IP: 27.*.*.* India

மலபார் காயல்நலமன்ற ஆண்டறிக்கை நலத்திட்டங்கள் பற்றிய செய்தி இந்த இணையத்தளத்தில் பதிவு செய்யப்பட்டபோது நான் ஒரு கருத்தை பதிவு செய்திருந்தேன். இப்போது தேவை உங்கள் உதவிகள் காயலர்களுக்கு அல்ல கேரளத்தில் காயம்பட்டவர்களுக்கு என்று எழுதி இருந்தேன். அல்ஹம்து லில்லாஹ் மிக்க சந்தோஷமான மனநிறைவுதரும் நிகழ்வு இப்போது பதிவாகி இருக்கிறது.

''அமைதியான நதியினிலே ஓடும் ஓடம்
அளவிலாத வெள்ளம் வந்தால் ஆடும்
''தென்னை இளம் கீற்றினிலே தாலாட்டும் தென்றலது
தென்னை தன்னை சாய்த்து விடும்
புயலாக வரும்பொழுது''

என்று ஒரு கவிஞன் பாடியது நினைவுக்கு வருகிறது. நிழற்படங்கள் சொல்லும் செய்தியும் அதுதான்.

எவ்வளவு ரம்மியமான காட்சிகளுனூடே எவ்வளவு கொடூரமான இயற்கை தாக்குதலும் நடந்திருக்கிறது எல்லாம் அல்லாஹ்வின் தேசம்தான். ஆனாலும் இப்படி இயற்கை காட்சிகள் நிறைந்த பூமி எப்படி சிதறி சின்னாபின்னமானது என்பதை நினைக்கும்போது அல்லாஹ்விடம் கை ஏந்தி பாவ மன்னிப்பு கேட்க நாம் கடமைப் பட்டுள்ளோம்.

எல்லாம் வல்ல அல்லாஹ் நம் எல்லோரது பாவங்களையும் மன்னித்து இது போன்ற சீற்றங்களால் நம்மை சோதித்து நாம் பாதிக்கப்பட்டு நிர்க்கதியாக நிற்காமல் நம்மையும் நம் சமுதாயத்தையும் நமது தாய் நாட்டையும் பாதுகாப்பானாக...

காயல்பட்டினம் ஐக்கிய பேரவை உறுப்பினர்கள் தெருத்தெருவாக வந்து கேரளாவுக்கு உதவி கேட்டு வந்தார்கள் மக்கள் அள்ளி அள்ளிக் கொடுத்தார்கள்.அது முறையாக கேரளா அரசிடம் ஒப்படைக்கப்பட்ட செய்தி மக்களிடம் இதுவரை எதுவும் சொல்லப்படவில்லையே என்ற மனக் குறை என்போன்றவர்களுக்கு இருந்தது. இந்த தகவல் மூலம் அந்த மனக்குறை அகன்றுள்ளது என்றாலும் இணைய தளத்தையே எல்லோரும் பார்த்துக் கொண்டிருக்க மாட்டார்கள். மக்களுக்கு ஒரு நோட்டீஸ் மூலம் நன்றி தெரிவித்தால் அவர்கள் மனநிறைவு பெறுவார்கள் என்பது எனது தாழ்மையான வேண்டுகோள். வாழ்த்துக்கள். .