IP: 61.*.*.* India

A.L.S இப்னுஅப்பாஸ்
(இணையதள எழுத்தாளர்)
நூலகர்: சீதக்காதி நினைவு நூலகம்
தாயிம்பள்ளி வளாகம்
காயல்பட்டணம்.

அஸ்ஸலாமு அலைக்கும் (வரஹ்...)

சகோதரர் அன்பின் அலாவுத்தீன் எழுதிய தனிமரம் தோப்பாகுமா? கட்டுரை படித்தேன். நமதூர் அருகிலுள்ள D.C.W. தொழிற்சாலை இடும் நச்சுபுகையினால் ஏற்படும் கேடுகுறித்தும், நமதூரின் இன்றைய ஒற்றுமை குறைவு குறித்தும் கவலை பட்ட மனதுடன், குன்றின் மீதுவைத்த விளக்குபோல், அல்லது உள்ளங்கை நெல்லிக்கனிபோல் சிந்தனைக் கருத்துகளை வைரவரியாக பதிவுசெய்துள்ளார்.

மக்கள் மனதில் அவரின் கருத்துகள் மாறாமல் இருக்க, நல்ல உதாரணங்களையும் இணைத்துள்ளார். நமதுரின் இன்றைய நிலையை பாருங்கள், தனது மகளுக்கு மாப்பிள்ளை தேடும்படலத்தில் மாப்பிள்ளை படித்தவரா? பண்புள்ளவரா? வேலையில் இருந்து சம்பாதிக்கிறாரா என்று முதலில் பார்ப்பது இல்லை.

அவர் எந்த கொள்கையை சார்ந்தவர் நம் கொள்கைக்கு ஒத்துவருவரா என ஆய்வு செய்து வருங்கால மாப்பிள்ளைகளை தேடுகிறார்கள்.

எந்த காரியத்திலும் வெற்றி பெற வேண்டுமானால் எல்லோரும் ஓரணியில் ஒன்று திரண்டு எதிர்ப்பு கொண்டால் தான் வெற்றிக்கனி சுலபமாக கிடைக்கும். நமதுரிலுள்ள பல்வேறு கொள்கைகளை பள்ளிவாசலில் பயானோடு வைத்துக் கொள்ளட்டும், தொழுது விட்டு வெளியே வந்ததும் நானும் நீயும் முஸ்லீம் சகோதரன்,அதனால் நாம் ஒற்றுமை எனும் கயிற்றை பற்றி பிடித்து கொள்வோம் வாரீர் என்ற இஸ்லாமிய வாஞ்சையுடன் மனம் திறந்து நடந்து கொண்டால் தான். நச்சுபுகைக்காக D.C.W. வை எதிர்த்து போராடமுடியும்.

தொழிற்சாலையை மூட சொல்ல வில்லை. இந்த தொழிற்சாலையிலிருந்து வெளிவரும் புகையினால் மக்கள் புற்று நோயிக்கு ஆளாவதையும் அதற்கு மாற்றாக ஒருவழியை அந்த தொழிற்சாலை எடுக்க சொல்வதே நமது கோரிக்கையாகும் விட்டு விட்டு தனிதனி அணியாக போராடுவதைக் காட்டிலும் ஊரிலுள்ளவர்கள் கொள்கையை ஒதுக்கி ஓரணியில் ஒன்றினைந்தால் அரசு காதுக்கு நமது போராட்டத்தின் நியாயமான சிந்தனைபுரியும்.

அக்கம் பக்கம் ஊர் மக்களிடமும் D.C.W. தரும் நச்சு புகையினால் ஏற்படும் தீமைகுறித்து ஆய்வு செய்து அங்குள்ள ஊர் தலைவருக்கு தகவல் தந்தால் நம் நியாயமான போராட்டத்தின் வெற்றியை அல்லாஹ்தருவான்.

A.L.S. இப்னு அப்பாஸ்
(பொதுமக்கள் நலன் கருதும் ஊழியன்)