IP: 59.*.*.* India

மக்களுக்கு, ஒரு அரசு செய்ய வேண்டிய குடிநீர் திட்டத்தை, நமதூர் தனவந்தர்கள் முதல் அன்றாடம் காய்ச்சிகள் தங்களது பணத்தில் செய்தது அந்த காலம்.

ஆனால் இன்று, அல்லாஹ்வை துதி செய்யும் பள்ளிவாசல் / தைக்காவுக்கு , அல்லாஹ்வுக்கு மாற்றமாக இருக்கும் மாற்று மத நபர்களிடம் கையேந்தும் அவல நிலை. இந்த தைக்கா விஷயமானாலும் அல்லது நமதூரில் சில பள்ளிகளுக்கு, நமது மாற்று மத பிரதிநிதியிடம் நன்கொடை பெற்ற நடப்பாக இருந்தாலும் சரி, நமதூர் மக்களிடம் பணம் இல்லையா? அல்லது மனம் இல்லையா?

ஆங்கிலேயர்களின் பிரித்தாளும் செயலை, இந்த நச்சு ஆலையும் செவ்வனே செய்கிறது. நலத்திட்டங்கள், விளையாட்டு உபகரணங்கள் வழங்குவது, இலவச மருத்துவ முகாம் நடத்துவது என்று செயல்படுத்தி, தனது கோர செயலை மறைக்க முயற்சிக்கிறது. அதற்கு சில கைக்கூலிகள் உடந்தை.

இந்த செயலுக்கும் தங்களுக்கும் தொடர்பில்லை என்றும், இந்த கா(கூ)ட்டிக் கொடுக்கும் செயலுக்கு யார் காரணம் என்றும், அந்த பள்ளி நிர்வாகத்தின் சார்பாகவும், 2-வது வார்டு உறுப்பினர் சார்பாகவும் மறுப்பு வெளியிட்டுள்ளனர். துரோகிகளை இனம் கண்டு தனிமைபடுத்த வேண்டும்.

இந்த செயலுக்கு பின்னராவது, நமதூர் மக்கள் அந்த ஆலை விஷயத்தில் உஷாராக இருக்க வேண்டும். சில நாட்களுக்கு முன்னர், இந்த நச்சு ஆலை சார்பாக, நமதூர் பெண்களுக்கு 'இலவச தையல் பயிற்சி' கொடுத்து சான்றிதழ் கொடுத்த நிகழ்ச்சி நடந்தது.

நமதூர் மக்களின் எதிர்ப்பு அதிகரிக்க அதிகரிக்க, இந்த நச்சு ஆலையின் பிரித்தாளும் செயலும் அதிகரிக்கிறது. நாம் தான் உஷாராக இருக்க வேண்டும்.

-சாளை அப்துல் ரஸ்ஸாக்.