IP: 180.*.*.* India

சகோதரர் கே.ஏ.எம்.முஹம்மத் அபூபக்கர் அவர்களின் தேர்தல் வெற்றிக்காக இயங்கும் “கோட்டையை நோக்கி” எனும் வாட்ஸ் அப் குழுமத்தில் அடியேன் பதிவிட்ட கருத்தை அப்படியே இங்கு தருகிறேன்...

எல்லாப் புகழும் அல்லாஹ்வுக்கே! அல்ஹம்துலில்லாஹ்!!

கடைசியில், நாம் யாவரும் எதிர்பார்த்த படி, அழகிய தேர்தல் முடிவை அவன் தந்து, நம்மை மகிழ்ச்சியில் ஆழ்த்திவிட்டான்!

காயல்பட்டினத்தின் முதல் சட்டமன்ற உறுப்பினர் என்ற வரலாற்றை நம் பாசத்திற்குரிய சகோதரர் அல்ஹாஜ் கே.ஏ.எம்.முஹம்மத் அபூபக்கர் பதிவு செய்துவிட்டார்!

அவரும், நாமும் சார்ந்துள்ள திமுக கூட்டணிக்கு இது பின்னடைவே என்றாலும், கடந்த தேர்தலோடு ஒப்பிடுகையில் முன்னேற்றமே!

தட்டிக் கேட்க யாருமே இல்லாத நிலை 5 ஆண்டுகளாக சட்டமன்றத்தில் இருந்தது. இனி அந்நிலை இருக்காது. ஓர் ஆரோக்கியமான கருத்துப் பரிமாற்றமும், மக்கள் நலனை மட்டுமே சிந்தித்து, அதனடிப்படையில் செயலுக்கு வரும் நல்ல திட்டங்களும் என புதிய சட்டமன்றம் பிரகாசிக்கட்டும்!

இறையருளால் வெற்றி நாயகனாக சட்டமன்றத்தில் அடியெடுத்து வைக்கும் நம் பாசமிக்க சகோதரர் அல்ஹாஜ் கே.ஏ.எம்.முஹம்மத் அபூபக்கர் அவர்களை - நம் சமுதாயத்தின் நிறைவான பிரதிபலிப்பாகவும், தனக்கு வாக்களித்த – வாக்களிக்காத – தன் தொகுதியைச் சேர்ந்த அனைத்து சமுதாய மக்களின் நலனுக்காக பாரபட்சமின்றி இயங்குபவராகவும் அல்லாஹ் ஆக்கியருள்வானாக... இன்னும் பலப்பல உயர்பதவிகளில் அவரை அமர்த்தி கருணையுள்ள நாயன் அழகு பார்ப்பானாக!

இத்தனை நல்ல முடிவு கிடைப்பதற்காக, தன் பணிகளையெல்லாம் ஒத்தி வைத்துவிட்டு இயங்கிய, உடலால் - உள்ளத்தால் - பொருளால் ஓய்வின்றி உழைத்த அனைத்து நல்லுள்ளங்களுக்கும் நிறைவான நற்கூலிகளை அல்லாஹ் வழங்கியருள்வானாக...

குறிப்பாக, நம் சகோதரரின் வெற்றிக்கு உழைப்பதற்காக கடையநல்லூர் வந்து பரப்புரையில் ஈடுபட்டு, யாரும் எதிர்பார்க்காத நிலையில் - சொல்லாமல் நம்மை விட்டும் மறைந்துவிட்ட எனதன்பு நண்பன் மர்ஹூம் பாளையம் இஸ்மாஈலின் மண்ணறை - மறுமை வாழ்வுகளை கருணையுள்ள அல்லாஹ் ஒளிமயமாக்கி வைப்பானாக...

தேர்தலில் நல்ல முடிவைத் தந்த நாயன், அதற்காக உழைத்த என் நண்பனின் மறுமை வாழ்விலும் உயர் சுவனம், உன்னத மக்களுடன் இணைந்திருப்பு என மிகச் சிறந்த நல்ல முடிவுகளைத் தந்தருள்வானாக, ஆமீன், ஆமீன், யாரப்பல் ஆலமீன்!

அனைவருக்கும் நன்றி! ஜஸாக்குமுல்லாஹு கைரா!! வஸ்ஸலாமு அலைக்கும் வரஹ்மத்துல்லாஹி வபரக்காதுஹ்!!!

வாழ்த்துக்களுடனும், ஆனந்தக் கண்ணீருடனும்,
எஸ்.கே.ஸாலிஹ்
(தாய்ச்சபையின் தரம் தாழ்ந்த உறுப்பினர்)