IP: 117.*.*.* India

‎16வது வார்டுக்கு போட்டியிட விருப்ப மனுவை புதுப்பள்ளி ஜமாஅத்திற்கு ‎கொடுத்தவர்களில் நானும் ஒருவன். இது சம்பந்தமாக கலந்தாலோசிக்க பொதுக்குழு ‎‎கூட்டப்பட்டு அதில் விருப்பமனு கொடுத்த ஐந்து நபர்களும் அழைக்கப்பட்டிருந்தனர். ‎அந்த கூட்டத்தில் ஜமாஅத் சார்பாக ஒருவரை தேர்ந்தெடுப்பது என அறிவிக்கப்பட்டது.

‎‎இதற்கு கலந்து கொண்டவர்களில் பெரும்பான்மையானோர் மற்றும் விருப்ப மனு தாக்கல் ‎செய்த ஐவரில் மூவரும் (கலீபா செய்யது முஹம்மது ஆகிய நான், பி.எஸ். செய்யது ‎முகம்மது, பாட்டா மஹ்மூது) எதிர்ப்பு தெரிவித்த பட்சத்தில் கூட்டம் எந்தவித முடிவும் ‎காணாமல் நிறைவு பெற்றது. இந்நிலையில் 26-09-2011 அன்று ஜமாஅத் சார்பாக ‎வாக்கெடுப்பு நடைபெற இருப்பதாக புதுப்பள்ளி சந்தியில் ஒரு அறிவிப்பு பலகை ‎வைக்கப்பட்டிருந்தது.

இதை அறிந்த நான் ஜமாஅத்திற்கு ஒரு லட்டர் அனுப்பி 'எனக்கு ‎‎இந்த வாக்கெடுப்பில் உடன்பாடு இல்லாத பட்சத்தில் எனது விருப்பமனுவை வாபஸ் ‎பெற்றுக் கொள்வதாக தெரிவித்திருந்தேன். அப்படியிருந்தும் எனது பெயரையும் ‎வாக்கெடுப்பில் சேர்த்துள்ளார்கள்.

மேலும் தேர்தல் என்று எடுத்துக் கொண்டால் ஆண் ‎வாக்காளர்கள் பெண் வாக்காளர்கள் இருவருமே வாக்களித்தால் மட்டுமே அந்த ‎தேர்தலை முறையாக ஏற்றுக் கொள்ள முடியும். எனவே ஜமாஅத் மூலம் நடைபெற்ற ‎‎இந்த வாக்கெடுப்பிற்கு நான் ஆட்சேபம் தெரிவிப்பதோடு போட்டியிடவும் வேட்புமனு ‎தாக்கல் செய்துள்ளேன் என்பதை அறியத்தருகிறேன். ‎