IP: 180.*.*.* India

எமது குருவித்துறைப் பள்ளி மஹல்லாவின் முக்கியப் பிரமுகர்களுள் ஒருவர்.

இப்படிச் சொல்வது பலருக்கும் வியப்பாக இருக்கலாம்! பொதுவாக நம் பார்வையில், ஒரு ஜமாஅத்தோ அல்லது பொதுநல அமைப்போ... அவற்றின் முன்னாள் / இந்நாள் நிர்வாகிகள்தான் பிரமுகர்ளாகக் கண்களுக்குத் தெரிவர். ஆனால், எந்நாளும் பள்ளியே கதி என்று அடிமட்டப் பணிகள் செய்யும் இவர்களைப் போன்றவர்கள் பிரமுகர்களாகக் கருதப்படுவதில்லை.

பள்ளியில் நடக்கும் என்ன நிகழ்ச்சிகளானாலும், இவர்கள் கையுயர்த்தி கடைவாய்ப் பெட்டிகளைத் தூக்காவிட்டாலோ, மூடைகளை முதுகுகளில் சுமக்காவிட்டாலோ - அதனால் ஒட்டுமொத்த நிகழ்ச்சியே நடக்காமல் போய்விடும்! நம் பார்வையில் படும் பிரமுகர்களின் கவுரவமும் பாதிக்கப்படும்.

ஆக, அனைவரின் கவுரவத்தையும், தம் கவுரவம் பற்றிக் கவலைப்படாமல் பாதுகாத்து வந்த பலருள், செய்கு அப்துல் காதிர் என்ற இந்த சேக்கார் காக்காவும் ஒருவர்!!!

வல்ல அல்லாஹ்வின் கட்டளைக்கிணங்க மர்ஹூம் அவர்கள் தமது இவ்வுலக வாழ்வை முடித்துக்கொண்டார்கள். அவர்கள் தம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் கருணையுள்ள அல்லாஹ் தன் அளப்பெரும் கிருபை கொண்டு பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை நற்கூலியாக வழங்கியருள்வானாக...

அன்னாரின் பிரிவால் துயருற்றிருக்கும் - அவர்களின் குடும்பத்தார் யாவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக... ஆமீன்.

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.

துஆக்களுடன்,
எஸ்.கே.ஸாலிஹ்
மற்றும்
மர்ஹூம் எஸ்.கே.ஷாஹுல் ஹமீத் குடும்பத்தார்
கொச்சியார் தெரு, காயல்பட்டினம்.