IP: 106.*.*.* India

இந்த இணையதளத்தின் பதிவுகளை காலையில் முதல்வேலையாக பார்த்து எனது கருத்துக்களை பதிவு செய்து வந்துள்ளேன். துரதிர்ஷ்ட வசமாக சிலகாலங்களாக இந்த இணையதளத்தின் பதிவுகள் பல மாதக் கணக்கில் செயல்படாது இருந்தது. எனவே என்னைப் போன்றவர்கள் ஒரே ஒரு இணையதளமும் செயலிழந்து விட்டதே என்று வருத்தப் பட்டு சம்பந்தப் பட்டவர்களிடம் கேட்டேன். அவர்களுக்கு வேளை பளு அதிகம் என்று சொல்லிவிட்டார்கள். நாம் என்ன சம்பளம் கொடுத்தா அவர்களை வேலைக்கு வைத்திருக்கிறோம் ஏதோ புண்ணியத்துக்காக செய்கிறார்கள் அதை நாம் அதிகம் கேட்க முடியாது என்று விட்டு விட்டேன்.

இன்று தற்செயலாக மழை வெள்ளம் பற்றி நடுநிசியில் நடந்தேறும் நமது நாட்டின் அரசியல் விபத்துக்கள் பற்றி ஏதாவது எழுதி இருக்கிறார்களா என்று பார்த்த போது இந்த செய்தியை படித்தேன்.

இளைஞர் ஐக்கிய முன்னணியை உருவாக்கியவர்களில் நானும் ஒருவன் என்ற பெருமை எனக்குண்டு. அதன் முதல் செயலாளர் நான்தான் என்பதை இளைஞர் ஐக்கிய முன்னணியின் குறிப்புக்கள் சொல்லும். நாங்கள் அதை ஆரம்பித்தபோதே இப்படி ஒரு அசம்பாவிதம் நடந்தபோதுதான். எனவே சட்டென்று அந்த நாள் நினைவுக்கு வந்தது.

இந்த மாதிரி விஷயங்களில் அது முடிவெடுப்பதில் தீர்மானங்கள் நிறைவேற்றுவதில் முன்னோடியாக இருந்து வருவதில் மிக்க மகிழ்ச்சி அடைகிறேன். உலமாக்கள் கூடி நல்ல முடிவுகள் மேற்கொண்டிருக்கிறார்கள் வாடகைக்கு ஆள் வைப்பவர்களும் இதை நன்கு கவனித்து ஜமாஅத்துடன் ஒத்துழைக்க வேண்டும். கூடுதலாக வாடகை தருகிறார்கள் என்பதற்காக யாரை வேண்டுமானாலும் வைக்கலாம் என்றால் காலப் போக்கில் சமூக விரோதிகள் இந்த வாய்ப்பை பயன்படுத்திக் கொள்வார்கள் . அதே வேளை இந்த விஷயத்தில் வாடகைக்கு குடியிருப்பவர்கள் அவர்கள் பக்கத்துக்கு வீட்டுக் காரர்களுடன் நல்லிணக்கத்துடன் வாழ்கிறார்களா என்பதையும் ஆராய்ந்து ஆவண செய்யுங்கள். வாடகைக்கு அமர்த்தியவர்களிடமும் இது பற்றி கேட்டறிந்து தீர்ப்பு வழங்குவது நல்லது.

எது எவ்வாறாயினும் முஹல்லாவில் இப்படி ஒரு சம்பவம் நடக்க அதை தடுக்க முயற்சிகள் மேற்கொள்ளுபவர்களுடன் நல்ல ஒத்துழைப்பு கொடுக்க வேண்டியது ஒவ்வொருவரின் கட்டாயக் கடமை ஒரு தலைமைக்கு கட்டுப் பட்டு நடப்பது இஸ்லாத்தில் வலியுறுத்தி கூறப்படும் ஒரு சுன்னத்தும் கூட.

எல்லாம் வல்ல அல்லாஹ் இந்த அழகிய முன்மாதிரியை எல்லா முஹல்லாவிலும் செயல்படுத்த தௌபீக் செய்வானாக ஆமீன்.