IP: 175.*.*.* Sri Lanka

இன்னா லில்லாஹி வ இன்னா இலைஹி ராஜிஊன்.

பேச்சிலே இனிமை தொழிலிலே நேர்மை பொதுவாழ்விலே தூய்மை இறை அச்சத்தில் ஓர்மை என்ற நல்ல உதார குணங்கள் படைத்த எனதருமை மாமா அவர்களின் வபாத் செய்தி அறிந்து மனம் வருந்தினேன்.

அவர்கள் குடும்பத்தில் அவர்களின் மருமகனாக நான் அவர்கள் குடும்பத்தில் என்னை இணைத்துக் கொண்டதிலிருந்து இன்று வரை அவர்களுடன் எனக்கு பாசமும் பற்றும் இருந்தது. அவர்களும் என்னை மருமகனாக ஏற்று உதவிகள் பல செய்த காலங்கள் பசுமையாக இருக்கின்றன.

1988 முதல் அவர்களுடன் இலங்கையில் ஒன்றாக இருந்தவன். அவர்கள் நகைச்சுவை மிக்கவர்கள் மற்றவர்கள் மாமன் மருமகனான அல்லது மச்சான் மச்சினனா என்று கேட்கும் அளவுக்கு அவர்களுடன் எனக்கு நெருக்கம் இருந்தது.

அவர்களின் ஒட்டுமொத்த குடும்பமே இறை அச்சத்தில் ஊறியது. தொழுகை இபாதத்துக்கள் நேரம் தவறாமல் ஜமாஅத்துடன் தொழுவது, நோன்பு காலங்களில் தவறாது நோன்பு நோற்பது என்பதில் மிக்க பூணிப்பானவர்கள். பிறர் அறியாமல் ஏழை எளியவர்களுக்கு வாரி வழங்கும் கரங்களுக்கு சொந்தக்காரர் அவர்கள். மக்களையும் அந்த வழியிலே வளர்த்து வார்த்தெடுத்தவர்கள்.

இதை விட அவர்களைப்பற்றி சொல்வதற்கு என்னவிருக்கிறது. அந்த குடும்பத்தில் நான் ஒருவன் என்பதில் எனக்கு பெருமையும் சந்தோஷமும் ஏற்படுகிறது.

எல்லாம் வல்ல அல்லாஹ் மாமா அவர்களின் நல்லமல்களை பொருந்திக் கொள்வானாக அவர்களின் பிழைகளை பொருத்தருள்வானாக .அவர்களின் மண்ணறையை விசாலமாக்கி வைப்பானாக வெளிச்சமாக்கி வைப்பானாக அவர்களுக்கு ஜன்னத்துல் பிர்தவ்ஸ் என்ற மேலான சுவர்க்க வாழ்வை கொடுத்தருள்வானாக

ஒரு இனிமையான குடும்பத்தலைவரை இழந்து நிற்கும் குடும்பத்தினருக்கு அல்லாஹ் நல்ல பொறுமையை கொடுப்பானாக. அவர்கள் விட்டு சென்ற நல்லமல்களை தொடர்ந்து செயல்படுத்த தௌபீக் செய்வானாக

ஜாவியா மொகுதூம் ஜும்மா பள்ளி KMT நிர்வாகத்தில் ஏற்பட்டுள்ள இந்த வெற்றிடத்தை நிரப்ப இவர்கள் போன்ற நல்லவர்களை தந்தருள்வானாக ஆமீன்.