IP: 121.*.*.* Hong Kong

தலைவர் பதவிக்கு...நமது நகரில் மிகுந்த அனுபவமுடைய நேர்மையான செயலாற்றல்மிக்க ,அனுசரிப்பும்,தேவையான சமயங்களில் கண்டிப்பும் தக்க நேரத்தில் கையாளகூடிய ஒரு பக்குவப்பட்ட ஒரு தலைவர் வரலாம். அவர் எந்த அரசியல் கட்சி சாராத,தனி நபர் / இயக்கம் போன்றவற்றுக்கு தலை அசைக்காது,பொதுவாகவே ,நமது நகரின் பாரம்பரியம்,கலாச்சாரம் பேணி ,நகர் மக்கள் நலன் ஒன்றையே கருத்தில் கொண்டு செயலாற்றகூடியவராக இருத்தல் வேண்டும்.

துணைத்தலைவர் பதவிக்கு...ஆளும் கட்சி அரசியல் செல்வாக்கு கொண்டவராகவோ அல்லது எந்த கட்சி சார்ந்தவராயினும் ,நகர் நலனுக்காக அரசினரிடமிருந்தும்,துறை அதிகாரிகளிடத்தும் பலத்த செல்வாக்குடனும்,நமது நகர் நலனையும் கருத்தில் வைத்து காரியத்தை சாதிக்கும் திறமையும் ஒருங்கே அமைய பெற்ற ஒருவர் வரலாம்.வெளித்தோற்றத்துக்கு கட்சி சாயம் பூசப்பட்டவர் ஆயினும்,நகர் நலன் கருதியே தலைவருடன் ஒத்துபோவதும் தலைமைக்கு கட்டுப்பட்டே அவர் நடவடிக்கை அமையவேண்டும். (இன்றைய சூழ்நிலையில் அரசியல் செல்வாக்கு ரொம்பவும் அவசியமே.ஒரு திட்டத்தை விரைந்து நிறைவேற்றவும்..அதே சமயம் அனாவசியமான திட்டங்களை குறித்த காலத்தில் தடுத்து நிறுத்திடவும், தலைவருக்கு அரசியல் ஆலோசனை தரவும் இத்தகைய செல்வாக்கு கொண்ட நபர் நகர் மன்றத்தில் இருத்தல் அவசியம்).

வார்டு உறுப்பினர்கள் பதவிக்கு...நகரின் ஒய்வு பெற்ற ஆசிரியர்கள்&அரசு அலுவலர்கள், வெளி நாடுகளில் உயர்நிலை பணிபுரிந்து தாயகம் திரும்பியவர்கள்,உள்ளூர் வணிகர்கள்,தொண்டு நிறுவனத்தை சார்ந்தவர்கள் இவர்களில் அனுபவமிக்க, தன்னிறைவு பெற்ற சேவை மனப்பான்மை உடைய பிரதிநிதிகள்,குறிப்பாக இளைஞர்கள் இப்பொறுப்பினை ஏற்கலாம்..

எனவே,இப்போதே இதுபோன்றவர்களை கண்டறிந்து,உறுப்பினர்களை தயார் செய்து மக்களிடத்தில் பகுதி வாரியாக அறிமுகம் செய்து ஒருமனதாக வெற்றி பெற செய்தால் சிறப்பான நகர்மன்றம் அமைவது உறுதி.