மூலம் பிற்காலத்தில் அவர்கள் திருந்த வாய்ப்பாக அமையும்.

பிலால் பள்ளி நிர்வாகி மதிப்பற்குரிய குளம் முஸ்தபா கமால் அவர்களும், 2-ம் வார்டு உறுப்பினர் சகோதரி முஹம்மது செய்து பாத்திமா அவர்களும் தன்னிலை விளக்கம் கொடுத்துள்ளார்கள். எனவே அவர்கள் இருவரும் இந்த விஷயத்தை முன்னெடுத்து இக்கொடிய செயலுக்கு யார் யார் உடந்தை என்பதை கண்டறிந்தது ஊர் மக்களுக்கு தெரியபடுத்த வேண்டும்