IP: 37.*.*.* Saudi Arabia

அட்மின் அவர்களே, இது இங்கு பதிவு செய்ய தேவை இல்லை என்றால் பதிவு செய்ய வேண்டாம் .

நான் முகநூலில் ( facebook ) முன்பு பதிந்தத கட்டுரை.

==============================================

காட்சிகள் 2- கதாநாயகன் -1

சகோதரர் ஒருவர் (2 காட்சிகளின் கதாநாயகன்) அதிக கோபக்காரர், தன்னுடைய குடும்பத்தில் பெரியவர் ஒருவர் சுகர் அதிகமாகி, காலில் பெரிய பல ஆறாத புண்ணுகளுடன், நினைவு தடுமாறி நம் ஊருக்கு அருகில் உள்ள மருத்துவமனையில் அனுமதித்து கவனித்து வந்தார்.

ஒரு நாள் அதிகாலை அந்த பெரியவர் சற்று முனங்கிக்கொண்டு இருந்ததால், விளக்கை போட்டு, அவரை ஆசுவாசப்படுத்தி, சற்று குடிக்க தண்ணீர் கொடுத்து விட்டு,விலகி இருந்த போர்வையை சரி செய்த போது, கால் புண்ணிலும், படுக்கை ஓரங்களிலும் எறும்புக் கூட்டம் அவரை பதம் பார்த்துக்கொண்டு இருந்துள்ளது. உடனே நர்சை கூப்பிட்டு சரி செய்ய வைத்தாராம்.

இதை என்னிடம் கூறி எப்படி மருத்துவமனை நடத்துகிறார்கள் என்று பாருங்க என்று வருத்தத்துடன் கூறினார்.

நானோ, எப்படி இதை விட்டீர்கள்..? அவர்களை ஒரு பிடி பிடித்து இருக்கலாம் அல்லவா..?

அவரோ,, என்னத்தை செய்ய..? டாக்டரிடம் கூறினேன். அவரோ ஒன்றும் சீரியஸ் ஆக எடுக்காமல்.. பார்த்துக்கொள்ளுகிறோம்.., பார்த்துக்கொள்ளுகிறோம் என்று கூறிவிட்டாராம்.

காட்சி -2

இந்த சகோதரர் ஒரு நாள் நம்முடைய KMT மருத்துவமனையில் காட்டு கத்து கத்தி, சண்டை போட்டுக்கொண்டு இருந்தார்.

நான் அருகில் சென்று ..என்ன காக்கா.. என்ன பிரச்சனை, சப்தத்தை குறைங்க. நம்ம மருத்துவமனை இது.

அவரோ, என்ன ஆஸ்பத்திரி நடத்துறானுவோ..? ஆஸ்பத்திரியாம் ஆஸ்பத்திரி என்று கூவினார்.. சவுண்டை குறைக்காமால்.

விசாரித்தால்.... மருத்துவர் மாத்திரை 1000 Mg. எழுதி கொடுக்க, மருத்துவமனையில் 1000 Mg இல்லாததால் 500 Mg யாக, டபுள் மாத்திரை கொடுத்துள்ளார்கள். இரண்டு நாட்களாக அந்த 500 Mg மாத்திரையை இரண்டு இரண்டாக கொடுக்காமல், ஒன்று ஒன்றாக கொடுத்தார்களாம். அதனால் அவங்க கூட்டி வந்த பையனுக்கு நோய் குணமாக லேட் ஆகி விட்டதாம். இது தான் அவரை மிகவும் டென்ஷன் ஆக ஆக்கியதாம்.

அவரை சமாதானப் படுத்தி..

காக்கா, இதுவும் தவறு தான். மாத்திரையை கொடுக்கும் சமயம் அவர்கள் கூறி இருப்பார்கள், நீங்கள் கேட்க தவறி இருப்பீர்கள். அல்லது அவர்கள் கூற மறந்து இருப்பார்கள். மருந்து கொடுக்கும் செவிலியர் எத்தனை Mg என்று பார்க்க தவறி இருப்பார்கள். அதற்கு இப்படியா சண்டை போடுவது. இந்த சண்டையை அன்று கூறினீர்களே, அந்த எறும்பு சம்பவத்தில் அந்த மருத்துவமனையில் நடைபெற்றதே..!! அங்கு போட்டு இருந்தால் அது நியாயம்.

இந்த மாத்திரை விசயத்தை நிர்வாகத்திடம் ஒரு புகாராக தெரிவித்தாலே போதும். என்று விளக்கம் கொடுத்து அனுப்பிவைத்தேன்.

ஏன் இப்படி…?? KMT என்றால் ஒரு இளக்காரமா..? ஒவ்வொரு நாளும் யாராவது ஒருவர் சண்டை போட்டுக்கொண்டேதான் இருக்கின்றார்கள்.

மற்ற மருத்துவமனைக்கு காலையில் சென்றால் மாலை வரை காத்து இருந்தாலும் வராத கோபம், நம் KMT யில் ஒரு அரைமணி நேரம் அதிகம் காத்து இருந்தால் வருவது ஏன்..? நம்முடைய மருத்துவமனை என்பதாலா?

மற்ற ஊரில் இருக்கும் மருத்துவமனைக்கு சென்று, அங்கு மருத்துவர் இல்லை என்று சொன்னாலோ, டெஸ்ட் ரிப்போர்ட் நாளைக்குத்தான் வரும் என்று கூறினாலோ ஒன்றும் அதிகம் பேசாமல் சிரித்துவிட்டு அப்படியா என்று தலையை ஆட்டிவிட்டு வரும் நாம்,

KMT யில் மருத்துவர் வர இன்னும் அரைமணி நேரம் ஆகும், வெயிட் பன்னுங்க என்று கூறினாலோ, டெஸ்ட் ரிப்போர்ட் இன்னும் 10 நிமிடத்தில் ரெடி ஆகிவிடும், கொஞ்சம் உட்காருங்க என்று கூறிய அடுத்த நொடியில், ஆட்டோ பிடித்து அவ்வளவு தொலைவில் இருந்து வருகிறோம், வீட்டில் பசங்க தனியாக இருக்காங்க என்று பல காரணங்கள் கூறி பொங்கிக்கொண்டு வரும் கோபம் எதனால்...? புரியவில்லை.

இந்த கோபங்களை மற்ற மருத்துவமனையில் ஏன் காட்டுவது இல்லை..?

தவறுகள் இல்லாத இடங்களே இல்லை. அதை எதிர்கொள்ளும் அளவுகோல் ஏன் வித்தியாசம் என்பதுதான் என்னுடைய ஆதங்கம்..??

சாளை எஸ்.ஐ.ஜியாவுத்தீன், அல்கோபார்