IP: 117.*.*.* India

அன்புள்ள சகோதரர்களே,

தேர்தல் நாள் நெருங்கிவருகிறது. ஆனால் நீங்கள் மெகா என்றும் ஒருங்கிணைப்பு கமிட்டி என்றும் ஐக்கிய பேரவை என்றும் மூன்று பிரிவாக செயல்படுவது ஊர் மக்கள் எல்லோருக்கும் குறிப்பாக என் போன்ற நடுநிலயாளர்களுக்கும் மன வருத்தத்தை தருகிறது.

ஒரு தலைமையின் கீழ் மூன்று துணை அலுவலகம் இருப்பது நல்லது. ஆனால் மூன்று தலைமையில் ஒரு ஊர் மக்கள் இருப்பது நல்ல ஆரோக்கியமான நகராட்சி அமைய வழி வகுக்காது என்பதை உணர்ந்து கருத்து வேறுபாடுகளை பேசித்தீர்த்துக்கொள்ள முயற்சி செய்யுங்கள்.

இளைஞர்களால்தான் நல்ல மாற்றங்களை ஏற்படுத்த முடியும். அதே இளைஞர்களால்தான் தீய சக்திகள் தலை தூக்கவும் முடியும். 'யா மவுஷரஷ்ஷபாப்' இளைஞர்களே என்றுதான் நபிகள் நாயகம் மக்களை நேர் வழியில் அழைத்தார்கள். அந்த இளைஞர்கள்தான் இஸ்லாத்தை நம் கையில் தந்த அருமை சஹாபாக்கள். எனவே முதியவர்கள் இளைஞர்களை அழைத்து பேசுங்கள். இதில் prestige பார்க்கவேண்டாம் வீழ்வது நாமாக இருந்தாலும் வாழ்வது நம் எதிர்கால சந்ததிகளாக இருக்கட்டும் என்று நினைத்து இளைஞர்களுடன் சமரசம் செய்து இந்த தேர்தலை சந்திப்போம்.

இளைஞர்களும் prestige பார்க்காமல் முதியவர்களை சந்தித்து கருத்தொற்றுமை ஏற்படுத்தி களம் காணுங்கள். லாபம் சம்பாதிக்கும் தொழிலில் போட்டி இருக்கலாம் இது மக்களுக்கு உதவி செய்யும் சேவை. இதில் விட்டுக்கொடுப்பது மிக அவசியம். உங்கள் எல்லோரது உள்ளங்களையும் ஒருங்கிணைத்து வைத்து நமது நகரமன்ற உறுப்பினர்கள், தலைவர் எல்லோருமே ஏக மனதுடன் தேர்ந்தேடுக்கப்பட்டர்கள் என்ற நல்ல செய்தியை இந்த உலகுக்கு உரக்க சொல்வதற்கு அல்லாஹ் அருள்புர்வானாக.

மக்கி நூஹுதம்பி 9865263588