IP: 117.*.*.* India

அஸ்ஸலாமு அலைக்கும் (வரஹ்).

மெகா சகோதரர்கள் களப்பணியாற்றுவதற்காக அலுவலகம் துவக்கப்பட்டிருப்பதற்கு வாழ்த்துக்கள்.

அவசரப்படாமல் படிப்படியாக ஒவ்வொரு செயலையும் நீங்கள் செய்து வருவது மக்களுக்கு மிகுந்த நம்பிக்கையை அளிக்கிறது - இன்ஷா அல்லாஹ்! நிச்சயமாக மெகா இந்த தேர்தலில் நம் மக்களிடம் விழிப்புணர்வை ஏற்படுத்தும் என்பதில் ஐயமில்லை.

----------------------------------------

நமது சகோதரர்கள் பலரும் பல கருத்துக்களை இங்கே பதிகிறார்கள் - வெளியிலும் பேசிக்கொள்கிறார்கள் - என்னதான் அவர்கள் கருத்துக்களை பதிந்தாலும் , பேசிக்கொண்டாலும் இன்னும் மெகாவின் கொள்கைகளை அவர்கள் சரியாக புரிந்துக் கொண்டதாக தெரியவில்லை.

எனக்கு தெரிந்தவரை மெகா'வின் கொள்கைகள் எல்லாம் சிறந்ததாகவே இருக்கிறது - எதுவும் ஒளிவு மறைவு இல்லை.

எந்த விதத்திலும் எதையும் , அவசரக்கோலத்தில் முடிவு எடுத்து, பின் விளைவுகளை சிந்திக்காமல் தேர்தலை சந்தித்து மக்கள் சிரமப்படுவதைவிட - முற்கூட்டியே அவர்களுக்கு விழிப்புணர்வை ஏற்படுத்தி சிந்தித்து செயல்பட வைப்பதே மெகா'வின் கொள்கையாக இருக்கிறது.

----------------------------------------

பொதுவாகவே உள்ளாட்சி தேர்தலுக்கு அரசியல் அவசியமில்லை - அதுவும் நம்ம ஊருக்கு நிச்சயமாக அரசியல் வேண்டாம்.

வார்டு மெம்பர்களை அந்தந்த பகுதி ஜமாஅத்'துகளும் - தலைவரை ஒட்டுமொத்த ஜமாஅத்'துகளும் சேர்ந்து தேர்ந்தெடுக்க வேண்டும் என்ற ஒற்றுமையான , நேர்மையான கொள்கைதான் அவர்களது கொள்கை.

இதிலே எந்த உள்நோக்கமோ, ஆதாயமோ இல்லை , இதை நாம் அனைவரும் கடை பிடித்தால் இன்ஷா அல்லாஹ்! வெற்றிபெறுவோம். நல்லதொரு நகர்மன்றம் அமைப்போம்.

-----------------------------------------

மெகா'வில் அங்கம் வகிப்பவர்கள் ஊரில் உள்ள அத்தனை ஜமாஅத்'துகளை சேர்ந்தவர்களாகவும், பல அரசியல் கட்சியை சேர்ந்தவர்களாகவும் , பல சங்கங்களை சேர்ந்தவர்களாகவும், மார்க்க ரீதியாக பல கொள்கைகளை உடையவர்களாகவும் , பல பகுதிகளை சேர்ந்தவர்களாகவும் இருந்தாலும் அந்த சகோதரர்களின் நோக்கமும், கொள்கையும் ஒன்றுதான் " நமது நகர்மன்றம் நேர்மையாளர்களால் அமைய வேண்டும் என்பதே". அதனால் இந்த கொள்கையின் உண்மை நிலையை உணர்ந்தவர்கள் 'மெகா' வை விமர்சிக்க மாட்டார்கள் மேலும் உதாசீனப்படுத்தவுமாட்டார்கள்.

வஸ்ஸலாம்.