IP: 117.*.*.* India

அஸ்ஸலாமு அலைக்கும் (வரஹ்).

மக்களே!

உள்ளாட்சி அமைப்பு என்பது - அரசியல் , அதிகார தொடர்பு இல்லாமல் - மக்களை நேரிடையாக சந்திக்கும் வாய்ப்பை ஏற்படுத்தும் அமைப்பு.

இதில் எந்த அரசியல் கட்சியும் தலையிட்டால் - அது ஆளும் கட்சியானாலும் சரி, எதிர் கட்சியானாலும் சரி - அந்த அமைப்பு முழுக்க , முழுக்க ஊழல் நிறைந்தவகையாகத்தான் இருக்கும், அதற்கு எந்த நகரும், நாடும் விதிவிலக்கல்ல.

இந்த சூத்திரத்தை மக்கள் விளங்கிக் கொண்டால் - அதன்படி செயல்பட்டால் நல்ல நகர்மன்றங்கள் உருவாகும்.

------------------------------------

விதிவிலக்கு :-

சகோதரியும் நாம் அனைவரும் ஏற்றுக்கொண்டிருக்கிற நமது மார்க்கத்தின்படி ஒரு பெண் இந்தமாதிரி பதவிக்கு வருவதை முடிந்தவரை தவிர்த்துக்கொள்ள வேண்டும்.

அதே நேரத்தில் அரசாங்கத்தின் சட்டப்படி ஒரு பெண்தான் போட்டியிட வேண்டும் என்ற கட்டாயம் ஏற்படுகிறபோது அதிலே விதிவிலக்கு உண்டு அந்த விதிவிலக்கை பயன்படுத்தியே முன் சென்ற காலங்களில் நமது ஊரிலே இரு சகோதரிகள் நகர்மன்ற தலைவியாக பதவி வகித்தார்கள்.

அவர்கள் எல்லாம் நல்ல நிர்வாகத்தை செய்தார்களா? என்றால் இல்லை என்றே சொல்வேன் . காரணம் அவர்கள் நல்ல திறமையானவர்களாக இருந்திருந்தால் இன்று நமது நகர்மன்றம் ஊழல் குறைந்ததாக இருந்திருக்கும் - ஊழல் இவ்வளவு அதிகமாக பெருகி இருக்காது.

-------------------------------------

ஆண்களின் காலம் :-

அரசாங்கம் பெண்களுக்கும் ஆட்சி அதிகாரங்களில் பிரதிநிதித்துவம் கொடுக்க வேண்டும் என்பதற்காக காலங்களை ஒதுக்கி இருக்கிறது. அதன்படிதான் நமது இரு சகோதரிகளும் பெண்களுக்காக ஒதுக்கப்பட்ட காலங்களில் நின்று பதவி வகித்தார்கள்.

ஆனால் இப்போது நடக்க இருக்கும் தேர்தல் ஆண்களுக்காக ஒதுக்கப்பட்ட காலம் என்பதால், சகோதரி, இப்போது போட்டியிட இருப்பதாக சொல்வது பொருத்தமன்று.

-------------------------------------

ஊர் ஒற்றுமை :-

நமது ஊரை பொறுத்தவரை சட்டசபை தேர்தலும், பாராளுமன்ற தேர்தலும்தான் அரசியல் கட்சிகளின் கட்டுப்பாட்டிலும் - நகர்மன்ற தேர்தல் ஊர் ஒற்றுமைக்காக ஊர் பெரியவர்களின் கட்டுப்பாட்டிலும் , அறிவுறுத்தலின்படியும் நடந்துக்கொண்டிருக்கிறது.

அதனால் சகோதரி அவர்கள் ஊர் ஒற்றுமைக்கு அணி சேர்க்கும் வகையில் 1) இந்த தேர்தலில் போட்டியிடுவதை தவிர்த்திருக்கலாம். 2) ஊர் ஒற்றுமையை விரும்பி ஐக்கிய பேரவையின் மூலம் / தாங்கள் சார்ந்திருக்கும் ஜமாஅத்'தின் மூலம் அவர்கள் அனுமதி பெற்று இந்த செய்தியை வெளியிட்டிருக்கலாம்.

அப்படி ஊர் ஒற்றுமையில்லாமல் நீங்கள் தலைவி பதவியை நாடுவதில் என்ன அர்த்தமிருக்கிறது ? சிந்தித்துப் பாருங்கள்.

------------------------------------------

முடியாததை செய்தீர்களா ?

சகோதரி , தாங்கள் முன்பு நம் நகர்மன்ற தலைவியாக இருந்தபோது அதை செய்தேன், இதை செய்தேன் என்று பட்டியலிட்டிருப்பதை மீண்டும் படித்து பாருங்கள் - இதை ஊர் தலைவராக இருக்கும் யாரும் செய்ய முடியாதா? இது உங்களுடைய கடமை இல்லையா ? அல்லது எந்த ஊரிலும் யாரும் செய்யாததை நீங்கள் பிரத்தியேகமாக செய்திருக்கிறீர்களா ? இதையும் கொஞ்சம் சிந்தித்து பாருங்கள்.

------------------------------------------

ஊழல் அல்லாத நிர்வாகம் நடந்ததா ???

சகோதரி, தாங்கள் சென்ற முறை நகர்மன்ற தலைவியாக பதவி வகித்த காலத்தில் - ஊழல் அற்ற நிர்வாகம் நடந்ததா ? ஊழலை ஒழிக்க ஏதும் முயற்சித்தீர்களா ? - நகர்மன்றத்தை நாடி வந்த மக்களில் சிலராவது தங்கள் தேவைகளை சரியான நேரத்தில் , முறையாக பெற்று சென்றார்களா ?

இல்லை மீண்டும் போட்டியிட போகிறதாக சொல்லும் நீங்கள் ஊழலை , ஒழிப்பேன் - ஊழலற்ற நிர்வாகம் நடத்துவேன் , மக்கள் குறைகளை என்னிடம் நேரில் சொல்லலாம் என்ற உத்திரவாதத்தையாவது உங்கள் கடிதத்தில் குறிப்பிட்டிருக்கிறீர்களா ? இல்லையே ???.

------------------------------------------

தமிழக முதல்வருடனான நெருங்கிய தொடர்பு :-

உங்களுக்கு தமிழக முதல்வருடன் நெருங்கிய தொடர்பு இருப்பதனால் - ஊருக்கு நல்லதை செய்வதற்கு இந்த நகராட்சி தலைவி பதவி அவசியமில்லை , அந்த பதவியை பெறாமலே நிறைய செய்யலாம்.

மிகவும் முக்கியமாக நமது ஊரில் பரவி கிடக்கின்ற கொடும் வியாதியான புற்று நோய் பரவ காரணியாக இருப்பவைகளை கண்டறிந்து அதை நமது முதல்வருடைய கவனத்திற்கு கொண்டு சென்றால் உங்களுடைய நெருக்கத்தின் காரணமாக அவைகளை களைந்திட உதவிடுவார், எனவே அப்படி நல்லவைகளை நம் ஊருக்கு செய்து உங்கள் பொது வாழ்வை சிறப்படைய செய்யுங்கள்.

-----------------------------------------

மக்களின் தேவை :-

இன்றைய சூழலில் நமது ஊருக்கு தேவை தடங்கலில்லாத தண்ணீரோ , மின்சாரமோ அல்லது நல்ல பல திட்டங்களோ அல்ல. மிக மிக்கியமான தேவை ஊர் ஒற்றுமையும், ஊழலற்ற நகர்மன்ற சேவையும்தான்.

ஆகையால் அதற்கு தங்களால் இயன்ற ஒத்துழைப்பை கொடுக்க வேண்டியது உங்களது கடமையாகும்.

வஸ்ஸலாம்.