IP: 223.*.*.* India

''திட்டம் போட்டு திருடுற கூட்டம் திருடிக் கொண்டே இருக்குது அதை சட்டம்போட்டு தடுக்கிற கூட்டம் தடுத்துக்கொண்டே இருக்குது திருடனாய்ப் பார்த்து திருந்தாவிட்டால் திருட்டை ஒழிக்க முடியாது'' என்ற பாடல் வரிகள்தான் நினைவுக்கு வருகிறது.

பொது மக்கள் ஒத்துழைப்பு கடமை உணர்வு தவறு செய்கிறோம் அது மீறுகிறோம் என்ற மனசாட்சி உறுத்தல் இவை யாவும் இல்லாத ஊராக நமதூர் ஆகிவிட்டது அதிகாரிகளும் அப்படியே ஆகிவிட்டார்கள்.

தினசரி நாளிதழ்களில் வரும் செய்திகளை பாருங்கள். தமிழ்நாடு தேர்வாணையம் பரீட்சையில் எப்படி எல்லாம் ஊழல் நடந்திருக்கிறது. சுமார் 10 ஆண்டுகளாக நடந்து வந்த இந்த ஊழலை கண்டுபிடிக்க அதற்கு மேலுள்ள அதிகாரிகளும் நியமிக்கப் பட்டே இருக்கிறார்கள்.

ஒரு அமைச்சர் ஒரு பழங்குடி மாணவனை அழைத்து தனது செருப்பை கழட்டிவிடும்படி வற்புறுத்தும் அளவுக்கு நாட்டில் எல்லா விஷயங்களும் நடந்து கொண்டிருக்கின்றன. நள்ளிரவில் ஒரு நாட்டின் ஜனாதிபதியை எழுப்பி ஒரு கையெழுத்து போட சொல்லவும் ஒரு மாநிலத்தின் ஆளுநரை அதே இரவில் எழுப்பி அவரிடம் கையெழுத்து போட சொல்லவும் விடியலில் ஒரு புதிய ஆட்சி அமைக்கவும் இந்த நாட்டில் முடிகிறது என்று சொன்னால் இந்த சாதாரண ஒரு வழிப்பாதை விஷயத்தை எப்படி நடைமுறை படுத்த முடியும். எல்லோருக்கும் குளிர் விட்டு போய் விட்டது.

தவறு நடப்பதை பார்த்து பொறுக்காமல் சிறு நீர் கழிக்க சென்றவருக்கு சிறு நீர் இரத்தமாக போனது அடுத்த நாள் அதே தவறு நடப்பதை பார்த்தவர் சிறு நீர் கழித்தபோது அது மஞ்சள் நிறமாக இருந்தது. அதே தவறு அடுத்த நாளும் நடந்ததை பார்த்து விட்டு சிறு நீர் கழித்தபோது அது வெறும் சாதாரண நீராக வெளியேறியது என்று ஒரு ஆலிம் பெருந்தகை சொன்னது இப்போதும் எனக்கு ஞாபகம் உள்ளது. அப்படி ஒரு தவறு தொடர்ந்து நடப்பதும் அதை கண்டுகொள்ளாமல் நாம் செல்வதும் வாடிக்கையாகி போய்விட்டது.

என்றாலும் இப்படி ஒரு கூட்டம் இருந்து இதை இணையத்தளம் மூலம் அவ்வப்போது நினைவுறுத்துவது அதை தடுக்க தங்களால் ஆன முயற்சிகள் மேற்கொள்வதும் பாராட்டத்தக்கது.