IP: 163.*.*.* Japan

கன்னித்தமிழ் மொழிக்கு அணி சேர்த்த அழகிய இஸ்லாமிய தமிழ் மகன்.

யார் அழைத்தாலும் செல்வாயே கண்ணதாசா அழைத்தது எமன் என்று தெரிந்துமா சென்றாய் என்று கவிஞர் கண்ணதாசன் மறைந்த போது கலைஞர் அவர்கள் தனது இரங்கல் செய்தியில் தெரிவித்திருந்தது இப்போது நினைவுக்கு வருகிறது.

தமிழ் மணக்கும் சோலை எல்லாம் தேடினேன் உன்னை சான்றோர் தம் அவை எல்லாம் அலைய விட்டேன் கண்ணை என்று நாகூர் ஹனீபா அவர்கள் பேரறிஞர் அண்ணா மறைந்த போது பாடிய பாடல் நினைவுக்கு வருகிறது.

அந்த வரிசையில் பேராசிரியல் முஹம்மது பாரூக் அவர்கள் தெளிந்த நீரோடைபோல் பேசும் தமிழ் மன்றங்களில் கலந்து கொண்ட காலங்களும் நினைவுக்கு வருகிறது. நமதூரில் பல நிகழ்ச்சிகளில் கலந்து கொண்டு தனது கவிதைத்துவமான பேச்சாற்றலை வெளிப் படுத்தியுள்ளார்.

சதக்கத்துல்லாஹ் அப்பாவை ஸதக்காவாக ஞாலத்துக்கு ஈன்ற ஞான பூமி காயல்பட்டினம் என்று கவிக் கோ பாடுவதை முஹம்மது பாரூக் அவர்களின் சதக்கத்துல்லாஹ் அப்பா கல்லூரி நமக்கு ஞாபகமூட்டுகிறது.

அன்று நாங்கள் படிக்கும் காலங்களில் பாளையம்கோட்டை புனித சவேரியார் கல்லூரி புனித யோவான் கல்லூரி என்று இரு கல்லூரிகள்தான் இருந்தன. முஸ்லிம்களுக்கு என ஒரு கல்லூரி இல்லாத குறையை சதக்கத்துல்லாஹ் அப்பா கல்லூரி நிவர்த்தி செய்ததென்றால் அந்த கல்லூரிக்கு மகுடம் வைத்ததுபோல் சதக்கத்துல்லாஹ் அப்பா அவர்களின் பாடல்களை நாடறிய செய்த பெருமை முஹம்மது பாரூக் அவர்களை சாரும்.

எல்லாம் வல்ல அல்லாஹ் மர்ஹூம் அவர்களின் மண்ணறையை வெளிச்சமாக்கி வைப்பானாக அவர்களின் பிழைகளை பொறுத்து மேலான சுவர்க்க வாழ்வை கொடுத்தருள்வானாக. அவர்களை இழந்து நிற்கும் குடும்பத்தினருக்கும் சதக்கத்துல்லாஹ் அப்பா கல்லூரி நிர்வாகிகளுக்கும் நல்ல பொறுமையை கொடுத்தருள்வானாக. ஆமீன்.

மக்கி நூஹுத்தம்பி & மக்கி ஆலிம் குடும்பத்தினர்
மக்கி ஆலிம் இல்லம் 51 புதுக் கடை தெரு
காயல்பட்டினம் அலை பேசி எண் 9865263588