IP: 163.*.*.* Japan

பெரியவர் அடிபட்ட செய்தி கேள்வி பட்டபோது அடிவயிற்றில் அமிலம் சுரந்தது. அமைதியே உருவான அந்த பெரியவர் மர்கஸிலேதான் தான் வணக்க வழிபாடுகளில் திளைத்து இருப்பவர். யாரிடமும் கலகலவென வழவழவென பேச மாட்டார். ஜும்மா தொழுகைக்கு மட்டும் மகுதூம் பள்ளிக்கு வருவார்.

பலநூறு மக்கள் கூடும் அந்த ஜும்மா தொழுகை கூட்டத்தில் இவரை தனியாக அடையாளம் கண்டு கொள்ளலாம். வெள்ளை வெளேரென ஜுப்ப்பா மருதாணி பூசப்பட்ட தாடி தலையில் வெள்ளை தொப்பி இது தான் அவரது உருவ தோற்றம். அவர்களின் வாழ்க்கை ரமலான் பிறை 27il முடிவுக்கு வந்துள்ளது. அல்லாஹ் அவர்களுக்கு மேலான சுவர்க்க வாழ்வை கொடுத்தருள்வானாக அவர்கள் குடும்பத்தினருக்கு நல்ல பொறுமையை கொடுத்தருள்வானாக.

இந்த வாழ்வின் முடிவுக்கு அல்லாஹ்வின் களா கத்ரு என்று நாம் சமாதானம் சொல்லிக் கொண்டாலும் மனித உயிர் பலியாக மனிதனே காரணமான இருக்கும் இந்த விபத்தை நாம் வேறொரு கோணத்திலும் பார்க்க வேண்டும்.

கீழக்கரையில் ஏற்பட்ட பைக் விபத்தில் வபாத்தான மாணவர்கள்,கடையநல்லூர் பைக் விபத்தில் வபாத்தான மாணவர்கள் இவர்களின் உயிரின் விலை என்ன இவர்களை எவ்வளவு கனவுகளுடனும் எதிர்பார்ப்புக்களுடனும் அவர்கள் பெற்றோர் அவர்களை வளர்த்து வாலிபமாக்கி சமுகத்தில் வலம் வர விட்டிருப்பார்கள். ஆனால் அவர்கள் கனவுகளை சிதைத்து சின்னாபின்னமாக்கியத்துடன் தங்கள் வாழ்வுகளையும் சிதைத்துக் கொண்ட இவர்களை என்னென்று சொல்வது.

சமீப காலமாக பெருகி வரும் பைக் கலாச்சாரம் நம்மை சிந்திக்க வைக்கிறது காவல் துறை உதவியை நாடி நமதூரில் பைக் கலாச்சாரத்து ஒரு முடிவை ஏற்படுத்த வேண்டும். போது நல சேவையில் ஈடுபட்டிருக்கும் சங்கங்கள், காயல் நல மன்றங்கள், கல்வி நிலையங்கள் இக்ரா kcgc போன்ற மாணவர்களின் மீது அக்கறை கொண்ட தொண்டு நிறுவனங்கள், நமதூரில் உள்ள ஜமாத் பெரியவர்கள், இணைய தலை நிறுவனர்கள் எல்லோரும் கலந்து கொள்ளும் ஒரு கூட்டத்தை கூட்டி இதுபற்றி பேசி ஒரு விதி வகுக்க வேண்டும்.

புனித ரமலான் முடிவுக்கு வந்துள்ள இந்த தருணத்தில், இக்ரா கூட்டம் 10.7.16 இல் நடக்கவிருக்கும் தருணத்தில் இந்த தலைப்பையும் வைத்து விவாதம் நடத்த வேண்டும் என்று இந்த இணையதளம் மூலம் கேட்டுக் கொள்கிறேன்.

நமது மண்ணின் மைந்தன் கடையநல்லூர் சட்டமன்ற உறுப்பினரையும் அழைத்து இந்த விஷயமாக ஆலோசனைகள் செய்து சட்டமன்றத்திலும் பேசி இந்த பைக் கலாச்சாரத்துக்கு ஒரு முற்றுப் புள்ளி வைக்க முயற்சிப்போம்.

எல்லாம் வல்லா அல்லாஹ் நம் இளைஞர்களை இந்த பைக் கலாச்சாரத்தினால் ஏற்படும் சீரழிவுகளை விலை மதிக்க முடியாத உயிர்கள் காவு கொள்ளப் படுவதையும் தடுத்து நிறுத்த அருள்புரிவானாக ஆமீன்.