IP: 117.*.*.* India

மர்ஹூம் ஹாஜி பி.எஸ்.ஏ.ஷாஃபி மாமா அவர்கள் பழகுதற்கினியவர்... பாசத்திற்குரியவர்... எச்சூழலிலும் இன்முகம் காட்டுபவர்...

பொதுவாழ்வில் அவர் சந்தித்த பல்வேறு இக்கட்டான சூழ்நிலைகளையும் கூட இதமாகக் கைக்கொண்டவர்... ஒற்றுமைப் பாதையில் அஹ்மத் நெய்னார் பள்ளி ஜமாஅத்தை தனது தன்னிகரற்ற தலைமையைக் கொண்டு வழிநடத்தியவர்... பள்ளியின் அனைத்து நடவடிக்கைகளிலும் தன்னை முழுமையாக முன்னிறுத்திக் கொண்டவர்...

சென்ற ஆண்டு, ரமழான் இஃப்தார் நிகழ்வுக்கு செய்தி சேகரிப்பதற்காக அஹ்மத் நெய்னார் ப்ளளிக்கு நான் சென்ற நேரத்தில், வழமைக்கு மாற்றமாக அவரைக் காணவில்லை. விசாரித்தபோது, பள்ளியின் பின்புற (மேற்குப்பகுதி) வளாகத்தில் இருப்பதாகத் தெரிவித்தனர் மஹல்லாவாசிகள். அங்கு சென்று பார்த்தபோது, காலில் தனக்கேற்பட்ட கடும் அவதி காரணமாக முழு காலையும் மறைக்கும் வகையில் கட்டு போடப்பட்டு, நாற்காலி மீது கால் வைத்தவாறு அமர்ந்திருந்தார்கள்.

“இந்நிலையிலும் பள்ளிக்கு வரத்தான் வேண்டுமா மாமா...?” என்று நான் கேட்க, “நம் பணியை நாம்தானே செய்ய வேண்டும்... எனக்கே முடியாது என்று தோன்றினால் வீட்டில் இருப்பேன்... இது என்ன, காலை கொஞ்....சம் நீட்டி வச்சிக்கிட்டா சரியாப் போகும்...” என்றார்கள்.

அன்னாரது மண்ணறையை அல்லாஹ் சுவனப் பூங்காவாக்கி, அவர்களது மறுமை வாழ்வை உயர்சுவனமான ஜன்னத்துல் ஃபிர்தவ்ஸில் ஆக்கி வைப்பானாக... நம்மையும் அவர்களுடன் சுவனத்தில் சேர்த்தருள்வானாக...

தனிப்பட்ட முறையில் என் மீது அளப்பரிய அன்பு கொண்டவர்... அவர்களது இருப்பை நன்மையாக்கித் தந்த அல்லாஹ், இழப்பையும் நன்மையாக்கித் தந்தருள்வானாக, ஆமீன். அவர்களின் பிரிவால் வாடும் குடும்பத்தார், உற்றார்-உறவினர், அஹ்மத் நெயனார் பள்ளி ஜமாஅத்தார் அனைவருக்கும் அல்லாஹ் அழகிய பொறுமையைத் தந்தருள்வானாக, ஆமீன்.