Kayal on the Web

எழுத்து மேடை

அனைத்து எழுத்து மேடை ஆக்கங்களையும் காண	\|	எழுத்து மேடை வாசகர் கருத்துக்களை காண
எழுத்து மேடை ஆசிரியர்கள்

ஆக்கம் எண் (ID #) 108

#KOTWEM108

செவ்வாய், அக்டோபர் 1, 2013
	சத்தியசோதனை! ஆக்கம்: கவிமகன் எம்.எஸ்.அப்துல் காதர் கவிஞர் / சமூக பார்வையாளர் இவரின் அனைத்து ஆக்கங்களையும் காண இங்கு அழுத்தவும் >>

இந்த பக்கம் 2850 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

மீண்டும் வருவாயா காந்தி?
மாண்டுவிட்ட மனிதநேயம்
மீட்டெடுக்கும் மந்திரமாய்
மீண்டு நீ வருவாயா?

பார்ப்பனத்தை பேனாவாக்கி
பகை விஷத்தை மையால் நிரப்பி
சனாதான சமூக விரோதிகளை
சத்தியவானாய் சித்தரிக்கும்
சதிகார ஊடகங்கள்
விதிமாற்ற வருவாயா?

எப்படி வருவாய்?
காந்தியை கமாலாக்கி
கைது செய்யக் காத்திருக்கும்
கொலைகாரக் காவிக் கும்பல்...
எப்படி வருவாய்?

உன்னைக் கொன்றவர்கள் தேசியவாதிகள்
உன்வழியில் நின்றவர்கள் தீவிரவாதிகள்...

பார் காந்தி... வந்து பார்...
ஐயாயிரம் அப்பாவிகளைக் கொன்ற
அகில உலக பயங்கரவாதி
அஹிம்சையின் தேசத்தை
ஆளத் துடிக்கும்
அலங்கோலத்தை வந்து பார் ...
பார்த்ததும் ஓடிவிடு ...

நாற்பத்தெட்டு ஜனவரியில்
நாதுராம் கோட்சே மட்டும்தான்...
இன்று
நாடெங்கும் நாலாபுறமும்
நரபலி மோடிகள்!

அங்கும் இங்கும் சுற்றாதே...
அமித் ஷாக்கள் உன்னை
அள்ளிக் கொண்டு போய்
என்கவுன்டரில்
போட்டுத் தள்ளி விடுவார்கள்!

குஜராத் பக்கம் போய் விடாதே...
விவசாய நிலங்களை
கார்பரேட் கம்பெனிகளுக்கு
தாரை வார்த்துவிட்டு
வளர்ச்சி வளர்ச்சி என்று
பொய்யுரைக்கும் புனிதர்கள்
வெள்ளைக்காரனிடம் உன்னையும்
விற்றுவிடுவார்கள்!

தமிழகத்தின் சம்மந்தியே!
இந்தப் பக்கம்
தலை வைத்தும் படுத்து விடாதே!
"சத்திய சோதனை"யின்
சரித்திர காகிதங்கள்
டாஸ்மாக் பார்களில்
சுண்டல் பொட்டலங்கள் ஆவதை
தாங்குமா உன் இதயம்?

பரங்கியர்கள் ஆண்டபோது
பதினைந்தில் துணிந்து வந்தாய்...
உனக்குத் தெரியும்...
இப்போது மீண்டும் வந்தால்
கோவனமும் மிஞ்சிடாது!

எப்போதும் போல்
சமாதியிலும், சிலைகளிலும்
சயனம் கொள்... அது போதும் ...
ஆண்டுக்கு ஓரிருமுறைகள்
அலங்கரித்து பூத்தூவி
வழக்கம்போல் மீண்டும்
உனது இருப்பிடத்தை
காக்கைகளின் கழிப்பறையாக்கி...

ஜெய் ஹிந்த்...

இவ்வாக்கம் குறித்த கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by: v.syed mohamed ali (Yantang , Guangzhou) on 01 October 2013
IP: 123.*.*.*

China | Comment Reference Number: 30492

" சத்திய சோதனை " தான் .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. மகாத்மாவே.... மன்னித்து விடு இந்த மானங்கெட்ட மதவாத சக்திகளை...!
posted by: M.N.L.Mohamed Rafeeq. (Kayalpatnam.) on 02 October 2013
IP: 117.*.*.*

India | Comment Reference Number: 30495

ஐந்நூறு ஆயிரம் ரூபாய் நோட்டுகளில்
உன் உருவம் இல்லையெனில்
உன்னையும் மெல்ல மறந்திருக்கக் கூடும்
இந்த மண்ணின் மைந்தர்கள்.

கொன்றவனைக் கோவில் கட்டி கும்பிடும்
கூறுகெட்ட சமூகம் இன்று நாடாள நினைப்பது
விந்தயிலும் விந்தை-நீயோ
இன்னும் எம் தேசத்தின் தந்தை!
மாகாத்மாவே...மன்னித்து விடு
இந்த மானங்கெட்ட மதவாத சக்திகளை...!

காவியும் பச்சையும் நீ உடுத்திய வெள்ளையும்
சீக்கிய நீலமும் கலந்து தேசியக்கொடியை செய்தோம்
காவி மேலே இருப்பதாலே என்னவோ
அதன் சாயம் கரைந்து கீழ் வரை இறங்கும் அபாயம்
கலரில் என்ன இருக்கின்றது காந்தியே...?
காவி காக்கியாக மாறுமோ எனும் அச்சம்தான்.
மாகாத்மாவே...மன்னித்து விடு
இந்த மானங்கெட்ட மதவாத சக்திகளை...!

எரிப்பதற்கு மனித விறகுகள் இருக்க
ஏன் அலைய வேண்டும் இவர்கள்?
இடிப்பதற்கு இறையில்லங்கள் இருக்க
ஏன் சுமக்க வேண்டும் செங்கல்?
சிதறிக்கிடக்கும் சிறுபாண்மை மக்கள்
சிதறு தேங்காய்தானோ என்னவோ?
பொறுக்கி எடுத்து மீண்டும் நொறுக்க
புறப்படும் யாத்திரைகள்... ரதங்கள்
மோடி வித்தைகள் கோடி இருப்பினும்
உன் ரத்தம் சிதறிய இம்மண்ணில்
காவியின் காலடி அனுமதியோம்.
மகாத்மாவே.... மன்னித்து விடு
இந்த மானங்கெட்ட மதவாத சக்திகளை...!

-ஹிஜாஸ் மைந்தன்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. “சதிகார ஊடகங்கள் - விதிமாற்ற வருவாயா?”
posted by: Noordeen Prabu (Jeddah-Saudi Arabia) on 02 October 2013
IP: 188.*.*.*

Saudi Arabia | Comment Reference Number: 30499

“சதிகார ஊடகங்கள் - விதிமாற்ற வருவாயா?”

சிந்திக்கத் தூண்டிய வரிகள்.

தேர்தல் காலங்களில் இந்த ஊடகங்களின் சதி சொல்லி மாளாது. இல்லாததையும் பொல்லாததையும் ஊதிப் பெரிதாக்கி (மனித) சமுதாயத்தை கூறுபோடுவதில் கை தேர்ந்தவர்கள். பொய் ஒன்றையே மூலதனமாக கொண்டவர்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by: M.N.Sulaiman (Bangalore) on 03 October 2013
IP: 122.*.*.*

India | Comment Reference Number: 30517

"பார்ப்பனத்தை பேனாவாக்கி
பகை விஷத்தை மையால் நிரப்பி
சனாதான சமூக விரோதிகளை
சத்தியவானாய் சித்தரிக்கும்
சதிகார ஊடகங்கள்
விதிமாற்ற வருவாயா?"

சிந்திக்க தூண்டும் வைர வரிகள்....மிகவும் அருமை...!!!

கவிமகனாரை "காயல் கம்பர்" எனலாம்...!!!

M . N .சுலைமான்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இவ்வாக்கம் குறித்த கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்