IP: 92.*.*.* United Arab Emirates

இஸ்லாமியத் தமிழ் இலக்கிய மாநாடு குறித்த
நீண்ட விவாதம்,இருதரப்பிலும் சிற்சில புரிதல்
ஏற்பட்டு நிறைவுக்கு வருகின்ற சமயத்தில்,
நண்பர் முத்துவாப்பா ஒரேஓர் உருப்படியான
குற்றச்சாட்டோடும்,ஏராளமான அரைத்த
மாவோடும் களம் புகுந்திருக்கின்றார்.

பெண்களுக்கு தனி இருக்கை ஒதுக்காதது
குற்றம்தான்.ஏற்கனவே நண்பர்களால், இந்தத்
தவறு மாநாட்டுக்குழுவினருக்கு சுட்டிக்
காட்டப்பட்டுள்ளது. இருக்கை ஒதுக்காதது
குழுவினரின் குற்றமேயன்றி ,இஸ்லாமியத்
தமிழ் இலக்கியத்தின் குற்றமல்ல!

தன் வாழ்நாள் முழுமையும்,தமிழ் மொழி
வளர்ச்சி, உலகத்தமிழர்களிடையே ஒற்றுமை
மற்றும் மதநல்லிணக்கம் ஏற்பட பாடுபட்ட
ஒருவரது பெயரை வைக்காமல்,ஒவ்வொரு
தமிழ்பேசும் குடும்பமும் துண்டு துண்டாக
சிதறு தேங்காயாக ஆவதற்குக் காரணமான
குழப்பவாதிகள் பெயரையா மாநாட்டு
அரங்கிற்கு வைக்கமுடியும்?

மாற்றுமத அறிஞர்கள் இஸ்லாமிய
இலக்கியம் அல்லது உங்கள் பாணியில்
நெறிமுறைகளைப் பேசக்கூடாது என்று
சொல்லும் நீங்கள் அதற்கான ஒரேஒரு
ஆதாரத்தையாவது திருமறை அல்லது
நபிமொழியிலிருந்து எடுத்துக்காட்ட முடியுமா?
மாற்றுக்கொள்கை உடைய மார்க்க அறிஞர்கள்
அழைக்கப்பட்டதும்,சேவை செம்மல் போன்ற
விருது வழங்குவதற்கு தேர்வு செய்யப்பட்டும்,
அவர்கள் அதை நிராகரித்து விட்டார்கள்.காரணம்
அவர்களுக்கு குழப்பம் செய்யத்தான் தெரியுமே
தவிர இதுபோன்ற விழாக்கள் மூலமாக ஒற்றுமை
மற்றும் சமூக நல்லிணக்க பங்களிப்பு போன்ற
எதையும் உருப்படியாக செய்யத்தெரியாததால் !

இஸ்லாத்தில் கடமை ஆக்கப்படாத எதையும்
செய்யக்கூடாது என்ற வாதம் உங்களுக்கு
வினோதமாகப் படவில்லையா ? தயவுசெய்து
காழ்ப்புணர்ச்சியைக் கைவிட்டு நேர்மறையாக
சிந்தியுங்கள்.எல்லாம் அறிந்தவன் இறைவன் ஒருவனே!