IP: 122.*.*.* India

ஆளுங்கட்சியை சார்ந்தவர்/அனுதாபி தான் நகர்மன்ற தலைவராக வரவேண்டும் என்பது ஏற்றுக்கொள்ளக்கூடிய வாதம் அல்ல. இன்னும் சொல்லப்போனால் ஜனநாயகத்திற்கு ஆபத்து விளைவிக்கக்கூடிய சிந்தனை.

அந்த வாதம் சரி என்றால், மத்தியில் ஆட்சி செய்யும் கட்சியே, நாடு முழுவதும், எல்லா மாநிலங்களிலும் ஆட்சி செய்யவேண்டும். மாநிலத்தில் தேர்தலில் வெற்றிபெறும் எதிர்க்கட்சி உறுப்பினர்கள் - உடனடியாக ராஜினாமா செய்து, இடைதேர்தலில் ஆளும் கட்சி உறுப்பினர் வெற்றிபெற ஆவன செய்யவேண்டும். இது ஜனநாயகம் அல்ல, அரசியல் கட்சிகள் பயன்படுத்தும் பிளாக்மெயில் நடைமுறை.

இந்திய ஜனநாயகம் கட்சிகள் அடிப்படையில் தான் அமைந்துள்ளது. இருப்பினும் - அதிலும் சுயேச்சை வேட்பாளர்களுக்கு (MP / MLA) இடம் உண்டு.

தேவை ஊழலற்ற நகர்மன்றம். அரசியல் சாயல் உள்ள எந்த நகர்மன்றதாலும் அதனை தரமுடியாது. மாவட்ட அளவில் வசூல் செய்யவே எல்லா கட்சிகளும், உள்ளாட்சிகளை பயன்படுத்துகின்றன. கட்சி சார்பாக தேர்வாகும் எந்த உறுப்பினரும் / தலைவரும் ஊழலை எதிர்த்து கேட்கமாட்டார்.

ஆளும் கட்சி ஆதரவு தலைவர் இருந்தால் திட்டங்கள் கிடைக்கும் என்பது ஒரு வாதம். ஆனால் சரியான வாதம் அல்ல. சுறுசுறுப்பான, சுத்தமான, விஷயம் தெரிந்த, செயல்புரிய அறிந்த எந்த தலைவராலும் - வரவேண்டிய - நியாயமான - திட்டங்களை வரவைக்க முடியும் - எந்த கட்சியின் தயவும் இன்றி, சட்டத்தின் துணைக்கொண்டு.