IP: 180.*.*.* Singapore

எழுத்துமேடையின் புதுமுக ஆசிரியை அவர்களை பாராட்ட வேண்டும் எனும் எண்ணம் என் உள்ளத்தில் இருந்த போதிலும் தருணம் இதுவல்ல என தவிர்த்துக் கொண்டேன். காரணம் அவர் விவரித்த இன்னல்களின் வீரியம்தான் என் மனக்கண்ணில் துளிகளாய்த் ததும்பி நின்றது.

கட்டுரையின் தலைப்பைத் தழுவிய எனது ஆதங்கத்தை இங்கு பதிவு செய்ய விரும்புகின்றேன்.

எம் சமுதாயத்தின் மீது பூசப்பட்ட பழிச்சொல்லை
தொடர்மழையால் துடைத்துவிட்டான் இறைவன்.

இடிப்போம் என்ற பள்ளிவாசல்கள் இன்று இருக்க இடம் தரும் காட்சி! ஆண், பெண் பேதமின்றி களப்பணியாற்றி எம்மீதுள்ள களங்கத்தை கரையோதுக்கிவிட்டனர்.

முகநூலில் பார்த்த அத்தனை படங்களிலும் எம் சமுதாய இளைஞர்களின் கடமை உணர்வு பிரதிபலிக்கின்றது. அரசு அதிகாரிகளோ, அமைச்சர்களோ, ஏன் இராணுவம்கூட கண்ணில் படவில்லை.

கரைபுரண்டோடும் வெள்ளத்தில் மீட்பு பணியாற்ற காவிக்கும்பலை காணவில்லை! மாறாக, மதம் கடந்த மனித நேயத்தை அதன் உரிய நேரத்தில் உதவி மூலம் இரவு பகலாக சேவையாற்றும் எம் சகோதர்கள் சற்றும் சளைக்காமல் களப்பணியாற்றி வருவதைக் காண முடிந்தது.

இந்த சமுதாயம்தான் குண்டு வைப்பவர்கள், தீவிரவாதிகள், என சித்தரிக்கப்பட்டு, இதே சென்னையில் இஸ்லாமியனுக்கு வாடகைக்குகூட வீடு தர மறுத்த எம் சகோதர சமுதாயம் இப்போது உணர்ந்து கொண்டது...ஏய்! பாய் நம்ம ஆளுப்பா...!

குறிப்பு: இந்த இயற்கை பேரிடரில் இஸ்லாமியர்கள் மட்டுமே உதவிக்கரம் நீட்டுகின்றனர் என நான் சொல்ல வரவில்லை! நல்லுள்ளம் கொண்ட அனைத்து மக்களும் உதவி வருகின்றனர். தேச பக்தி என வாய்கிழிய பேசி வரும் காவிக்கும்பல்களைத் தவிர...

-ஹாஜாஸ் மைந்தன்.