IP: 106.*.*.* India

காயல்பட்டணம் வரலாற்றில் மட்டுமல்ல முஸ்லீம் ஐக்கிய பேரவை வரலாற்றிலும் ஒரு மைல்கல்லாக இந்த பொதுக் கூட்டத்தை நான் பார்க்கிறேன்

மேடையிலே அமர்ந்திருக்கின்ற பழைய முகங்களை விட ஒரு வித்தியாசமான முகங்கள் இந்த கூட்டத்தை வசீகரிக்கின்றன.

உலக நாடுகளில் ''மஹ்லரி'' என்ற சிறப்பு பெயருடன் வலம் வரும் அஹமது அப்துல் காதிர் ஆலிம் அவர்கள், அதே மஹ்லறாவில் தனது மார்க்க ஞானத்தை வளர்த்துக் கொண்டு மஹ்லரி என்ற பட்டத்தையும் பெற்று மக்களிடம் செல்வாக்கு மிக்க சொல்வாக்கு மிக்க ஆலிமாக திகழும் அப்துல் மஜீத் ஆலிம் அவர்கள், 150 ஆண்டுகளை தாண்டி வெற்றி நடை போட்டுக் கொண்டிருக்கும் ஷாதுலிய்யா தரீக்காவின் தலைமை பீடமான ஜாவியாவின் முது பெரும் முதல்வர் சாதாரண தோற்றத்துடன் வலம் வரும் முஹம்மது பாரூக் ஆலிம் பாஸி அவர்களும் ஒரே மேடையில் எல்லோருடைய கண்களும் வியக்கும் வண்ணம் அமர்ந்திருக்கும் ஒரு அற்புதமான காட்சியை படமாக்கி இங்கு வெளியிட்டிருப்பதையும் நிதர்சன உண்மையையும் நான் கண்டு புளகாங்கிதம் அடைந்தேன்.

ஆயத்துல் குர்ஸி என்ற அற்புத மாமருந்தை அல்லாஹ் திருமறையில் அருளியிருந்தாலும் அதை நபி தோழர் ஒருவருக்கு சொல்லிக் கொடுத்தவன் அபுல் ஹிக்கம் என்று அழைக்கப்பட்டு பின்னர் ஷைத்தான் என்று அல்லாஹ்வால் சபிக்கப்பட்ட ஒருவன்தான் என்று உலமாக்கள் சொல்லிக் காட்டுவார்கள். அப்படிப் பட்ட ஒரு ஷைத்தானின் வழி தோன்றலான அல்லது மறுபதிப்பான நரேந்திர மோடி இந்த அற்புதத்தை நிகழ்த்தி காட்டி இருக்கிறார்.

மந்தரையின் சூழ்ச்சியினால் மனம் மாறி கைகேயி மஞ்சள் குங்குமம் இழந்தால். வஞ்சக சகுனியின் சேர்க்கையால் கௌரவர்கள் பஞ்ச பாண்டவரை பகைத்து மாண்டார்கள். என்று இதிகாசங்கள் நமக்கு உணர்த்துகின்றன. அந்த வழியில் அமித்ஷாவின் சூழ்ச்சியால் நரேந்திர மோடி தறி கெட்டு ஆவணம் தலைக்கேறி இன்று முஸ்லிம்களுக்கு எதிரான தனது பயணத்தை தொடங்கி இருக்கிறார். முத்தலாக் சட்டம், அயோத்தியில் பாபர் மசூதியை தரைமட்டமாக்கி விட்டு நீதி மன்றம் மூலமாக முஸ்லிம்களுக்கு எதிரான ஒரு தீர்ப்பு என்று தொடர்ந்து அவர் முஸ்லிம்களுக்கு எதிரான போராட்டத்தில் ஒரு தற்காலிக வெற்றியை பெற்றிருப்பதாலும் தமிழக ஆட்சியாளர்கள் புரட்சி தலைவி அவர்களின் போர்க்குணத்தை புறந்தள்ளி விட்டு மோடி அரசின் தமிழக கிளையாக இருந்து முஸ்லிம்களுக்கு எதிரான குடியுரிமை சட்டத்துக்கு ஒப்புதல் வழங்கியதால் இன்று சட்டமாகியுள்ள அந்த போராட்டத்திலும் வெற்றி பெற்றுள்ளதாக மனப்பால் குடித்துக் கொண்டிருக்கிறார். ஜெயப்ரகாஷ் நாராயணன் அவர்கள் பாஷையில் சொல்வதானால் ''விநாச காலே விபரீத புத்தி'' என்றுதான் இதை சொல்லவேண்டும். ஒரு மனிதனின் ஆணவத்துக்கு முடிவு காலம் நெருங்குவதையே இது காட்டுகிறது. அதே நேரம் பிரிந்து கிடக்கும் இஸ்லாமிய சமுதாயத்தை ஒரே குடைக்குள் கீழ் கொண்டு வந்திருக்கும் ஓர் அற்புதமான செயலும் இங்கே அரங்கேறி இருக்கிறது. அல்ஹம்து லில்லாஹ்.

இந்த ஒற்றுமை தொடரட்டும்.
இந்தியா எங்கள் தாய்நாடு
இஸ்லாம் எங்கள் வழிபாடு
என்ற தாரக மந்திரம் திக்கெட்டும் முழங்கட்டும்