IP: 109.*.*.* United Kingdom

அன்புள்ள ஜியாவுதீன் காக்கா அவகளுக்கு, நகைச்சுவையாக பல நல்லக் கருத்துக்களை பல செய்திகளில் பதிவு செய்த நீங்கள், யானைக்கும் அடி சறுக்கும் என்பது போல எங்கள் முதல்வர் அவர்களைப் பற்றி தவறான கண்ணோட்டத்தில் பதிவு செய்து அதல பாதாளத்தில் தலை குப்புற விழுந்து இருக்குறீர்கள்.

முதல்வர் அவர்களின் பாராட்டு விழாவிற்கும் எங்கள் மதரசாவில் பதினைந்து வருடங்களுக்கு முன் விட்டு விலகி சென்ற ஆசிரியர் அவர்களையும் சம்பந்தப்படுத்துவது அப்துல்லாவிற்கும் அமாவாசைக்கும் உள்ள ஒற்றுமையே. தாங்கள் எங்கள் அன்பு ஆசிரியர் மர்ஹூம் யூசுப் முனீரி அவர்களுக்கு சமுதாயம் என்ன செய்தது என்று இணையதள கருத்துப் பதிவில் கேட்குமுன் எங்களைப் போன்ற முன்னாள் மாணவர்களிடம் கேட்டிருக்கலாம்.

உண்மையைச் சொல்லப் போனால் எங்கள் ஆசிரியர் குடும்பத்தின் எல்லா வித சுக துக்கங்களிலும் நாங்கள் பங்கு எடுத்து இருக்கிறோம், இன்னும் நாங்கள் உதவ முனைகிறோம் என்பதே உண்மை. செய்த எல்லா உதவிகளையும் உங்களிடம் பரிமாறி எங்களின் நன்மைகளை இழக்க விரும்பவில்லை. ஆக இத்துடன் இது சம்பந்தமான விவாதங்களை விட்டுவிடுங்கள். முடிந்தால் உங்களால் இயன்ற உதவிகளை செய்ய முனையுங்கள்.

அடுத்து உங்களின் ஆதங்கம் சேவை செம்மலுக்கு பின் தான் பாராட்டு விழா நடத்த தோன்றியதா என்று? இப்படி ஒரு நிகழ்வு நடத்தவேண்டும் என்பது எங்களின் பல ஆண்டு கனவு. அது நடத்துவதற்கு காரண காரியமாக அமைந்ததே இந்த சேவை செம்மல் விருது. காரண காரியங்கள் எதுவும் இல்லாமல் ஒரு விழாவை ஒரு மதராவைச் சார்ந்தவர்கள் அதன் முதல்வருக்கு நடத்தினால் அதை ஊர் மக்கள் எப்படி எடுத்துக் கொள்வார்கள் என்பது உங்களைப் போன்ற புத்திசாலிகளுக்கு புரியாமல் போனது எப்படி?

(இது எனது தனிப்பட்ட கருத்து. மதரசாவிற்க்கும் அதன் முதல்வருக்கும் இதில் எவ்வித சம்பந்தமும் இல்லை)

Moderator: Comment edited!