IP: 157.*.*.* Indonesia

பிரதமர் மோடி அவர்கள் தூய்மை இந்தியா திட்டத்துக்கு கோடி கோடியாக பணம் செலவழிக்க உத்தரவிட்டிருக்கிறார். வேடிக்கையான செய்தி.

தூய்மை உள்ளம் சார்ந்த விஷயம். பள்ளி வாசல் செல்லும் முஸ்லிம்களுக்கு இந்த தூய்மை இல்லாமல் உள்ளே அடி எடுத்து வைக்க முடியாது. அத்தகைய தூய்மைக்கு சிறப்பிடம் கொடுக்கும் முஸ்லிம்களாகிய நமக்கு இந்த தூய்மை பாடத்தை யார் படித்து தரவேண்டும். ஆனால் முஸ்லிம்கள் வாழும் பகுதிகள் அது சென்னை மும்பை கல்கத்தா ஜெய்ப்பூர் என்று எங்கு சென்றாலும் அங்கெல்ல்லாம் குப்பை கூளங்களோடும் அசுத்தங்களோடும்தான் வாழ்ந்து வருகிறோம்.

சிங்கப்பூர் மட்டுமில்லை இப்போது நமது அண்டை நாடான இலங்கையிலும் தூய்மை பணி சிறப்பாக நடக்கிறது. மக்கள்தான் காரணம். அவர்கள் தூமையை தங்கள் வாழ்வியலாக ஏற்றுக் கொண்டுள்ளார்கள். திருடுவது பிச்சை எடுப்பது எவ்வளவு கேவலமா அதே போல் சுத்தமில்லாமல் இருப்பதும் தெரு வழியில் குப்பைகளை கொட்டுவதையும் போடுவதையும் கேவலமாக நினைக்கிறார்கள். சிங்கப்பூரில் விமானம் ஏறிய ஒருவர் தன் கையில் இருந்த குப்பையை இந்தியாவில் இறங்கி வெளியே வந்து வீதியில் போட்டார் என்ற செய்திகள் எல்லாம் கற்பனை அல்ல உண்மை.

நமதூர் கடற்கரையை சுத்தமாக வைக்க காயல்பட்டினம் கடற்கரை உபயோகிப்போர் சங்கம் என்று ஒன்று ஆரம்பிக்கப் பட்டது. அபூ தாபி காயல்நலமன்றம் இதற்கென நிதி ஒதுக்கி அதற்கான ஆட்களையும் நியமித்து கொஞ்ச நாள் அந்த பணி நடந்தது. ஒரு நகர்மன்றம் தன் கையில் எடுத்து செய்ய வேண்டிய வேலையை தன்னார்வ தொண்டு நிறுவனங்கள் தங்கள் தார்மீக பொறுப்பாக கையில் எடுத்து செய்வதை வரவேற்க வேண்டும். ஆனால் அதை கொச்சைப் படுத்தி அதையும் நிறுத்தி விட்டார்கள். இப்போது நடப்பதென்ன குழுவினர் அதை மேற்கொண்டிருக்கிறார்கள். பாராட்டுக்கள்.

ஆனால் இதை நகர்மன்றமே செய்வதற்கு அவர்களும் மற்றும் நாம் எல்லோரும் அழுத்தம் கொடுக்க வேண்டும். தனி அதிகாரி அவர்களும் இதை ஒரு தெய்வீக கடமையாக நினைத்து செய்ய ஏற்பாடுகள் செய்ய வேண்டும் என்று அவர்களை கேட்டுக் கொள்கிறோம்.

CLEANLINESS IS NEXT TO GODLINESS