IP: 175.*.*.* Sri Lanka

இழந்தது எல்லாம் திரும்ப தா இறைவா எனக் கேட்டேன்
இழந்தது எவை என இறைவன் கேட்டான்
பலவும் இழந்திருக்கிறேன் கணக்கில்லை என்றேன்
பட்டியல் ஒன்றிட்டு சொல்லவா இயலும்
கால மாற்றத்தில் இளமையை இழந்தேன்
கோலம் மாறி அழகையும் இழந்தேன்
வயதாக ஆக உடல் நலம் இழந்தேன்
எதை என்று சொல்வேன் நான் இறைவன் கேட்கையில் எதை எல்லாம் இழந்தேனோ அதை எல்லாம் மீண்டும் தா என்றேன்
அழகாக சிரித்தான் இறைவன்

கல்வி கற்றதால் அறியாமையை இழந்தாய்
உழைப்பின் பயனாய் வறுமையை இழந்தாய்
உறவுகள் கிடைத்ததால் தனிமையை இழந்தாய்
நல்ல பண்புகளால் எதிரிகளை இழந்தாய்
சொல்ல பல உண்டு இதுபோல்
தரட்டுமா அனைத்தையும் திரும்ப என்றான் இறைவன்

இழப்பின் மறுபக்கம் எதுவென்று உணர்ந்தேன்
வாழ்க்கையின் ஓட்டத்தில் இழப்பும் பேறுதான்
இழந்ததை அறிந்தேன் தெளிந்தேன்
அல்ஹம்துலில்லாஹ் சுபுஹானல்லாஹ் என்றேன்.
சஜதாவில் நெற்றியை வைத்தேன் சுக்ரன் லில்லாஹ் என்று உரமாக சொன்னேன்

வாழ்த்துக்கள்.