IP: 2.*.*.* United Arab Emirates

செல் அடித்தாலும்,பெல் அடித்தாலும்(LAND LINE) கடும் சொல்லால் திருப்பி அடிக்காமல் நற்சொல்லால் வந்தனம் செய்தால் பாலைவன இதயம் கூட சோலைவனம் ஆகும்!!

மாற்றம் ஒன்றே மாறாதது!!! மற்றவை எல்லாம் சுழற்சி,அறிவு வளர்ச்சி ,அறிவியல் வளர்ச்சி மாறிக்கொண்டே வருவதற்கேற்ப நம்மை நாமே உயர துடிக்கும் உள்ளத்தோடு உயரவேண்டும்!!!!!!

செல்லாய் காசைபோவோம் என அறிந்தும் முறையின்றி செல்லையும்,சொல்லையும் பயன்படுத்துவோர் பெரியோர்,சிறியோர் யாராக இருந்தாலும் வாழ்வியல் பயணத்தில் அறிவு முடங்கி ஊனமாகிப்போவார்கள் என்பதையே இக்கட்டுரை உணர்த்துகிறது.

பல நல்ல தலைப்புகளில் இன்னும் கட்டுரை வரவேண்டும்,அதனால் சில சமுதாய சீர் கேடுகள் சரி செய்யப்படலாம்.கட்டுரையாளற்கு பல லட்டுகள் தரலாம்.

A.R.Refaye-Abudhabi

IP: 217.*.*.* United Arab Emirates

என் இனிய இளவல் ரபீக் அவர்கள் பதிவுசெய்த கருத்துக்களும் புலஹாங்கிதன்களும் இன்று எல்லோர் மனதையும் பிரதிபலிக்கின்றது.

தொழிநுட்ப முன்னேற்றங்கள் நாம் ஏற்றுக்கொண்டாலும் இல்லாவிட்டாலும் அவை நமது வாழ்க்கையில் ஒரு இன்றியமையாத ஒன்றாக ஆகிவிடுகிறது.

இன்று நமது பிள்ளைகளிடம் நீங்கள் அலைபேசி வைத்துக்கொள்ளக்கூடாது என்று சொன்னோமானால் அதற்க்கு நாம் கூறும் காரனிகளைவிட, ஏன் வைத்துக்கொள்ளவேண்டும் என்று அவர்கள் முன்வைக்கும் வாதங்கள் தான் ஜெயிக்கும்.

அப்போ நாம் என்னதான் பண்ணவேண்டும் என்பதை, தம்பி ரபீக் அவர்கள் மிக அழகாக கோடிட்டு கட்டியிருக்கிறார்கள்.

நமது மக்கள்கள் யாருக்கும் எந்தவிதத்திலும் குறைந்தவர்கள் இல்லை, அவர்கள் எல்லா வசதிகளையும் ஒரு எல்லைக்குள்ளான சுதந்திரத்தோடு அனுபவிக்கட்டும். உங்களின் மக்களின் கையில் அலைபேசி இருந்தால்தான் நீங்கள் பொறுப்பான பெற்றோர்களாவீர்கள் என்று ஒன்றும் கிடையாது.

அதேபோல் இந்த வயதில் தான் பிள்ளைகள் செல் போன் வைத்துக்கொள்ள வேண்டும் என்று யாராலும் நிர்ணயிக்க முடியாது. இது ஆளுக்கு ஆள், வீட்டிற்கு வீடு, நாட்டிற்கு நாடு, ஒவ்வொரு சூழ்நிலைகளுக்கு வித்தியாசப்படலாம். அதனால் இதை நிர்ணயிப்பது பிள்ளைகளின் பெற்றோர்கள்தான். தத்தம் மக்களுக்கு எப்போது அலைபேசியின் அவசியம் என்று கருதுகிறீர்களோ, என்று தம் மக்கள் இந்த கருவியை தீய வழியில் உபயோகப்படுத்த மாட்டார்கள் என்ற ஒரு நம்பிக்கை பிறக்கிறதோ, அன்று கொடுத்தாலே போதும். கொடுப்பதோடு நிறுத்திவிடாமல் இஸ்திரமான கண்காணிப்பு மிகவும் அவசியம். நாம் கண்காணிப்பது நமது மக்களுக்கு தெரிந்தே செய்யுங்கள் அதனால் தவறுகளை ஓர் அளவிற்கு தடுக்கமுடியும்.

மக்களுக்கு இஸ்லாம் வகுத்துதந்திருக்கிற நேர் பாதைகளையும், சமூக நீதிகளையும், நமது சமுதாயத்தில் மக்களிடம் இருக்கின்ற எதிர்பார்ப்புகள், இன்னும் பல வாழ்க்கை நெறிமுறைகளை ஒரு பெற்றோர்களை விட வேறே யாரும் மக்கள் மனதில் ஏற்ற முடியாது.

எனவே, நாம் எவ்வளவுதான் கண்காணித்தாலும், எது தவறு எது சரி என்று அவர்கள் மனதிற்கு பாடாத வரையிலும் அவர்கள் நம்மை ஏமாற்றுவது ஒன்னும் பெரிய காரியம் இல்லை. எனவே மக்களுக்கு முழு சுதந்திரம் கொடுக்கும்முன்பு சுயக்கட்டுப்பாட்டை அவர்கள் மனதில் திணித்துவிட்டாலே போதும். அதேபோலே, ஒவ்வொரு பெற்றோரும் தான் தம் மக்களுக்கு முன் மாதிரிகள், நாம் ஒழுங்காக ஒழுக்கமாக நடப்போம் நல்ல ஒரு சமுதாயத்தை உருவாக்குவோம். ஆமீன்

வஸ்ஸலாம்

IP: 159.*.*.* Saudi Arabia

அஸ்ஸலாமு அலைக்கும். இக்கட்டுரையின் ஆசிரியர் அவர்களுக்கு நன்றியினை தெறிவிக்கிறேன். நம் சின்னஞ் சிறுசுகள் வழி தவறிடாமல் பாதுகாக்க தாங்களின் இந்த கட்டுரையின் உபதேசம்கள் நம் தாய்மார்களின் மனதில் பதிந்து மக்களை கண்காணித்தலும் வேண்டும்.

மேலும் நம் தாய்மார்கள் பிள்ளைகள் ஒழுக்கத்துடனும், இறை பக்த்தியுடனும் இருக்க மார்க்க கல்விக்கூடம்களுடன் அதிக தொடர்புடையதாக அமைத்தாலே போதும். நம் பிள்ளைகளை சைத்தான் தீண்டமாட்டான். மேலும் இரவு தூங்கும் நேரத்தில் சிறிதுநேரம் தஃலீம் கிலாசும் வீட்டில் வைத்தால்...... வீடு அல்லாஹ்வின் தவக்கல்த்தில் அமையும்.வஸ்ஸலாம்.

IP: 121.*.*.* China

கட்டுரை ஆசிரியர் சொன்ன அத்தனையும் உண்மைதான் . இருப்பினும் , புதுமையாக எதுவும் இல்லை . இவர் சொன்ன அத்தனையும் ஏற்கனவே பல பத்திரிகைகளில் , பலமுறை படித்த சமாச்சாரங்கள்தான் .தயவுசெய்து புதியதான தகவல்களை தாருங்கள்.

Vilack SMA .

IP: 117.*.*.* India

எனது அன்பு சகோதரரின் அன்பு நண்பர் சமூக ஆர்வலர் கட்டுரை ஆசிரியர் ஜனாப் அல்ஹாஜி முஹம்மது ரபீக் அவர்கள் இன்று நவநாகரீக காலத்தில் உருவான கைபேசி அதன் நன்மை... தீமைகள் பற்றி மிக அருமையாக.. உண்மையாக... தனது கட்டுரையில் வடித்து இருக்கிறார்.

முதலில் அவருக்கு எனது பாராட்டுக்கள்... அவரின் கட்டுரைகள் அதிகம் இந்த இணையதளத்தில் வரவேண்டும்... அதனால் மக்கள் பயன் பெற வேண்டும்... வாழ்த்துக்கள்..

இன்று கைபேசி பயன்படுத்தாத நபர்களே கிடையாது இன்று அணைத்து நபர்களிடமும் கைபேசி உபயோகம் உள்ளது..

கைபேசி என்பது ஒரு தீ பெட்டி போன்றது...!

இந்த தீபெட்டியை (கைபேசியை) நல்ல முறையில் பயன் படுத்தினால் குடும்பத்தில் ஒளியும், வாழ்வும், சிறப்பும், நன்மையையும் பொழியும்...!

அதே தீபெட்டியை (கைபேசியை) தவறான முறையில் பயன் படுத்தினால் குடும்பத்தில் ஒளியும், வாழ்வும், சிறப்பும், நன்மையையும் சேர்ந்து குடும்பமே அழியும்.

சுருக்கமாக சொல்வது... நாம் கையில் வைத்து இருப்பது கைபேசி அல்ல...! அது ஒரு தீப்பெட்டி...!

(1) அதை வைத்து தானும் ஒளி பெறலாம் பிறருக்கும் ஒளி கொடுக்கலாம்...!

(2) அதை வைத்து தானும் தன்னை தானே அழிக்கலாம்...! பிறரையும் குடும்பத்தோடு எரிக்கலாம்..!

நட்புடன் - தமிழன் முத்து இஸ்மாயில்.
உறுப்பினர் - விடுதலை சிறுத்தைகள் கட்சி.

IP: 117.*.*.* India

ஏற்கனவே பல பத்திரிகைகளில் , பலமுறை படித்த சமாச்சாரங்கள் தான் .தயவுசெய்து புதியதான தகவல்களை தாருங்கள். என்கிறார் Vilack SMA - விளக்கு எஸ் எம் ஏ அவர்கள்..

விளக்கு எஸ் எம் ஏ அவர்களுக்கு ஒரு தாழ்மையான வேண்டுகோள்:- தாங்கள் பல பத்திரிகைகளில் இந்த கைபேசி சமாச்சாரங்கள் படித்தது போல் இன்னும் பல பேர் படித்தும் அறிந்தும் இருப்பார்கள்.. ஆனால் இந்த வலை தளத்திற்க்கு (இந்த கட்டுரை) இது புதிது அல்லவா..? இந்த வலைதளத்தை தினமும் படிப்போருக்கு இது புதியதாகவும்... இந்த வலைத்தளம் மூலம் இந்த செய்தியை அறிந்து தெரிந்து உணர்ந்து புரிந்து கொள்ள சில பேராவது இருக்கலாம்..! அல்லவா..?

இருப்பினும் , புதுமையாக எதுவும் இல்லை என்கிறீர்கள்..! அப்படி என்ன புதுமையை கைபேசியில் எதிர்பார்கிறீர்கள்...?

நான் தாங்களிடம் வாதத்திற்க்கும் விவாதத்திற்க்கும் வர இதை எழுதவில்லை... ஒரு கருத்தாளன் என்ற முறையில் எனது கருத்தை வேண்டுகோளாக எழுதுகிறேன்... நட்புடன்...

IP: 117.*.*.* India

ஹிஜாஸ் மைந்தன் அவர்களின் இந்த கட்டுரை கலாச்சாரம் குறித்த கவலையையும் ,அவரது சமூக அக்கறையையும் ஒரு சேர வெளிப்படுத்துகிறது.

என்ற போதிலும் எந்த ஒரு விஞ்ஞான சாதனமும் அதன் பயன்பாட்டு அளவில் மக்களுக்கு பயன்படும் அதேநேரம் அதே மக்களின் ஒரு பகுதியினரால் துஷ்பிரயோகமும் செய்யப்பட்டு வருகிறது.

அணுவை பிளந்த ஐன்ஸ்டீன் அது மக்களை கொல்லும் அணுகுண்டு செய்ய பயன்படுத்தப்படும் என கனவில் கூட எண்ணியிருக்க மாட்டார்.

சினிமாவும் அப்படித்தான். ஒரு இஸ்லாமிய நாடான இரானில் எடுக்கப்படும் திரைப்படங்கள் இன்று உலகளாவிய அளவில் பரிசுகளும் பாராட்டுக்களும் பெற்று வருகின்றன. ஒரு திரைப்படம் தயாரிக்க அங்கு 15 லட்சம் ரூபாய் இருந்தால் போதுமாம். இங்கு மூன்று கோடி பட்ஜெட்டில் படம் எடுத்து நடிகைகளின் தொப்புளில் ஆம்லேட் போடும் காட்சிகள்தான் எடுக்கிறார்கள். ஒரு தமிழ் சினிமாவாவது தமிழனின் நிஜ வாழ்வை பிரதிபலிப்பதாக இல்லை.

விஞ்ஞானமும் கலைகளும் எப்போதுமே ஒரு கூட்டத்தால் தவறாக பயன்படுத்தப்படுகின்றன.

செல்போனும் இந்த வகையில்தான் தவறான காரியங்களுக்கு உபயோகம் செய்யப்படுகிறது.

கட்டுரையாசிரியர் சொல்லும் வழிமுறைகளையும் இங்கு வாசகர்கள் சிலர் சொல்லியுள்ள வழிமுறைகளையும் பெற்றோர்கள் நடைமுறைப்படுத்தினால் சீரழிவுகளை தடுக்கலாம்.

IP: 121.*.*.* China

சமூக ஆர்வலர் K .S .Shuaib மச்சானின் கருத்து பதிவு மிக அருமை.

" தமிழன் " அவர்களுக்கு , " பழையன கழிதலும் , புதியன புகுதலும் " , நீங்களும் படித்திருப்பீர்கள் . அரைத்த மாவையே அரைத்துக்கொண்டிருக்க வேண்டாம் . புதியதாக , சிந்திக்க தூண்டும்படியாக உள்ள கருத்துக்களை தாருங்கள் . அனைவருக்கும் பயனுள்ளதாக இருக்கும் .

நீங்களும் இதை விவாதமாக கருதாமல் , சமூக அக்கறையுடன் பாருங்கள் .

Vilack SMA

IP: 115.*.*.* India

மூன்று நாள் தான் ஆகுது. அந்த சீனப்பெண் வாடிப்போய் சென்னை மவுன்ட் ரோட்டில் நின்றிருந்தாள். அதற்கு கொஞ்சம் முன்பு வரை ஆவலுடன் அலைந்து கொண்டிருந்தார். எப்போது அவள் பணம் (ஒன்றரை லட்சம்) இவன் கைக்கு மாறியதோ அப்போது உடனுக்குடன் பையன் எஸ்கேப். என்னவென்று பார்த்தால் நெட் மூலம் இருவருக்கும் தொடர்பாம்.

காதலன் என்ற பெயரில் வெறும் கற்புக் கள்ளனாகத் தான் அந்த சீனப் பெண் முதலில் நினைத்திருப்பார். ஆனால் அவன் தன்னை நிற்கதியில் விட்டுவிட்ட ஒரு பொருள் திருடன் என்பதை உணர்ந்து கொண்ட அவள் தற்போது காவல் நிலையத்தில் புகார் கொடுத்து கையில் காசொன்றும் இல்லாமல் அலைவது தான் மிச்சம்.

முழுப்பூசணியை சோற்றில் மறைத்த கதை உங்களுக்குத் தெரியுமா. நமது மாநிலத்தில் ஒரு ஊரில் ஒன்பது மாதமாக கள்ளத்தனமாக கற்பைச் சுமந்தவள் குழந்தைப் பெற்றெடுக்க வெளியில் வரும்போது தான் ஊர் மக்களுக்கே புரிந்தது, இல்லாத மாப்பிள்ளைக்கு (கல்யாணமாகாமலேயே) பிறக்கப் போகும் குழந்தை என.

என்னென்று பார்த்தால் பக்கத்து ஊரு பையன் செல்பேசி மூலம் கொண்ட தொடர்பால் உயர்வான கள்ளத்தொடர்பாம் அது. இப்போதெல்லாம் ஆணும் பெண்ணும் ஒரே ஓடிக்கொண்டே இருக்கிறார்கள். ஓட்டப்பந்தயத்தில் அல்ல.

ஆணும் பெண்ணும் பூமியும் ஈர்ப்பு விசையும் போல. ஆண் விசைகொண்டு பெண்ணை ஈர்ப்பவன். வெளியில் தெரியமாட்டான். ஆனால் பெண்ணோ பூமி போல ஈர்க்கப்படும் பொருள். இருவருமே சமூகத்தில் குற்றவாளிகள். அவளை சமூகம் தூற்றுகிறது. அவனோ அடையாளம் தெரியாமலேயே விட்டு விடப்படுகிறான்.

செல் ஒரு புதிய மார்க்கம். புதிய ஏற்பாடு.

தீனுல் இஸ்லாம் அல்ல இது. பதின் பருவத்தின் கடைசியில் உள்ளவர்கள் பலர் இன்றைய காலத்தில் பாலியலின் உச்சத்தை அடைந்தே விடுகிறார்களாம். இது ஒரு அதிர்ச்சிகரமான ஆய்வு. தீனுல் இஸ்லாத்தை முழுமையாக கற்றுச் செயல்படாதவர் "தீனுல் செல்லில்" எப்போது வேண்டுமானாலும் மாட்டிக்கொள்வார்.

ஏனெனில் அது சாத்தானின் ஓசை. இப்போதெல்லாம் ஒடிப்போவதை துரத்தவென்றே ஒரு இளைஞர் கூட்டம். தடுத்து நிறுத்தவே. அவர்களுக்கு நான் தொடர்ந்து சொல்வது சுழலும் மின்விசிறியை கையால் நிறுத்தினாலும் நிறுத்தலாம். ஆனால் கையை எடுத்து விட்டால் மீண்டும் சுற்றும். எனவே மின்விசிறியை நிறுத்த சுவிட்சை ஆஃப் செய்யுங்கள். அந்த சுவிட்ச் பைன்ட் தான் இறை அச்சம். ஈமானை ஊட்டுங்கள், இறை அச்சம் வளரும். நல்ல முன்மாதிரியை பெற்றவர்களே தாருங்கள்.

முன்பெல்லாம் தீமையை நாம் தான் துரத்திச் செல்ல வேண்டு இருந்தது. இப்போது அது நம்மைத் துரத்திக்கொண்டிருக்கிறது. சாத்தான் என்றைக்குமே ஒரு வல்லரசு போல காட்சி தருவான். ஆனால் அவனின் நெற்றிப்பொட்டில் அறைந்து வீழ்த்த ஒரு ஈமானிய பலம் போதும். ஏனெனில் அது இறை பலம்.

இக்கட்டுரை ஒரு நல்லுபதேசம். தேவையான போதெல்லாம் நல்லுபதேசம் கூறுமாறு முஸ்லிம்களுக்கு ஆலோசனை கூறப்பட்டுள்ளது.

முஹம்மத் (ஸல்) அவர்கள் கூறியதாக தமீம் இப்னு அவ்ஸ் எடுத்துச் சொன்னார்கள். "சன்மார்க்கம் என்பது நேர்மையான ஆலோசனையாகும்" என நபியவர்கள் கூறினார்கள். "யாருக்கு?" என நாம் கேட்டோம்.

"அல்லாஹ்வுக்கும், அவனுடைய தூதருக்கும், அவனுடைய வேதத்திற்கும், முஸ்லிம்களில் தலைவர்களுக்கும் அவர்களுடைய பொது ஜனங்களுக்கும்" என்றார்கள்.

IP: 117.*.*.* India

மச்சினன் விளக்கு எஸ்.எம்.எ அவர்களுக்கு நன்றி.

நான் இதை விவாத பொருளாக ஆக்கவில்லை. எனது கருத்துக்கள் சில.

இந்த கட்டுரையில் உங்களைப்போலவே என்னக்கும் கூட தெரிந்து கொள்ள புதிதாக எதுவும் இல்லைதான். எனது நீண்ட வாசிப்பு அனுபவத்தில் இது குறித்து நிறைய நான் வாசித்துள்ளேன். ஆனால் இன்றைய இளைய தலைமுறையினருக்கு வாசிப்பு அனுபவம் எனபது மிக மிக குறைவு. எல்லோரும் இணைய தளத்தில்தான் புகுந்து விளையாடுகிறார்கள் அதிலும் கூட இக்கட்டுரையாளர் சொல்வது போல தேவையற்ற வீண் விஷயங்களில்தான் ஈடுபாடு கொள்கிறார்கள்

நல்ல விஷயங்களை தேடி படிக்கும் ஒருசிலருக்காவது இது போன்ற கட்டுரைகள் விழிப்புணர்வு ஊட்டட்டுமே என்கிற நல்லெண்ணத்தின் அடிப்படையில்தான் மீண்டும் மீண்டும் இது போன்ற கட்டுரைகள் எழுதப்படுகின்றன. வெளியிடப்படுகின்றன.

தயவு செய்து நமது வாசிப்பின் ருசியை மட்டுமே அளவு கோலாக கொண்டு எதையும் எடை போட வேண்டாம் எனபது எனது தாழ்மையான வேண்டுகோள்.

செல்போன் என்பதை நாம் ஒரு போர்வாளாக கொண்டால் போர்வாளின் பயன் எதிரிகளை களத்தில் சந்திப்பதே. ஆனால் நாம் போர்வாளை புடலங்காய் நறுக்க பயன்படுத்தினால் தவறு நம்மீதா ?அல்லது போர்வாளின் மீதா ?என்பதை சகோதரர்கள் சிந்திக்குமாறு வேண்டுகிறேன்.

IP: 159.*.*.* Saudi Arabia

Assalamualaikkum.katturai mihavum arumai.ithupoal katturai niraiya newspaper,magazine la vanthirunthaalum athai kayal makkal padithiruppaarhala nu theriyathu.but intha website nam kayal makkal kandippaha padippaanga.ithai paarthu nam makkal thirunthuna sarithaan.

IP: 117.*.*.* India

கலாச்சாரம் சீரழிந்து கொண்டிருக்கும் போது இது மாதிரியான எத்தனை கட்டுரைகள் வந்தாலும் அலுப்பு ஏற்படுவது இல்லை. கேள்விப்பட்ட விஷயமாகவே இருந்தாலும் ஒவ்வொரு தடவை படிக்கும் போதும் புதிதாக பயம் ஏற்படுகின்றது. அவ்விதமான பயத்தை இக்கட்டுரையை படிக்கும் போது உணர்ந்தேன். எனக்கு ஏற்பட்ட பயம் தான் இக்கட்டுரையாளரின் வெற்றி. இதே பயத்தை எல்லோர் மனதிலும் விதைக்க வேண்டும் என்பது தான் அவருடைய நோக்கம். இந்த நொடி வரை நடந்துக் கொண்டிருக்கும் சீரழிவு என்பதால் இதில் பழையது கழிவதற்க்கு இடமில்லை.

IP: 86.*.*.* United Arab Emirates

கட்டுரையாளரின் கட்டுரை, பட்டுரைக்குள் வைக்கவேண்டிய, கருத்து, பட்டவர்த்தனமாக , இதயத்தை கில்லிருக்கிறார்.கற்காலத்தில் இருந்து செல்காலத்தில் வந்திருக்கிறோம், இது செல்லின் ஊசலாட்டம் அல்ல, ஷைத்தானின் ஊசலாட்டம், இதற்கெல்லாம் காரணம் பெற்றோரும் முக்கிய பங்கு வைக்கிறார்கள், முதலில் நாம் இறை அச்சமுள்ளவராக இருக்கவேண்டும், அதுபோல் நம் பிள்ளைகளை வளர்க்கவேண்டும், நாமே சினிமா, பாட்டு, கூத்து என்று அதன் பின்னால், முன்னாளாக நிக்கிறோமே, வயசு அறுபது ஆகுது செல்லின் ரிங்க்டோன் குத்தாட்டம் பாட்டாக இருக்கிறதே, நமக்கே சொரணை இல்லையே.

விடை, நபி (ஸல்) சுன்னாவை முறையாக பின் பற்றினால், நம் இளசுகளை பிஞ்சிலே பழுக்காத முதிர்ந்த கனியாக்க முடியும். என்னுடைய கருத்து யாரையும் நோவ வைப்பது அல்ல நம் இளசுகள் வாழ்கை நொந்த மீனாக போககூடாதே என்று தான். அல்லாஹ் நம் அனைவரையும் நேரான வழியில் செலுத்த கிருபை செய்யணும்.

சேட்
துபாய்

IP: 112.*.*.* Sri Lanka

example is better than precept. please ensure that the editor of this essay disposes all his mobile phones and command all his family members and his well wishers to do away with cell phone. the essay is worth reading, but cannot be put into practice. please tell the alternative. in this era of robo world, this type of out dated talks will put the readers into laughter.

innovations are not bidaths, but when it goes against the teachings of islam it should be oppressed. so advise the users about the evils of cell phones. we use computers, sometimes virus is there. we will rectify the error. we will not put the computer in the waste paper basket.

IP: 88.*.*.* Saudi Arabia

அஸ்ஸலாமு அழைக்கும்,

கட்டுரையாளரின் கட்டுரை அருமை. இதில் செல்போன் பிள்ளைகளிடம் தந்தால், கண்காணிக்க வழிகள் சொல்லப்பட்டுள்ளது. முடிந்த அளவு, கையில் கொடுக்காமல் தவிர்ப்பதே நல்லது.

மிகவும் அவசிய சமயத்தில், பெற்றோர்கள் தன் செல்போனை தற்காலிகமாக கொடுத்து உபயோகிக்க சொல்லலாம். (பெரியோர்கள் பயன்படுத்தும் சொந்த செல்போன்களை தவிர்த்து, தனியாக பொது உபயோகத்திற்கென்று ஒரு செல்போன் வீட்டில் எல்லோரும் பயன்படுத்த வசதி ஏற்படுத்தி கொடுக்கலாம்).

கலாசார சீரழிவுக்கு, செல்போன் ஒரு முக்கிய காரணிகளாக இருக்கிறது. இது போன்று முறையாக ஹிஜாப் பின்பற்றாமை, இளமையிலேயே அடிப்படை மார்க்க கல்வி புகுட்டாமை, போன்றவை அதி முக்கிய காரணங்கள் என்றால் மிகையாகாது.

உலக கல்விக்காக நாம் (மார்க்க கல்விகளை புறக்கணித்து) வெள்ளிக்கிழமை-களை தியாகம் செய்யவில்லையா? இதற்கு யார் காரணம், நம்மவர்கள் நிர்வகிக்கும் பள்ளி நிர்வாகமா, அரசு அதிகாரிகளா? நிச்சயமாக அரசு இதில் நிர்பந்தம் செய்யாது.

மார்க்க கல்வி பேசும் நம்மவர்கள் எத்தனை நபர் இதை மனதளவில் ஆதரிக்கிறார்கள் அல்லது எதிர்க்கிறார்கள்? இன்ஷா அல்லாஹ், இது சம்பந்தமாக யாராவது ஒரு அழகிய கட்டுரை தந்து, சமுதாயத்தின் கண் திறந்தால் அல்லாஹ் நம்மனைவருக்கும் கிருபை செய்வான்.

IP: 2.*.*.* United Arab Emirates

சரியையும் தவறையும் ஒரு சேர தெரியத்தருவதுதான் பெற்றோர்கள் தங்கள் குழந்தைகளுக்கு செய்யும் பெரிய உபகாரமாக இருக்கமுடியும்.

தடை செய்வதால் எதையும் நிறுத்திவிட இயலாது என்பதும் மாறாக அதில் ஆர்வமும், தூண்டுதலும் மேலும் கூடும் என்பதும் பலரும் அறிந்ததே.

பொதுவாகவே சிலவற்றை, குறிப்பாக ஆண் பெண் உறவுமுறைகள் அதில் சரி தவறு, விளைவுகள் விபரீதங்கள் குறித்த தகவல்கள் போன்றவைகளை குழந்தைகளோடு பகிர்ந்துகொள்ளும் பழக்கம் நமதூர் காலாச்சாரத்தில் இல்லை. இது போன்ற கதைகள் சம்வங்கள் பேசிக்கொள்ளும் வேளையில் சிறியவர்கள் வந்தால் உடனே ஒரு நிசப்த்தம், இவை எல்லாம் இன்னமும் ஆர்வம் அதிகரிக்க செய்யும்..

ஒரு காலத்தில் வேண்டுமானால் இந்த நிசப்தங்களும் ஒளிவு மறைவுகள் சீர்கேட்டை தவிர்க்க உதவியிருக்கலாம், ஆனால் இன்று அறிந்து கொள்ள ஆயிரம் வழிகள்., அதிலும் அரைகுறையான அறிவு அதுவே ஆபத்தாகிவிடுகிறது.

விழிப்புணர்வு மற்றும் கல்வி அறிவுதான் சரியான தீர்வு, மார்க்கம் என்பது வாழ்க்கை முறை என்பதை நம்பினால், சரி அல்லது தவறு என அறிந்து கொள்ளும் ஒரே கல்விதான் இருக்க முடியும். ஒரு விசயம் சரி சரியில்லை என்பதை அதன் அடிப்படையோடு சொல்லித்தந்தால், உணரச்செய்தால் அசம்பாவிதங்கள் குறைந்துவிடும்.

நெருப்பு சுடும் என்று தெரிந்து தொடுபவர் எத்தனை பேர், அதையும் மீறி தொடுவதானால் - பிடிவாதத்துக்கு மருந்தேது..