IP: 86.*.*.* United Arab Emirates

என்ன விவேகமான கருத்து பரிமாற்றங்கள் நமக்கெல்லோருக்கும் புரியும்படி ஆதாரங்களுடன். கருத்துக்களை பதிவுசெய்த அனைவருக்கும் ஒரு சபாஷ். இந்த விவாதத்திற்கு புள்ளையார் சுழி போட்ட எனதன்பு இளவல் சாளை நவாசிர்க்கு ஒரு கொட்டு. (திருஷ்டிக்கொட்டுதான்). சரி இப்படியே போயகொண்டிருந்தால் எப்படி? நாட்டாமை ROLE யார் போடுவது ? தம்பி ஜியாயுதீன் எங்கே போனார்? சரி இப்படி ஒரு முடிவுக்கு வரலாமா?

1) விழா நடத்துவது ஆடம்பரம் என்று சொல்வது ஒரு சமூக பார்வையாக தெரியவில்லை. எது எது எப்போது நடக்க வேண்டுமோ அது அது அவ்வப்போது நடக்கத்தான் வேண்டுமே ஒழிய, ஊரில் ஏழைகள் இருக்கிறார்கள் என்று எதையுமே நடாத்தக்கூடாது என்று நாம் பிடிவாதமாக இருக்க முடியாது. இந்தியாவில் ஏழைகள் ஜாஸ்திதான் அதற்காக செயர்க்கைகோள்கள் விண்ணில் அனுப்புவது அனாச்சாரம் என்று எப்படி சொல்ல முடியும். ஆனாலும் எது ஆடம்பரம் எது ஆடம்பரம் இல்லை என்பதற்கு எந்த அளவுகோலும் இல்லை என்பதால், அந்தந்த சூழ்நிலைகளுக்கு ஏற்றாற்போல் ஒவ்வொருவரின் தகுதிக்கு ஏற்ப நடந்துகொள்ள வேண்டியதுதானே.

2) இஸ்லாத்தை பொறுத்த வரை நம்முடைய திருக்குரானை விட மற்ற இலக்கியங்கள் இரண்டாம் பட்சம்தான். சீறாப்புராணத்தில் சில பல தவறுகள் இருக்கலாம் அதற்காக எல்லா இஸ்லாமிய இலக்கிய கலைஞ்சியங்களும் தவறு என்று சொல்வதும் விவேகமான ஒரு பார்வையாக தெரியவில்லை.

நல்லதை மட்டும் எடுத்துக்கொண்டு தீவினை அகற்றேல். நீ இலக்கியம் படித்தால்தான் ஒரு முழு முஸ்லிம் என்று யாரும் சொல்லவில்லையே. அதேபோல் நல்ல இஸ்லாமிய இலக்கியத்தால் மாற்றுக்கருத்து கொண்டோருக்கும் இஸ்லாத்தை இலகுவில் எடுத்து செல்லலாம் என்கிறபோது. இருக்கும் நல்ல இஸ்லாமிய இலக்கியங்களை பாதுகாருங்கள் இளைய சமுதாயத்தினரிடம் கொண்டு செல்லுங்கள். நல்ல (நல்ல என்றால் இஸ்லாமிய கருத்துக்களை ஒன்றிய) இஸ்லாமிய இலக்கியங்களை படியுங்கள் நான் ஒரு இலக்கியவாதியும் இல்லை இலக்கியத்தை எதிர்ப்பவனும் இல்லை. நடுநிலைவாதியாக இதை சொல்லலாமில்லே

3) தமிழ் இலக்கிய மாநாட்டில் மாற்றுக்கருத்து கொண்டவர்கள் புறக்கணித்தார்களா அல்லது புறக்கநிக்கபட்டார்களா என்பது தெளிவில்லை. எப்படிதான் இருந்தாலும் இந்த விளையாட்டிற்கு நான் வரவில்லை.

நாட்டாமை தீர்ப்பை மற்றிசொல்லு என்று எங்கேயோ ஒரு கூக்குரல் கேட்கிறதே,, எனக்கு இடம் சுட்டு விட்டது.