IP: 163.*.*.* Japan

சிலரை சந்திக்கும்போதே அவர்கள் வசீகர முகம் புன்னகை புரியும் இதமான தோற்றம் நம்மை அவர்களுடன் கொஞ்சம் நின்று பேச சொல்லும். அப்படி ஓர் ஆளுமைதான் ஷாபி ஹாஜி.

''என்ன ஊருக்கு வந்தால் காய் கரி வாங்குவது போன்ற வேளைகளில் ஈடுபட்டு விடுவீர்களா'' என்றேன், தமாஷாக...''எனக்கு ஹாங்காங்கிலும் இதுதான் வேலை, நான்தான் கடைகளுக்கு போய் சாமான்கள் வாங்கி வருவேன்'' என்றார்கள். எனது கற்பனைதான் தப்பானது.

அவர்கள் வபாத் செய்திக்குப் பிறகு அவர்கள் இறுதி பயணமாக மொகுதூம் பள்ளி வரும்வரை பள்ளியில் காத்திருந்தபோது இன்னொரு தகவலும் கிடைத்தது.

ஷாபி ஹாஜி அவர்கள் மாணிக்க வியாபாரிதான். ஆனால் அதையும் தாண்டி இஸ்லாமிய மார்க்க ஞானத்தை சீனர்களிடம் எடுத்து சென்றார்கள் என்ற புதிய தகவல் எனக்கு ஆச்சரியத்தை தந்தது.

அங்கே எவ்வளவோ சீன குழந்தைகளுக்கு அவர்கள் ஆசானாக இருந்து இஸ்லாமிய பாடம் நடத்தினார்கள் என்பதை அறிந்தபோது ''சீனா சென்றேனும் மார்க்கக் கல்வியை கற்றுக் கொள்ளுங்கள்'' என்ற நபி மொழி நினைவுக்கு வந்தது. ஆனால் சீனர்களுக்கு மார்க்கக் கல்வியை கற்றுக்கொடுக்கும் ஓர் ஆசிரியராக அவர்கள்இ ருந்தது இரட்டிப்பு மகிழ்ச்சியை தந்தது.

அவர்கள் ஜனாஸா பள்ளிவாசலை வந்தடைவதற்கு ஒரு மணி நேரம் தாமதமானது ஏன் என்ற கேள்விக்கு இன்னொரு அதிர்ச்சி தரும் தகவல் கிடைத்தது. ஷாபி ஹாஜி அவர்களிடம் பாடம் கற்ற சிறுவர்கள் இப்போது பெரியவர்களாக இருப்பவர்கள் அவர்கள் முகத்தை இறுதியாக ஒருமுறை பார்க்க வேண்டும் என்று அவர்கள் வீட்டுக்கு படை எடுத்து வந்து விட்டார்கள். சமாளிக்க முடியாமல் போய்விட்டது என்ற செய்திதான் அது.

''இருந்தாலும் மறைந்தாலும் பேர் சொல்ல வேண்டும் இவர் போல யார் என்று ஊர் சொல்ல வேண்டும்'' என்பார்கள் . அது ஷாபி ஹாஜி அவர்கள் விஷயத்தில் நிரூபிக்க பட்டுள்ளது.

எல்லாம் வல்ல அல்லாஹ் மர்ஹூம் அவர்களின் மண்ணறையை விசாலமாகவும் வெளிச்சமாகவும் ஆக்கி வைப்பானாக அவர்களுக்கு மேலான சுவர்க்க வாழ்வை நசீபாக்கி வைப்பானாக அவர்களை இழந்து நிற்கும் குடும்பத்தினருக்கு நல்ல பொறுமையை கொடுப்பானாக. சகோதரர் தாவூத் பின் ஷாபி அவர்கள் தந்தை காட்டிய வழியில் பயணிக்க அல்லாஹ் தௌபீக் செய்வானாக ஆமீன்.