IP: 66.*.*.* United States

நவம்பர் மாதத்திற்கு முன்புவரை சென்னைக்கு குடிநீர் வழங்குகிற அனைத்து ஏரிகளும் வற்றிப்போய் இருந்தன.சென்னைக் குடிநீர் வாரிய அதிகாரிகள் இப்பிரச்சனையை எப்படி எதிர்கொள்வது என்று கூட்டம் போட்டுக்கொண்டிருந்த நிலையில்தான் நவம்பர் பாதியில் தொடங்கிய வடகிழக்குப் பருவமழையானது, நிலைமையை தலைகீழாக புரட்டிப் போட்டது.

சென்னைப் பெருவெள்ள நிகழ்வானது,ஏரி,குளங்கள் பராமரிப்பு,ஆக்கிரமிப்பு குறித்த பரவலான விவாதத்தை எழுப்பினாலும்,நீர்நிலை ஆக்கிரமிப்பு பிரச்சனைக்கு நிரந்தரத் தீர்வு காணும் வரை இவ்விவாதத்தை,செயற்பாட்டை தொடர்வதுதான்,நிரந்தரப் பாதுகாப்பிற்கான தீர்வாக இருக்க முடியும்.

அவ்வகையில் தண்ணீரை விற்பனைப் பண்டமாக சந்தையில் விற்பதற்கு எதிராகவும்,நீர் நிலைப் பாதுகாப்பை உறுதி செய்வதற்காகவும் முப்பதற்கும் மேற்பட்ட முற்போக்கு அமைப்புகளை இணைத்து உருவாக்கப்பட்ட “தண்ணீருக்கான பொது மேடை”சென்னையை சுற்றியுள்ள நீர்நிலைகளை நோக்கிய தொடர் பயணத்தை முன்னெடுக்கிறது.

முன்னதாக இந்தியாவின் தண்ணீர் மனிதன் என்றழைக்கப்பட்ட ராஜேந்தர் சிங்கால் துவங்கிவைக்கபட்டு,தண்ணீர் விற்பனைக்கு எதிரான பிரச்சார நூல் வெளியீட்டோடு தொடங்கப்பட்ட தண்ணீருக்கான பொது மேடை,தொடர்ச்சியாக வணிக வளாகங்களில் இலவசமாக தண்ணீர் வைக்கக்கோருகிற துண்டறிக்கை பிரச்சாரங்களையும்,போரூர் ஏரி ஆக்கிரமிப்பிற்கு எதிராக,தண்ணீர் நடை மற்றும் சைக்கில் பேரணியையும் நடத்தியது.

பல்வேறு அமைப்புகள் நடத்திய போரட்டத்தின் விளைவாக இன்று போரூர் ஆக்கிரமிப்பு அகற்றுப் பட்டுவரும் நிலையில்,சென்னை முழுவதுமாக நீர்நிலை ஆக்கிரமிப்பிற்கு எதிராக இதை விரிவுபடுத்தும் விதமாக நாம் சென்னையை சுற்றியுள்ள நீர் நிலைகள் நோக்கிய நடை பயணத்தை துவங்கவுள்ளோம்.

வருகிற ஞாயிறன்று செம்பரம்பாக்கத்தில் இருந்து,நீர் நிலைகளை காத்திட நமது பயணத்தை துவக்குவோம். தண்ணீருக்காக ஒன்றிணைவோம் ....

தொடர்பு:
9884831545,984165174
publicforumwater@gmail.com
செம்பரம்பாக்கம் ஏரிக்கரை.
As received (