IP: 37.*.*.* Romania

தமிழக முதலமைச்சராகிறார் சசிகலா அவர்கள்! இதற்கு ஒட்டுமொத்த MLA -களும் ஆதரவு!.

எவ்வளவு காலம் தப்பிய துல்லியமான கணிப்பு. மறைந்த முதல்வர் ஜெயலலிதா அவர்கள் .இதுவரை செய்யாத சாதனையை ,அனைத்து MLA-க்களும் செய்து காட்டி இருக்கிறார்கள்!.

மறைந்த முதல்வர் அவர்கள் பலமுறை தற்காலிக முதல்வராக திரு.O.பன்னீர்செல்வத்தை நியமனம் செய்தது எவ்வளவு பெரிய முட்டாள்தனமான முடிவு,என்பதை இப்பொழுது அனைத்து MLA -க்களும் ஒருமனதாக வெளிப்படுத்தி காட்டி இருக்கிறார்கள்!

திருபன்னீரைவிடபலமடங்கு,அறிவிலும்,ஆற்றலிலும்,அடக்கத்திலும்,திறமையிலும்,நேர்த்தியிலும் நிதானத்திலும் அரசை ஆளுகின்ற ஒரே திறமை திருமதி சசிகலா அவர்களுக்கு இருக்கிறது என்பதை எந்த ஒரு MLA வும் அம்மாவின் காலத்தில் சொல்ல துணியவில்லை என்பதை துல்லியமாக எடுத்து காட்டிஇருப்பது தான் இன்றைய தேர்வு!

ஒவ்வொரு MLA -வின் மனதிலும் இவ்வளவுநாள் மண்டிக்கிடந்த ஒரு ஆதங்கம்,நம் சின்னமாவாகிய சசிகலா அவர்களை ஒரு MLA-வாகவோ, ஏன் ஒரு சிறு கட்சி பொறுப்பில் கூடபெரியம்மா வைக்கவில்லயே என்ற வெறியினால் வெகுண்டழுந்தவர்களின் வெற்றிப்பெருக்கின் முடிவுதான் இன்றைய முடிவு.. இம்முடிவானது இயற்கை எய்திய பெரியமாவிற்கு சமர்ப்பணமாகும்!

திரு பன்னீர் அவர்களே,ஏதோ அம்மாபோட்ட ஆறுதல் பதவியை பெற்று செயற்பணியில் சுழன்றுவந்த நீங்கள், இனிமேல் பேசாமல் மறைந்த அம்மாவின் புகழை பாடியபடியே உங்கள் பொழுதை கழிக்கவும்!

அம்மாவின் சரியான அணுகுமுறை தேர்வு இல்லாமல் அல்லோலமான தமிழகம்,இன்று அந்த அம்மாவிற்கே பாடம் புகட்டுவதுபோல் அனைத்து MLA க்களும் தேர்தெடுத்த அறியபெரிய தலைமையான சின்னம்மாவின் தலைமையில் இத்தமிழகம் தளிர்ந்தோங்கப்போகிறது,இங்கு தேனாறும், பாலாறும் பாய்ந்து வழியப்போகிறது.அதை அனுபவிக்க அனைத்து தமிழக மக்களும் தயாராக இருந்து கொள்ளுங்கள்!

இனி எந்த MLA வாவது,எங்கள் இதய தெய்வம் அம்மாவின் அடிச்சுவட்டை அணுவளவும் மாறாமல் ஆட்சி செயல்பாடுகள் தொடர்ந்து வருகிறது என்று சொல்ல வந்தால்,அவர்களை (மக்களாகிய) நீங்கள் பிடித்து என்ன கேட்பீர்களோ அதை உங்கள் நடுநிலை நற்சிந்தனைக்கே விட்டு விடுகிறேன்! அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!