IP: 122.*.*.* India

சகோதரி ஆபிதாவின் தன்னிலை விளக்கம் எல்லோராலும் புரிந்துகொள்ளும் வகையில் அமைந்துள்ளது. அல்லாஹ் அவருக்கு அவரது எண்ணம்போல் எல்லாவற்றையும் அமைத்துத்தர பிரார்த்திக்கிறேன்.

கடந்த காலங்களில் காயல்பட்டிணம் நகர்மன்ற தேர்தல்களில் யார் வர வேண்டும்? அல்லது யார் வரக் கூடாது? என்பதை ஐக்கியப் பேரவைதான் நிர்ணயித்துவந்துள்ளது. ஐக்கியப் பேரவையின் செயல்பாடுகள் வெளிப்படையானவையாக இல்லை என்பதை பல நேரங்களில் பல சகோதரர்கள் வாயிலாக அறிய முடிந்தது. இருப்பினும், குறிப்பிட்டுச் சொல்ல யாரும் முன்வரவில்லை. தற்போது நகர்மன்ற தலைவர் பதவிக்குப் போட்டியிடும் வேட்பாளரைத் தெரிவு செய்யும் விஷயத்தில் ஐக்கியப் பேரவையின் நேர்மை (?) பளிச்சிட்டுள்ளது.

ஊருக்கு நல்லது நடக்க வேண்டும்; மக்களுக்கு சேவை செய்ய வேண்டும் என தன்னார்வத்துடன் முன்வரும் ஒருவரிடம் எந்த அளவுக்கு ஐக்கியப் பேரவை நடந்துள்ளது என்பதைக் கேள்விப்படும்போது ஆதங்கப்படாமல் இருக்க முடியவில்லை. ஐக்கியப் பேரவை என்ற பெயரை வைத்துக்கொண்டு சில செல்வந்தர்கள், செல்வாக்கு படைத்தவர்களைத் திருப்திப்படுத்தும் நோக்கில் செயல்படுவது ஏன்?

கடந்த முறை பொறுப்பு வகித்தவர்களில் விரல்விட்டு எண்ணக்கூடிய அளவுக்கு சிலரதான் இலஞ்சம் வாங்காமல் நேர்மையாக பணியாற்றினார்கள் என்பதைக் கேள்விப்படும்போது எஞ்சிய நேர்மையற்றவர்களை ஐக்கியப் பேரவையால் தட்டிக் கேட்கவோ தண்டிக்கவோ முடியவில்லை. எதையும் எதிர்க்க துணிச்சலுடன் தட்டிக் கேட்க இயலாதவர்கள் நிச்சயமாக ஊரை ஐக்கியப்படுத்துவது சாத்தியமற்றது.

எனவே, ஐக்கியப் பேரவை பொதுக்குழுவை கலைத்துவிட்டு, புதுக்குழுவை ஏற்படுத்துங்கள்... முதலாவது ஐக்கியப் பேரவைக்கு தேர்தல் நடத்துங்கள். தகுதி வாய்ந்தவர்களை அதில் பொறுப்பாளர்களாக அமர்த்துங்கள். அப்போதுதான் நமதூருக்கு விடிவுகாலம் பிறக்கும். நாம் எல்லோரும் சேர்ந்து ஐக்கியப் பேரவைக்கு நெருக்கடி கொடுக்க வேண்டிய கட்டமிது.

சகோதரி ஆபிதா ஷேக் வெற்றி பெற நாம் வாழ்த்துவோம்...

வாழ்த்துக்கள்...

முஹம்மது புகாரீ
சென்னை