IP: 157.*.*.* Indonesia

வெறுமனே கூச்சலிட்டுக் கொண்டிருக்கிறோம். என்ன நடக்கிறதென்றே தெரியவில்லை. பிஜேபி காரர்கள் பொது சிவில் சட்டம் கொண்டுவர துடிக்கிறார்கள். முஸ்லிம்கள் வெகுண்டெழுந்து எதிர்ப்பு தெரிவிக்கிறார்கள் நான் உட்பட. ஆனால் தலாக் விஷயத்தில் இஸ்லாம் என்ன சொல்கிறது பிஜேபி என்ன சொல்கிறது என்ற செய்திகளை மிக தெளிவாக இந்த கட்டுரை எனக்கு விளக்கிக் காட்டுகிறது. அல்ஹம்து லில்லாஹ் ஷமீமுல் இஸ்லாம் அவர்களுக்கு அல்லாஹ் ரஹ்மத் செய்வானாக.

இப்போதைய தேவை இந்த இணைய தளத்தில், வாட்சப்பில் மக்கள் பார்க்க கேட்க வேண்டிய செய்தி அல்ல இது. ஒவ்வொரு இஸ்லாமியரின் வீடுகளிலும் பெண்களுக்கு விரிவாக சொல்லப்பட அறியவைக்க பட வேண்டிய செய்தி இது. எல்லோரும் காலையில் எழுந்து தொழுவது ஒத்துவதுபோல் இந்த செய்தியில் உள்ள நியாயங்கள் குர் ஆன் ஹதீத் விளக்கங்களை தெரிந்து அதன்படி தங்கள் மனநிலையை சரி செய்துகொள்ள வேண்டிய நிகழ்வு இது. இந்த நேரத்தில் அவர்கள் மனங்களில் வேரூன்ற செய்ய வேண்டிய எண்ணங்கள் இது இதை ஒரு கை ஏடாகவே வெளியிட மருமகன் ஷமீமுல் இஸ்லாம் முயற்சிகள் மேற்கொள்ள வேண்டும்.

இதில் முக்கியமாக கவனிக்க வேண்டிய ஒரு அற்புதமான விஷயம் இரண்டு மரங்கள் பேசிக் கொள்ளும் செய்தி. தங்களை வெட்டுவதற்கு அளிப்பதற்கு புறப்பட்டிருக்கும் விறகு வெட்டியின் கையிலுள்ள கோடரிக்கு அழுத்தம் கொடுப்பது துணை நிற்பது எல்லாமே தன் இனத்தை சேர்ந்த மரமேதான்.

சல்மான் ருஷ்ட்டி, தஸ்லீமா நஸிரீன் போன்றவர்கள் இந்த மார்க்கத்தில் இருந்து கொண்டு செய்யும் சேட்டைகளை நாம் கண்டு கொண்டிருக்கிறோம். சரித்திரகாலங்களில் இதுதான் நடந்து கொண்டிருக்கிறது, தமிழனை இன்னொரு தமிழனே காட்டிக் கொடுப்பது, உறவினர்களை எதிர்த்து மற்றொரு உறவினர் பகை கொண்டு இன்று நீதிமன்றங்களில் முஸ்லிம்களுக்கெதிரான வழக்குகள் இன்னொரு சகோதர முஸ்லிமுக்கு எதிராக தொடுக்கப் பட்டுள்ள வழக்குகள்தான் அதிகம் உள்ளன.

சாதாரண முடுக்கு பிரச்சினை முதல் பாகப் பிரிவினை வரி எல்லாமே நாம் குர் ஆன் ஹதீதுகளை அதன் வழி முறைகளை புறக்கணித்து நீதி மன்றங்களின் நெடிய படிகளில் வருடக்கணக்காக நமது இளமை, நேரம் பொருள் இவற்றை வீணடித்துக் கொண்டிருக்கிறோம். இதை நன்கு உணர்ந்து கொண்ட நமது எதிரிகள் மிக சாதுரியமாக காய் நகர்த்த தங்களுக்கு 5 வருடங்கள் அளிக்கப் பட்டுள்ள வாய்ப்பை பயன்படுத்த துடித்துக் கொண்டிருக்கிறார்கள்.

இவர்களுக்கு ஒரு உண்மை தெரியவில்லை. அல்லாஹ் நாடினால் யானைப் படையை அபாபீல் பறவைகளின் சொண்டிலிருந்து விழும் பொடிக் கற்களாலேயே கொன்றொழிப்பான். மலைகளை தூளாக்குவான் எரிமலையை உருவாக்குவான் பனிக்கட்டிகள் மழையாகப் பொழியும். பூமி வெடிக்கும் பூகம்பங்கள் ஏற்படும் இவர்களை நாசமாக்கி விடும் என்ற உண்மை குர் ஆனில் மிக தெளிவாக சொல்லப் பட்டிருக்கிறது.

ஆட்சி அதிகாரத்தில் இருந்தால் ஆணவமாக இருந்து எதையும் செய்துவிடலாம் என்று நினைத்தவர்கள் இருந்த இடம் தெரியாமல் போய் விட்டார்கள் என்பதுதான் நிதர்சன உண்மை.

எனவே பிஜேபி அரசு இந்த துருப்பை கையில் எடுத்துக் கொண்டு முஸ்லிம்களை கருவருக்கவும் முடியாது. அப்படி மனப்பால் குடிப்பவர்கள் ஆட்சியும் நிலைக்காது. ஆனாலும் முஸ்லிம்கள் பிரிந்திருந்தால் நாம் வலுவிழந்து விடுவோம் என்ற குர் ஆன் செய்தியையும் சீர்தூக்கி பார்த்து நம் வாழ்வை அமைத்துக் கொள்வோமாக. அல்லாஹ் எல்லோருக்கும் தௌபீக் செய்வானாக ஆமீன்.