IP: 37.*.*.* Romania

ஒரு வெட்கங்கெட்ட வேதனையான செய்தி.

இப்படிப்பட்ட ஒரு பயிற்சி வகுப்பை ஒரு விஷ ஆலையின் உதவியால் தான் பெறணுமா? சற்று நாட்களுக்கு முன்னர்தானே,நமது ஹாங்காங் பேரவையின் சார்பாக இப்படிப்பட்ட ஒரு ஏற்பாட்டை செய்தார்கள் அவைகள் உங்கள் கண்களுக்கு தெரியாமல் ஏன் போனது!

அந்த விஷ ஆலைக்கிருமியின் தாக்கத்தினால் எத்தனை நூற்றுக்கணக்கானவர்களை இழந்து நிற்கிறோம், அவர்கள் உங்கள் சகோதர சகோதரிகள் இல்லையா?அதற்கு காரணமான அந்த விஷ ஆலை போடும் இந்த பிச்சைக்கார உதவி உங்களுக்கு பெரிதாகிவிட்டதா?

எத்தனை நமதூர் இதயங்கள் இக்கொடிய நோயினால் இன்றோ, பிறகோவென்று இழுத்துக்கொண்டிருக் கிறார்களே அவர்களின் அபயக்குரல் உங்கள் காதுக்குள் விழவில்லையா? அக்குரல்களைவிட அந்த விஷ ஆலை போடும் எலும்புத் துண்டுகளுக்காக ஏங்கி நிற்கும் ஜந்துக்களே உங்கள் மனது என்ன இரும்பால் ஆனதா?

அந்த நச்சு ஆலையிலிருந்து பெறப்படும் உதவிலிருந்து பருகும் ஒரு சொட்டு நீராக இருந்தாலும்,அது நாம் இழந்துவிட்ட நம் மண்ணின் மகிமைமிகு உயிர்களின் உதிர்த்திழந்த ஓராயிரம் சொட்டு உதிரத்திற்கு சமமல்லவா?அவர்களின் ஊனமல்லவா?

இது என்னுடைய வேதனையின் வெளிப்பாடுமட்டுமல்ல,என் குடும்பத்தைப்போல் எத்தனையோ குடும்பத்தார்கள் அந்த நச்சு ஆலையினால் பாதிக்கப்பட்டு பேரழிவுக்கானவர்களின் ஒட்டுமொத்த ஒப்பாரிக்குரல்கள்.அந்த குரல்கள் உங்கள் காதுகளுக்கும்,கனத்த மனதுக்கும் விழவில்லையென்றால் அந்த "மர்ஹும்"களின் மானசீகமான பதுவாக்களுக்கு நீங்களும்,உங்கள் குடும்பத்தாரும் பதில் சொல்லிக் கொள்ளுங்கள்!

அல்லாஹ் அனைத்தும் அறிந்தவன்!

ஆதங்கத்துடன்,
ஆதம் சுல்தான்.