[ அடுத்தவர்கள் குறைகளையே ஆராய்ச்சி செய்து பழக்கப்பட்ட நமக்கு இந்த மருத்துவமனையில் உள்ள குறைபாடுகளை ஊதி பெரிதாக்கி பூதக் கண்ணாடி போட்டு பார்ப்பதால் அதன் மகத்துவம் தெரிவதில்லை. வரவேற்பறையில் காத்திருப்பது முதல் குறிப்பிட்ட மருத்துவர் வருகை தவறி விடுவது வரை நமக்கு எல்லாமே குறையாக தெரிகிறது. ஆனால் இதே குறைகளை நாம் வெளியூரில் மருத்துவமனைகளில் எதிர்கொள்ளும்போது அதை சகித்துக் கொள்கிறோம். ] c & p

முற்றிலும் உண்மை . மேலும் பில்லில் சிறிய , பெரிய அளவிலான தள்ளுபடியோ அல்லது சுகமாகி வீடு திரும்பியதும் சாவகாசமாக வந்து பில்லுக்கான பணத்தை கட்டும் வசதியோ வேறு எங்காவது உண்டா ? நெல்லையில் உள்ள மருத்துவர்கள்கூட ஒருசில டெஸ்டுகளுக்கு உங்கள் ஊரிலுள்ள KMT யிலேயே பாருங்களேன் என்றுதான் சிபாரிசு செய்கின்றனர் . இதைவிட வேறு என்ன வேண்டும் !

[ KMT யைப்பொருத்தவரை இதுபோன்ற திறமைமிகு மருத்துவ குழு இருப்பார்களேயானால் மற்றைய ஊர்களை நாடிப் போகும் நமதூர் மக்களின் எண்ணிக்கை கணிசமாக குறைய வாய்ப்புள்ளது. KMT நிர்வாகம் நல்ல திறமைமிகு மருத்துவர்களை பணியமர்த்துவதோடு சிகிச்சை நாடி வரும் நோயாளிகளின் மனம் கோணா செயல்பாடுகளுடைய நிர்வாகமாக பொறுப்புடன் செயல்படுமேயானால் எல்லோர்களுடைய ஏகோபித்த ஆதரவை எந்நாளும் பெற்றிடலாம்! ] c & ப

KMT இல் அன்றுமுதல் இன்றுவரை , பல மருத்துவர்கள் மாறிச்சென்றாலும் அனைவரும் திறமையானவர்களே . மருத்துவர்கள் அடிக்கடி மாறுவதற்கான காரணம் ஊரின் பிளவுபட்ட கோஸ்டிகளே . அனைவரும் ஒற்றுமையுடன் இருந்து KMT க்கு ஆதரவு கொடுத்திருந்தால் ஊரின் பெரும்பாலான பிரசவ கேஸ்களும் , சிறிய அளவிலான ஆபரேசன்களும் இங்குதான் நடந்திருக்கும் . ஒரு மருத்துவர் நிலைத்திருப்பது என்பது அங்கு வரும் கூட்டத்தை பொருத்தது . கூட்டம் அதிகம் வந்தால்தான் மருத்துவரும் ப்ராக்டீஸ் பண்ண தோதுவாக இருக்கும் .கூட்டம் குறைவான இடத்தில் யாரும் இருக்க விரும்ப மாட்டார்கள் .

ஆக , KMT யையோ , திறமையற்ற மருத்துவர்கள் இல்லையென்றோ குறை காண வேண்டாம் . பிளவுபட்ட கோஷ்டிகளை ஒன்று சேர்க்க பாருங்கள் . இந்த மருத்துவமனை இன்னும் சூப்பராக வரும் .

அறுவை சிகிச்சை செய்துகொண்ட சகோதரி நடுத்தர குடும்பத்தை சார்ந்தவர் என்று கேள்விப்பட்டேன் . ஒருவேளை அவர் இந்த சிகிச்சையை வேறு எங்காவது செய்திருந்தால் அது அவர்களது சக்திக்கு மீறியதாக இருந்திருக்கும் . அல்லாஹ் காப்பாற்றினான் .