IP: 59.*.*.* India

எல்லோரும் தங்களின் கருத்துக்களை நன்றாக கூறியுள்ளார்கள்.

ஒற்றுமை, ஜமாஅத் கட்டுப்படுதல் போன்ற வார்த்தைகள் எல்லாம் கேட்க நன்றாக உள்ளது. நானும் கூட கருத்து வேற்றுமைகளை எல்லாம் மறந்து, ஐக்கிய பேரவை தெரிவு செய்யும் நபரையே ஆதரிக்கனும் என்று கருத்து கூறி வந்தேன்.

ஆனால் நம் ஐக்கிய பேரவை நடந்துகொண்ட முறைகளை அறிந்து மிகவும் வேதனை தான் மிஞ்சுகிறது.

ஊரில் ஜமாஅத் என்று ஒன்று இருக்கின்றதா? (ஒரு சில உள்ளன). ஜமாத்தால் ஒருமித்த குரலில் ஒரு வார்ட் மெம்பரை தெரிவு செய்ய முடிகிறதா? இல்லை மக்களிடமாவது அவர்களுக்கு மரியாதை உள்ளதா? ஒவ்வொரு ஜமாஅத் கூட்டங்களில் நடந்த நிகழ்வுகளை எழுதவே கூசுகிறது... சோ, ஜமாஅத் என்பதோ, ஒற்றுமை என்பதோ இல்லவே இல்லை, நம் ஊரில்.

அப்படிப்பட்ட ஜமாத்தில் இருந்து இருவரை அனுப்புவார்களாம், அதுவும் ஐக்கிய பேரவை சுட்டிக்காட்டும் ஆள்தான் ஜமாஅத் மூலம் அனுப்பனுமாம்,கண்ணை மூடிக்கொண்டு செல்லனுமாம், யார் யார் போட்டியில் இருக்கின்றார்கள் என்பதும் தெரிவிக்க மாட்டார்களாம், அவர்கள் கூறும் ஆளுக்கு தான் ஓட்டு போடனுமாம், அவர்கள் நினைத்ததை சாதிப்பார்களாம். இதன் பெயர் தான் அனைத்து ஜமாத்தும் ஒருமித்து தெரிவு செய்த வேட்பாளராம்.

இப்போ சொல்லுங்க, ஐக்கிய பேரவை யாருடைய கட்டுப்பாட்டில் இருக்கின்றது என்று?, யாருக்கு சேவை செய்ய புறப்பட்டுள்ளது. இந்த மாதிரியான செயல்கள் தான் அல்லாஹ்விற்கு உவப்பான செயலோ. இறைவனுக்கு அஞ்சிக்கொள்ளுங்கள்.
________________________________
இன்னும், ஒர் ஆத்மா மற்றோர் ஆத்மாவிற்கு சிறிதும் பயன்பட முடியாதே (அந்த) ஒரு நாளை நீங்கள் அஞ்சி நடப்பீர்களாக! (அந்த நாளில்) எந்தப் பரிந்துரையும் அதற்காக ஏற்றுக் கொள்ளப்படமாட்டாது; அதற்காக எந்தப் பதிலீடும் பெற்றுக் கொள்ளப்பட மாட்டாது; அன்றியும் (பாவம் செய்த) அவர்கள் உதவி செய்யப்படவும் மாட்டார்கள். (அல்குர்ஆன் 2:48)

அப்படியல்ல! யார் தம் வாக்குறுதியை நிறைவேற்றுகின்றார்களோ, (அல்லாஹ்வுக்கு) அஞ்சியும் நடக்கின்றார்களோ (அவர்கள் தாம் குற்றம் பிடிக்கப்பட மாட்டார்கள்); நிச்சயமாக அல்லாஹ் (தனக்கு) அஞ்சி நடப்போரை நேசிக்கின்றான். (அல்குர்ஆன் 3:76 )
_________________________________
சாளை S.I.ஜியாவுதீன், காயல்பட்டினம்