IP: 106.*.*.* India

கலைஞர் கருணாநிதி அவர்களின் பல்வேறு நலத்திட்ட பணிகளை பற்றி பேசுவதற்கு நாட்கள் பல வேண்டும் அவர் சட்டமன்றத்தையும் நிருபர்கள் சந்திப்பையும் நகைச்சுவையுடன் அணுகிய செய்திகளை பார்க்கும்போது ஒரு பிஸியான முதலமைச்சர் எப்படி இவ்வாறு நகைச்சுவைகளுடன் தனது ஆளுமையை தக்க வைத்துக் கொண்டிருக்கிறார் என்று ஆச்சரியமாகவே இருக்கிறது. அவர் இவ்வளவு நாட்கள் வாழ்வதற்கே அந்த நகைச்சுவை உணர்வுகள்தான் கிரியா உக்கியாக அமைந்திருக்கிறது.

கலைஞருக்கு ''ஆளுயர மாலை'' அணிவித்தபோது அவர் சொன்னார், இது ''ஆள் உயர மாலையா?'' இந்த ஆள் உயர நீங்கள் மாலை அணிவித்திருக்கிறீர்கள் நன்றி என்று சொன்னாராம்..

கவிஞர் வாலி அவர்கள் எம்ஜியார் நடிக்கும் படத்துக்கு பாட்டு எழுதும்போது ''நான் அளவோடு ரசிப்பவன்'' என்று ஆரம்பித்து அடுத்த வரிகள் சட்டென்று வராமல் இருந்த போது கலைஞர் உள்ளே நுழைந்து என்ன வாலி அவர்களே பாட்டு ரெடியாகிவிட்டதா என்றாராம். தலைவரே முதல் அடி வந்து விட்டது அடுத்த அடி வரவில்லை என்றார் வாலி. முதல் அடியை சொல்லுங்கள் பார்ப்போம் என்றாராம் கலைஞர். ''நான் அளவோடு ரசிப்பவன்..''..அப்படியானால் அடுத்த வரி ''எதையும் அளவின்றி கொடுப்பவன்'' என்று போடுங்கள் என்றாராம் கலைஞர். இப்போது பாட்டு ரெடியாகி விட்டது. எம்ஜியார் அடுத்த படி உள்ளே வந்து பாட்டு ரெடியா என்றாராம். ஆமாம். ரெடி...எங்கே பாடுங்கள்.

நான் அளவோடு ரசிப்பவன் எதையும் அளவின்றி கொடுப்பவன்...

எம்ஜியாருக்கு சந்தோஷம் மிகுதியால் வாலியின் கன்னத்தில் முத்தமிட்டாராம். வாலி சொன்னார் நீங்கள் முத்தம் தரவேண்டியது எனக்கல்ல கலைஞருக்கு அவர்தான் இரண்டாவது அடியை எடுத்து தந்தார்.

எப்படிப்பட்ட நினைவாற்றல் பேச்சாற்றல் எழுத்தாற்றல் கவியாற்றல். கலைஞரின் பன்முகத்தன்மையை என்னவென்று சொல்வது.

விரல் நோக எழுதியவர்
குரல் நோக பேசியவர்
கால் நோக நடந்தவர் ஆனால்
யார் மனமும் நோகாமல் நாசூக்காக காய் நகர்த்தியவர் .
தமிழக மக்கள் உள்ளம் எல்லாம் நிறைந்தவர்.