IP: 106.*.*.* India

இந்த கூட்டத்தில் பேசப்பட்ட செய்திகளில் நிதி நிலை அறிக்கை முக்கிய இடம் பெறுகிறது. அநேகமாக பொது நல இயக்கங்களில் மிக சூடாக விவாதிக்கப் படும் செய்தி நிதி பற்றியதுதான். குழப்பங்களும் கூச்சல்களும் ஏற்படுவதும் அந்த நிதி நிலை பற்றிய அறிக்கைதான். வெளிப்படை தன்மை இல்லாமல் இருக்கும் இந்த பொருளாதார விஷயம் நல்லவரகளையும் சந்தேகிக்க வழி வகுத்துவிடுகிறது.

''மயிரூடாடா நட்பு பொருளூடாட கெடும்'' என்பார்கள் பணம் எங்கே குவிந்து காணப் படுகிறதோ, அது இறை இல்லங்களானாலும் சரி அநாதை இல்லங்களானாலும் சரி மத்ரஸாக்கலானாலும் சரி வக்ப் சொத்துக்களானாலும் ஆட்சி அதிகாரத்தில் இருப்பவர்களானாலும் சரி அங்கெல்லாம் இந்த குளறுபடிகள் இருக்கவே செய்கிறது அது தவிர்க்க முடியாத ஒரு முஸீபத்தாக இன்று விஸ்வரூபம் எடுத்துள்ளது வேதனைக்குரிய விஷயம். எனவே அவசர நிலை நிதி என்று ஒன்று தேவை இல்லை, கையில் பணம் குவிந்துருப்பது சரியல்ல என்று இந்த மன்றம் முடிவு செய்திருப்பதை மனதார வரவேற்கிறேன் .

நான் தம்மாம் காயல் நல மன்ற செயலாளராக இருந்த காலத்திலும் ரியாத் காயல் அலையன்ஸ் கமிட்டி துணை தலைவராக பணியாற்றியபோதும் இந்த கருத்துக்களை முன்மொழிந்து அது ஏற்றுக் கொள்ளப் பட்டு நடை முறை படுத்தப் பட்டது. அவ்வப்போது அந்த நிதிகள் செலவழிக்க பட்டால் கேள்வி கேட்பவர்களும் குறைவார்கள் மன்ற பொருளாளருக்கும் பொறுப்புக்கள் குறைந்து நிம்மதியாக இருக்கலாம். ஓட்டுக்கு பணம் கொடுக்கும் காலம் கனிந்து இப்போது ஓட்டு எண்ணுபவருக்கே பணம் கொடுக்கும் காலமாக பரிணாம வளர்ச்சி பெற்றிருக்கும் இந்த கால கட்டத்தில் இந்த அமைப்பு மிக சிறப்பாக வெளிப்படை தன்மையுடன் தன் பொது நலத்திட்டங்களை செயல்படுத்தி வருவது மகிழ்ச்சி அளிக்கிறது.

இப்போது நமது காயல்பட்டணம் மண்ணிலும் வெள்ளம் தண்ணீர் என்று மக்கள் அவதி பட்டுக் கொண்டிருக்கிறார்கள். ஐக்கிய பேரவை மூலம் அதற்கான குழு நியமிக்கப் பட்டு பணிகள் நடந்து கொண்டிருக்கின்றன. உங்கள் கருணை பார்வையை நமது ஊரின் பக்கமும் கொஞ்சம் திருப்புங்கள். கருணையும் நிதியும் ஒன்றாய் சேர்ந்தால் அங்கு இறைவனின் சாந்தியும் சமாதானமும் நிலவும்.

நீங்கள் செய்வீர்களா..நீங்கள் செய்வீர்களா......

இந்த குரல் மூன்று ஆண்டுகளுக்கு முன் நமது தமிழக முன்னாள் முதல்வர் ஜெயலலிதா அவர்கள் மக்களிடம் கேட்ட கேள்விகள்...இப்போது அவர்கள் மறைவுதினமான இன்றும் நினைவுக்கு வருகிறது. அவை வைர வரிகள் மக்களின் உணர்வுகளை உசுப்பி விட்ட வரிகள்..

வாழ்த்துக்கள்.