IP: 163.*.*.* Japan

இந்த நாட்டின் வரமா அல்லது சாபமா என்று தெரியவில்லை, இந்த நாட்டின் ஜனாதிபதியாக தேர்ந்தெடுக்க படுபவர் அகவை 75ஐ தாண்டி நிற்கிறார். பிரதமராக தேர்ந்தெடுக்கப் படுபவர் ஒய்வு பெறும் வயதின் எல்லையை தாண்டி நிற்கிறார். மாநிலத்தின் முதலமைச்சராக அல்லது முதலமைச்சர் வேட்பாளராக களம் இறங்குபவர் அகவை 90 ஐயும் தாண்டி நின்றாலும் அவரையும் மக்கள் அங்கீகரிக்கிறார்கள்.

இளைஞர்கள் 100 பேரை தாருங்கள் அவர்களை இந்த நாட்டின் சிற்பிகளாக்கி காட்டுகிறேன் என்று விவேகானந்தர் சொன்னார். இஸ்லாத்தின் ஓரிறை கொள்கையை மக்கள் முன் அறிவித்தவர் ஒரு 40 வயது இளைஞர். அவரைப் பின்பற்றிய தோழர்கள் இளைஞர்கள். அந்த இறை தூதர் இளைஞர்களே என்ற பொருள்படும் YA MAUSHARASH SHABAAB என்றுதான் அவர்களது தாய்மொழியான செம்மொழியான அரபியில் அழைத்தார்கள். அமெரிக்க ஜனாதிபதி ஒரு இளைஞர் .

துரதிர்ஷ்டவசமாக நம் இளைஞர்கள் அவர்கள் எந்தக் கட்சியில் இருந்தாலும் அவர்கள் தங்களை முன்னிலைப் படுத்துவதும் இல்லை அவர்களை முன்னுக்கு வருவதற்கு அதன் வயதான தலைவர்கள் அனுமதிப்பதும் இல்லை. ஒதுங்கி வழிவிடுவதும் இல்லை. பெருந்தலைவர் காமராஜ் மட்டும் விதிவிலக்காக தெரிகிறது. அவர் K PLAN என்று ஒன்றைக் கொண்டுவந்து தன்னையே அதற்கு முதல் பலியாக்கி இளைஞர்களை வாருங்கள் என்று அழைத்தார்.பேரறிஞர் அண்ணா அவர்கள் கூட நாவலர் நெடுஞ்செழியன் அவர்களை ,தம்பி வா தலைமை தாங்க வா என்று அழைத்தார்.

அதன்பிறகு கலைஞராகட்டும் புரட்சி தலைவராகட்டும் புரட்சி தலைவியாகட்டும் மக்கள் நலக் கூட்டணியும் முதல்வர் வேட்பாளரான புரட்சி கலைஞராகட்டும் எல்லோருக்கும் தாங்களே முதல்வர் ஆக வேண்டும் என்ற வேட்கை அதிகரித்து வருகிறதே தவிர குறைந்தபாடில்லை. இவர்கள் எல்லோருடைய தேர்தல் அறிக்கைகளிலும் இலவசம் என்ற விஷம் தோய்ந்த தேன் கலக்காமல் இல்லை.மக்களும் கொள்கை லட்சியம் என்ற அளவுகோலை தாண்டி இலவசங்களை மையமாக வைத்து தான் தங்கள் வாக்குகளை பதிவு செய்கிறார்கள்.

கலைஞர் அளித்த இலவச வண்ண தொலைக் காட்சி பெட்டியை வேண்டாம் என்று என்னை போன்று உங்களை போன்று விரல்விட்டு எண்ணக் கூடியவர்களே. மிக்சியும் கிரைண்டரும் மின்விசிறியும் மடிக் கணினியும் தந்த மகராசி என்று அம்மாவை வாழ்த்தாத குடும்ப அட்டைதாரர்கள் உண்டா ஊழல் ஒழியவேண்டும் என்று கூக்குரலிடுபவர்கள் அதிமுகவையும் திமுகவையும் அதிலிருந்து பிரிக்க முடியுமா நெருப்பில் பெரிய நெருப்பு சிறிய நெருப்பு பாவத்தில் பெரிய பாவம் சிறிய பாவம் என்று இருக்கத்தான் செய்கிறது. மொத்தத்தில் நெருப்பு சுடும் பாவம் சுடும் நெருப்பில் நம்மை தள்ளும்.

நமது தொகுதியில் முன்பு போட்டி இட்டவரா இவர் அப்படியானால் அவர் இந்த தொகுதிக்கு நமது ஊருக்கு என்ன நன்மைகள் செய்துள்ளார் என்று பார்த்து அவரை தேர்ந்தெடுக்கலாம். மற்றப்படி புது முகங்களாக யார் நின்றாலும் அவர்களின் பொது நல சேவைகளை கருத்தில் கொண்டு நமது வாக்குகளை பதிவு செய்யலாம் .நமது தொகுதி வேட்பாளரை பார்க்கும்போது கவிஞர் அவர்கள் சொல்லும் கலைஞர் வேட்பாளருக்கு நமது வாக்குகளை அளிக்கலாம் .

மற்றப்படி கலைஞர் பட்டினம் கவிஞர் பட்டினம் இது காயல்பட்டினம் என்பதெல்லாம் ஒரு மாயைதான்...