IP: 106.*.*.* India

இன்றைய நாளிதழை படித்தபோது கிடைத்த செய்தி இது. முஹம்மது ஜான் அவர்கள். அதிமுக மக்களவை உறுப்பினராக இருப்பவர். தான் ஒரு இஸ்லாமியன் என்ற உணர்வுகளை தாண்டி தான் ஒரு கட்சிக்கு கட்டுப்பட்டவன் என்பதால் தன் வாக்கை இஸ்லாமிய எதிர் எண்ணம் கொண்ட ஒரு வெறிபிடித்த கட்சியின் குடியுரிமை சட்ட திருத்த மசோதாவுக்கு ஆதரவு தெரிவித்திருக்கிறார் என்ற செய்தி அறிந்து ராணிப் பேட்டை நகர முஸ்லீம் ஜமாத்தார்கள் அவரை ஜமாத்திலிருந்து நீக்கி இருக்கிறார்கள் என்ற மகிழ்ச்சியான செய்தி கிடைத்துள்ளது . இந்த ஜமாத்தினருக்கு அல்லாஹ் ரஹ்மத் செய்வானாக .

மன்னர் ஹாரூன் ரஷீத் அவர்கள் ஒழு இல்லாமல் ''முஹம்மது'' என்ற பெயரை உச்சரிக்க மாட்டார் என்று சொல்வார்கள். ஆனால் இந்த சகோதரர் முஹம்மது ஜான் என்ற பெயரை வைத்துக் கொண்டு முஹம்மது நபி அவர்களின் உம்மத்தில் ஒருவராக இருந்து கொண்டு எப்படி இந்த இஸ்லாமிய எதிர்ப்பு இயக்கத்தின் அடிவருடிகள் சொல்லுக்கு கட்டுப் பட்டு வாக்களித்தார் என்று தெரியவில்லை . அல்லாஹ் அவன் நாடியவர்களுக்குத்தான் ஹிதாயத்தை கொடுப்பான் என்பார்கள். முஹம்மது ஜான் அவர்களுக்கு அல்லாஹ் ஹிதாயத்தை கொடுத்து அவர் உடனடியாக இந்த பாவ செயலிலிருந்து நீங்கி தனது பதவியை ராஜினாமா செய்வார் என்று எதிர்பார்ப்போம். MLA களும் MP க்களும் நகர்மன்ற தலைவர்களும் ஏலம் போகும் ஒரு அசிங்கமான மாநிலம் தமிழ்நாடு என்று ஆகிவிட்டபோது முஹம்மது ஜான் அதற்கு விதிவிலக்காக இருப்பார் என்று நாம் நினைக்க முடியாது இருந்தாலும் அல்லாஹ் அவருக்கு ஒரு அசாத்திய துணிச்சலை கொடுத்து அதிலிருந்து வெளியேறுவார் என்று நம்புவோம் .

வாழ்வதற்கு பொருள் வேண்டும்
வாழ்வதிலும் ஒரு பொருள் வேண்டும்,

சிந்திப்பாரா முஹம்மது ஜான்?...