IP: 27.*.*.* India

கியாது சேட் அவர்களின் பிரிவின் தாக்கம் அவர்களின் ஜனாஸாவை பின்பற்றி சென்ற மக்கள் கடல் அலையென திரண்டு சென்ற போது தெரிந்தது. அவர்களை ஒரு நட்பு வட்டத்துக்குள் சென்று நலம் விஜாரித்துதான் எனக்கு பழக்கம்.

1960 - 70 களில் அரபுநாட்டு மோகத்தில் அலை அலையாக நமதூர் மக்கள் பம்பாய் சென்றபோது அவர்களுக்கெல்லாம் புகலிடம் கொடுத்தது மிர்சா வீதி 13 ம் இலக்கத்தின்கதவுகள் அவர்களுக்காக திறந்து கொடுத்தது பல்லாக் ஹவுஸ் பெயருடன் இயங்கி வந்த அந்த மாடியில் அரசாண்டு கொண்டிருந்தவர்கள் பி.ஏ.ஷேய்க் ஹாஜி என்ற பெருந்தகையும் கியாது சேட் என்ற ஒரு இளைஞரும்தான். பம்பாயிலிருந்து அரபு நாடு செல்வோருக்கு தங்கள் சொந்த பணத்தை அள்ளிக் கொடுத்து அற்புதமான யோசனைகளையும் சொல்லி வழியனுப்பியவர்களில் கியாத் சேட்டின் பங்கு ஷேக் சாஹிப் அவர்களின் பங்குக்கு சரி சமமாக இருந்திருக்கின்றது என்பதை வாழும் SMB ஏ ஆர் தாஹா அவர்களின் நினைவஞ்சலியின் மூலமும் ஆதம் சுல்தான் அவர்கள் இங்கே பதிவு செய்துள்ள நன்றிப் பெருக்கு மிக்க செய்தியும் மௌன சாட்சியாக இருக்கிறது.

நாம் எதை பிறருக்கு கொடுக்கிறோமோ அதுதான் நமக்கு உள்ளது நாம் எதை விட்டு செல்கிறோமோ அது பிறருக்குள்ளது என்று நபிகள் நாயம் சொன்னது எவ்வளவு சத்தியமானது. கியாத் சேட் அவர்கள் மீது மக்கள் வைத்திருந்த புரியாத பிரியம் அவர்கள் பிரியும்போது புரிந்தது.

எல்லாம் வல்ல அல்லாஹ் மர்ஹூம் அவர்களின் நற்செயல்களை ஏற்றுக் கொள்வானாக அவர்கள் பாவங்களை மன்னித்து அருள்வானாக அவர்களுக்கு மேலான சுவர்க்க வாழ்வை நசீபாக்கி வைப்பானாக.அவர்களை இழந்து வாடும் அவர்கள் குடும்பத்தினருக்கு அழகிய பொறுமையை கொடுத்தருள்வானாக

எத்தனை காலம் மனிதன் வாழ்ந்தான் என்பது கேள்வி இல்லை அவன் எப்படி வாழ்ந்தான் என்பதை நினைத்தால் வாழ்க்கையில் தோல்வி இல்லை.

பனிக்கும் கண்களுடன் அவர்கள் குடும்பத்தினர் துயரில் பங்கு கொள்ளும்

மக்கி நூஹுத்தம்பி & மக்கி ஆலிம்
குடும்பத்தினர்கள்..7530075337.