IP: 58.*.*.* Thailand

தமிழக முதலமைச்சராக ராஜகோபாலாச்சாரியார் (ராஜaஜி) இருந்தபோது கல்வித்திட்டத்தில் குலக்கல்வி முறை என்ற கல்வித் திட்டத்தை அறிமுகப்படுத்தினார்.

இந்தக் குலக்கல்வி முறையானது பார்ப்பனீய எதிர்ப்பாளர்கள் மற்றும் திராவிட கட்சிகளால் வன்மையாக எதிர்க்கப்பட்டது. இந்துமதக் கோட்பாடுகளுள் ஒன்றான நால்வர்ண ஜாதிய முறையை அங்கீகரிக்கும் வகையில் ராஜாஜி கொண்டுவந்த குலக்கல்வித் திட்டம் இருந்தால் பார்ப்பனர் அல்லாத அனைவருமே இதை எதிர்த்தனர்.

மக்களின் கடும் எதிர்ப்புக்குள்ளானதால் குலக்கல்வி முறைக்கு தொடக்கத்திலேயே சம்மட்டியடி கொடுக்கப்பட்டு கைவிடப்பட்டது. தற்போதைய அதிமுக அரசின் சமச்சீர் கல்வி முறைக்கு எதிரான நடவடிக்கைகளைப் பார்க்கும் போது, குலக்கல்வி திட்டம் சமச்சீர் கல்விக்கு எதிர்ப்பு என்ற போர்வையில் தலைதூக்கியுள்ளதோ என்றுதான் நினைக்கத் தோன்றுகிறது!முந்தைய திமுக தலைமையிலான அரசு கொண்டுவந்த திட்டம் என்பதைத் தவிர வேறு உருப்படியான காரணம் எதுவும் அரசிடம் இல்லாத நிலையில் இவ்விசயத்தில் கூட்டணி கட்சிகளும் வாய்மூடி நிற்கின்றன!

முதிர்ந்த முத்தமிழ் அறிஞர் கலைஞர், இதில் வெற்றி தோல்வி பார்க்காமல் உயர் நீதிமன்றத் தீர்ப்பை நாட்டு மக்களின் நன்மைக்காக தமிழக அரசு அமுல்படுத்த வேண்டும் என்று கூறியிருப்பது திராவிடப் பராம்பரிய அரசியலில் நாகரீகத்தின் வெளிப்பாடாகும்.

சமச்சீர் கல்விக்கு எதிர்ப்பு என்ற போர்வையில் குலக்கல்வி முறையை புகுத்தாமலிருக்க வேண்டிய கசப்பு மருந்தை மக்கள் உள்ளாட்சித் தேர்தலில் கொடுக்கும்முன்னதாக மக்களின் உணர்வுகளுக்கு மதிப்பளிக்கும் வகையில் ஜெயா அரசு செயல்பட வேண்டும்.