IP: 117.*.*.* India

சாதி உணர்வும் மேலா... திக்க வெறியும் நமது பள்ளிகளில் எந்த அளவு ஊடுருவியிருக்கிறது என்பதற்கு இன்று வெளிவந்துள்ள ஜீனியர் விகடன் இதழில் கல்வியாளர் வே.வசந்திதேவி ஒரு முக்கியமான உதாரணத்தைக் காட்டுகிறார். ’’மத்திய அரசின் கட்டாய கல்விச் சட்டம் ‘ஒவ்வொரு பள்ளியும் அருகில் இருக்கும் பகுதியைச் சேர்ந்த ஏழை, ஒடுக்கப்பட்ட மற்றும் பின் தங்கிய மாணவர்களுக்காக பள்ளியில் 25 சதவிகிதம் இட ஒதுகீடு செய்யவேண்டும்’ என்கிறது. இதை மெட்ரிகுலேஷன் பள்ளிகள் கடுமையாக எதிர்க்கின்றன.

சென்னையில் இருக்கிற ஒரு பள்ளி ஒரு படி மேலேபோய் கீழ்கண்ட சர்குலரை பெற்றோருக்கு அனுப்பியிருக்கிறது. அதில்’ மத்திய அரசு சட்டதின்படி 25 சதவிகிதம் ஏழை, பாமரக் குழந்தைகளுக்கு இட ஒதுக்கீடு செய்தால் உங்கள் குழந்தைகளின் கல்வித் தரம் பாதிக்கும். அவர்களோடு இணைந்து உங்கள் குழந்தைகள் படித்தால் , உங்கள் குழந்தைகள் பாழாகிவிடுவார்கள்.

தகுயற்ற, ஒழுங்கீனமான குழந்தைகள் உங்கள் குழந்தைகளுடன் ஒன்றாகப் படிப்பதை ஏற்றுக் கொள்ள முடியாது. இதனால் எங்கள் ஆசிரியர்களின் நேரமும் வீணாகிறது. எனவே இந்த சட்டத்தை எதிர்த்து நீங்கள் போரட்டம் நடத்த வேண்டும். ‘ என்று குறிப்பிடப்பட்டுள்ளது. இந்தப் பள்ளியின் தாளாளரைத்தான் சமச்சீர் கல்வி ஆய்வுக் கமிட்டியில் தமிழக அரசு நியமித்துள்ளது. இவர்களிடமிருந்து நியாயமான அறிக்கையை எப்படி எதிர்பார்க்க முடியும்?’’ ஏழை குழந்தைகளுக்கு எதிராக பெரியவர்களை போராட அழைக்கும் பள்ளிகள் உலகத்திலேயே இங்குதான் இருக்கின்றன. இதெல்லாம் வன்கொடுமை சட்டதின் கீழ் வராதா?