Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
6:04:36 AM
ஞாயிறு | 16 ஜுன் 2019 | ஷவ்வால் 13, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:3912:2303:5006:4207:57
Sunrise/Sunset timing for Kayalpatnamஉதயம்05:59Moonrise/Moonset timing for Kayalpatnamஉதயம்17:49
மறைவு18:36மறைவு04:57
Morning Twilight
வானியல்கடல்சமூகம்
04:4205:1005:36
உச்சி
12:18
Evening Twilight
சமூகம்கடல்வானியல்
18:5919:2619:54
 (1) {16-6-2019} Y.M.முபாரிஸ் அஹ்மத், B.E., (M.B.A.,) {த.பெ. K.S.யூஸுஃப் மரைக்கார்} / M.A.C.ஆயிஷா ஷமீனா, B.Sc., D.C.E., {த.பெ. S.L.முஹ்யித்தீன் அப்துல் காதிர்} (2) {16-6-2019} S.H.முஹம்மத் அஸ்ஹருத்தீன் {த.பெ. A.L.ஷாஹுல் ஹமீத்} / S.ஹமீதா உம்மாள் {த.பெ. ஹாஜி S.ஷேக் முஹம்மத்} (3) {16-6-2019} M.H.சத்தாம் ஹுஸைன், B.E., {பெற்றோர்: முஹம்மத் ஹஸன் & நஜீமா} / Z.H.லைலத்துல் ரிஃபாயிய்யா ஆலிமா சித்தீக்கிய்யா {பெற்றோர்: ஜாஹிர் ஹுஸைன் & ஃபாத்திமா} (4) {16-6-2019} S.O.ஷேக் அப்துல் காதிர் {த.பெ. மர்ஹூம் S.A.K.சதக் உமர்} / S.செய்யித் அஹ்மத் ஃபாத்திமா ஆலிமா முஅஸ்கரிய்யா, B.A., {த.பெ. J.சிந்தா ஷாஹுல் ஹமீத்}
Go to Homepage
எழுத்து மேடை
அனைத்து எழுத்து மேடை ஆக்கங்களையும் காண|எழுத்து மேடை வாசகர் கருத்துக்களை காண
எழுத்து மேடை ஆசிரியர்கள்
Previous ColumnNext Column
ஆக்கம் எண் (ID #) 134
#KOTWEM134
Increase Font Size Decrease Font Size
செவ்வாய், மார்ச் 4, 2014
சொந்த மண் சொல்லும் கதை [பாகம்-3]: ஏழைகளின் அப்போலோ... அரசு பொது மருத்துவமனை!

இந்த பக்கம் 2646 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

இத்தொடர் கட்டுரைக்காக நான் தேர்ந்தெடுத்த பழமைவாய்ந்த பாரம்பரிய இடங்கள் மற்றும் வணிக வளாகங்களில் பல தலைமுறைகள் தாண்டி அன்று முதல் இன்று வரை நம்மோடு ஒன்றியிருக்கும் சிலவற்றைத் தேர்ந்தெடுத்தேன். அவற்றுள் மிக முக்கியமானதும், நமக்குத் தேவையானதுமான ஒன்று, நமதூர் அரசு பொது மருத்துவனை. இது மக்கள் பணியில் மகத்தான ஒரு மவுனப் புரட்சியைச் செய்து வருவதை நான் உணர்ந்தேன். எனவே, இந்த மருத்துவமனையின் சேவை மற்றும் அதன் செயல்பாடுகள் பற்றி நாம் தெரிந்திருப்பது அவசியம் என்று கருதி, அது குறித்த தகவலகளைச் சேகரித்து எழுத்துமேடையில் பதிவு செய்ய ஆயத்தமானேன். அதன் பிரதிபலிப்பே இக்கட்டுரை.





ஒரு காலத்தில் காயல்பட்டினத்தில் பிறந்த ஒவ்வொரு மனிதனுக்கும், இம்மருத்துவமனைக்கும் ஏதாவது ஒரு முறையில் ஏதாவது ஒரு தொடர்பு இருக்கத்தான் செய்யும். அநேகமான நமதூர்வாசிகளின் தொப்புள்கொடி துண்டிக்கப்பட்ட தாய்வீடும் இதுவே எனலாம். அந்த அளவுக்கு அதன் பயன்பாடுகளைக் கொண்டு, நமதூர் மட்டுமின்றி சுற்றுவட்டாரத்திலுள்ள அனைத்து கிராமங்களுக்கும் இது ஓர் அரிய பொக்கிஷமாக பல்லாண்டுகாலமாகத் திகழ்ந்து வருகின்றது.



அன்று, இம்மருத்துவமனைக்காகப் பாடுபட்ட பெரியோர்கள் தமது ஈகைக் குணத்தால், எல்லோருக்கும் பயன்படும் விதத்தில் தம் சொந்தச் செலவில் பல வார்டுகளைக் கட்டிக்கொடுத்துள்ளனர். அவர்களுள் பலரும் இன்று நம்மிடத்திலிருந்து மறைந்துவிட்டாலும், அவர்களின் சேவையைப் பறைசாற்றி இன்றளவும் சாட்சியாய் நிற்பது அன்று மனமுவந்து மக்கள் நலனுக்காக கட்டித்தந்தவர்களின் பெயர் தாங்கி நிற்கும் வார்டுகள்தாம்.

பொதுநலனில் அக்கறை கொண்ட நம் முன்னோர்கள் சுயநலம் பாராமல் தம் சொந்த நிலங்களைப் பல்வேறு மக்கள் பணிகளுக்கு தாரைவார்த்து கொடுத்திருப்பதற்கு ஏராளமான சான்றுகளைச் சொல்லலாம். நமதூர் அரசு மருத்துவமனைக்காக சுமார் ஒன்னறை ஏக்கர் நிலத்தை, SK சகோதரர்களான S.K.செய்யது இபுறாஹீம், S.K.முஹம்மது ஹஸன், S.K.முஹம்மது லெப்பை (மர்ஹூம் S.K.ஷாஹுல் ஹமீத் அவர்களின் தந்தையார்) நம் மக்களின் நலன் கருதி தானமாக தந்துள்ளார்கள். மீதமுள்ள நிலத்தை, தைக்கா தெருவைச் சார்ந்த பொம்பளை பிள்ளை ஹாஜி எனும் பெண்மணியும் தானமாக அளித்துள்ளார்கள். இவர்களின் ஈகைக் குணத்தால் பெறப்பட்ட நிலத்தில்தான் இன்று ஒரு மருத்துவக் கல்லூரி நிறுவும் அளவிற்கு தாராளமாக நில வசதி கொண்டு, நமதூர் அரசு பொது மருத்துவமனை கோலோய்ச்சி வருகின்றது.



இங்கு ஆண்டுதோறும் நடக்கும் அரசு மருத்துவமனை விழாவில் நம் நகர்மன்றத் தலைவபு ஐ.ஆபிதா ஷேக் அவர்களின் தந்தை மர்ஹூம் பாளையம் இபுறாஹீம் அவர்கள் இந்தத் தகவலை வழக்கமாகக் குறிப்பிட்டுப் பேசி வந்துள்ளார். அன்று இந்த மருத்துவமனைக்காக அந்த நல்லோர்களின் சொந்த நிலம் தானமாகப் பெறப்பட்டிருக்காவிட்டால், நம் அரசு மருத்துவமனை சுற்றுவட்டாரத்திலுள்ள ஏதேனும் ஓர் ஊருக்குப் போயிருக்கும்.



நமதூர் அரசு பொது மருத்துவமனை தோன்றிய வரலாறு நம்மில் எத்தனை பேருக்குத் தெரியும்? அதன் தோற்றமும் வளர்ச்சியும் இன்றைய சூழலும் மிகவும் சுவரஸ்யமான ஒன்று. பல தலைமுறைகளுக்கு முன்னர், ஆங்கிலேயர் ஆட்சி காலத்தில் 1937ஆம் ஆண்டு, தென் திருநெல்வேலி ஜில்லா போர்டு தலைவர், திரு,R.Y.I.C.ஈஸ்வரன் பிள்ளை. M.L.C அவர்களால் அடிக்கல் நாட்டப்பட்டு, அந்த அமைப்பின் உறுப்பினரான, மர்ஹூம் A.K.பிஜிலி சாகிப் பஹதூர் M.A.L.L.B அவர்களின் முயற்சியால் தென் திருநெல்வேலி மாவட்ட கழகத்தின் பொறியியல் வல்லுநர் திரு. Nபாலகிருஷ்ன ஐயர் B.A.,B.E. அவர்களின் மேற்பார்வையில் T.K.வீரபாகு பிள்ளை அவர்களால் கட்டிமுடிக்கப்பட்டு, 05-04-1938 அன்று அன்றைய மதறாஸ் மாகானத்தின் பொதுப்பணித்துறை அமைச்சராக இருந்த யாகூப் ஹசன் என்பவரால் திறந்து வைக்கப்பட்டது.





சுமார் எழுபத்தைந்து வருடங்கள் நம் வம்சாவழியினருக்கு மருத்துவ சேவையாற்றி வரும் இம்மருத்துவமனையின் வளாகத்திற்குள், பரம்பரைகள் பல கண்ட ஓர் ஆலமரம் வேரூன்றி விருட்சமாக நிற்பது அனைவரும் அறிந்ததே! அந்த மரத்தின் கம்பீரமும், பொலிவும் இன்னும் தளர்ந்துபோய் விடவில்லை. பிரசவத்திற்காக அனுமதிக்கப்பட்ட பெண்ணின் உறவினர்கள் சொந்த வீட்டைப் போல் தங்கியிருக்கையில், தாய் - சேய் நலமுடன் வீடு திரும்பும் வரை, தம்முடன் அழைத்து வந்த அன்றைய குட்டீஸ்களுக்கு அந்த ஆலமரம்தான் உற்ற நண்பனாக இருந்து வந்தது. தனிமரம் தோப்பாகாது எனும் பழமொழியையும் புறந்தள்ளி தனிமரமும் தோப்பாகும் என அன்று பறைசாற்றிய அந்த ஆலமரம் இன்று தம் நண்பர்களை இழந்து தவிப்பதாகவே எனக்குத் தோன்றியது. இளம் விழுதுகளுக்குத் தெரியாது இதன் அருமையும், பெருமையும். இந்த விழுதுகளில் தொங்கியபடி நான் ஊஞ்சலாடிய நினைவுகள் இன்றும் பசுமை மாறாமல் என் மனதுக்குள் ஊஞ்சலாடுவது உண்மை.



எத்தனையோ சிறந்த மருத்துவர்கள் பலர் கால்பதித்து கடமையாற்றிய பெருமை இம்மருத்துவமனைக்கு உண்டு. Dr.ஜானகி, Dr.பரிமளம், Dr.பானுமதி, Dr.சன்முகசுந்தரம், Dr.அபூபக்கர், போன்றோர் குறிப்பிடத்தக்கவர்கள். மனித நேயமிக்க இந்த மருத்துவர்கள் அக்காலத்தில் நள்ளிரவு நேரங்களில் கூட நாம் அழைத்தபோதெல்லாம் குதிரைவண்டியிலும், சைக்கிள் ரிக்‌ஷாக்களிலும் நம் வீட்டிற்கு வந்து சிகிட்சை செய்ததையும் நம்மால் மறக்க இயலாது.

கையிலிருக்கும் வெண்ணெய்யின் அருமை தெரியாமல் நெய்யைத் தேடி அலைவதுதானே மனித இயல்பு? காலப்போக்கில் வசதி மற்றும் உயர் சிகிட்சைக்காக நம் மக்கள் தனியார் மருத்துவமனைகளில் தஞ்சம் புகத் துவங்கினர். இதன் காரணமாக, எங்களின் பிறப்பிடமான - தாய் வீடாகத் திகழ்ந்த இம்மருத்துவமனையின் நிழல் கூட தற்காலத் தலைமுறையினர் மீது படாமலே போயிற்று. இருப்பினும் இம்மருத்துவமனை ஓய்ந்து விடவில்லை. இன்றளவும் தினமும் 250 முதல் 300 பேர்கள் வரை புற நோயாளிகள் பிரிவுக்கு வந்து சிகிட்சை பெற்றுச் செல்கின்றனர். திங்கள், புதன் ஆகிய நாட்களில் நீரிழிவு, சர்க்கரை நோய், இரத்த அழுத்தம் போன்ற நோய்களுக்கு மருந்துகள் வழங்கப்படுவதால் சுமார் 500க்கும் மேற்பட்ட புறநோயாளிகள் அந்நாட்களில் வந்து செல்கின்றனர்.



துவக்க காலங்களில் சீட்டுகளில் எழுதி பெயர் பதிவு செய்யப்பட்டு வந்தது. தற்போது அனைத்தும் கணனி மயமாக்கப்பட்டுள்ளது. ஒருமுறை பதிவு செய்யப்பட்ட சீட்டு மூலம் தமிழகத்தின் எந்த அரசு மருத்துவமனைகயிலும் நாம் காண்பித்து சிகிட்சை பெற்றுக்கொள்ளும் வசதி அரசாங்கத்தால் தற்போது செய்து தரப்பட்டுள்ளது. தனியார் மருத்துவமனைகளில் பயன்படுத்தும் மருந்துகள் இரண்டு மருந்து பரிசோதனைக் கூடங்களில் பரிசோதனைக்குட்பட்டு பயன்பாட்டுக்கு வரும் நிலையில், அரசு மருத்துவமனைகளுக்கான மருந்துகள் மூன்று பரிசோதனைக் கூடங்களில் பரிசோதிக்கப்பட்ட பிறகே சிகிட்சைகாக வெளிவருகின்றது. அரசால் வழங்கப்படும் அனைத்து மருந்துகளும் தரமானவைகயே! சுதாதாரத்துறை இதில் அதிக அக்கறை எடுத்துக் கொண்டு விழிப்புடன் செயல்பட்டு வருகின்றது. இலவசம் என்றாலே நமக்கு இளக்காரம்தானே? எனவேதான் நம் மக்கள் அதைப் பெரிதாக மதிப்பதில்லை என்பதுதான் வேதனையாக உள்ளது.

தற்போது, Dr.சரஸ்வதி, Dr.ஜாஃப்ரி ஆகியோரருடன் சுமார் பன்னிரெண்டு செவிலியர்களும், கணணி பிரிவு, மருந்து வழங்கல், அறுவை சிகிட்சை சம்பந்தமான ஊழியர்கள், துப்புரவு தொழிலாளிகள் என 34 ஊழியர்கள் பணியாற்றி வருகின்றனர். இருப்பினும் போதுமான மருத்துவப் பணியாளர்கள், அலுவலகப் பணியாளர் இல்லை என்பதே இங்கு பணிபுரிவோரின் ஆதங்கம். இம்மருத்துவமனையில் அவசரத் தேவைக்காக ஆம்புலன்ஸ் ஒன்றும் உள்ளது. மின் பற்றாக்குறையால் ஏற்படும் பவர்கட்டை சமாளிக்க ஜெனரேட்டர் இருந்தும் அது பல நாட்களாக பழுதாகி பயன்பாடின்றி இருப்பது கவலைக்குரியதே!

அரசால் அங்கீகரிக்கப்பட்ட சித்த மருத்துவப் பிரிவு ,பல் மருத்துவப் பிரிவு, குடும்ப நலப்பிரிவு, மகப்பேறு பிரிவு, அறுவை அரங்கம், உள்நோயாளிகளில் ஆண்கள், பெண்களுக்கான தனித்தனி வார்டுகள், பொது வார்டுகள் என பல பிரிவுகள் இயங்கி வருகின்றன. சித்தா மருத்துவப் பிரிவின் முதன்மை மருத்துவர், Dr. நமச்சிவாயம் BSMS, சித்தா மருந்தாளுனரான N.மீனா (எல்.கே.மேனிலைப்பள்ளி ஆசிரியர் சிதம்பரம் அவர்களின் துணைவியார்) ஆகியோர் பணியாற்றி வருகின்றனர். இவர்கள் சித்த மருத்துவத்தின் பத்தியம் மற்றும் பக்கவிளைவுகள் இல்லாத சிகிட்சை முறைகளைப் பற்றி மக்களுக்கு விழிப்புணர்வு ஊட்டி வருகின்றனர்.

தற்போது ஒரு சின்னஞ்சிறிய அறைக்குள்தான் இந்த சித்த வைத்தி பிரிவு இயங்கி வருகின்றது. மானாவாரியாக் கிடக்கும் பொதுமருத்துவமனையின் நிலத்தில் ஓர் பகுதியில் சற்று வசதியுடன் கட்டி அதற்கான உள் நோயாளி பிரிவையும் ஏற்படுத்தினால் அதன் பயன்பாடு அதிகரிக்க வாய்ப்புள்ளது. சமீபத்தில் நமதூரை ஆட்டிப்படைத்த சிக்குன் குனியாவால் பச்சிளம் குழந்தை முதல் வயோதிகர் வரை பாதிப்புக்குள்ளாகி அவதியுற்றபோது ஆறுதல் தந்தது இந்த அரசு பொதுமருத்துவமனையிலுள்ள சித்தா பிரிவின் நில வேம்பு கஷாயம்தான் என்பது குறிப்பிடத்தக்கது.

மருத்துவமனை வளாகத்தில் ஒரு பகுதியில் அரிய வகை மூலிகைச் செடிகள் பயிரிடப்பட்டு, பாதுகாத்து வளர்த்து வரும் மூலிகைத் தோட்டமும் உண்டு. அதன் பராமரிப்புப் பணிகளை சித்தா மருத்துவப் பிரிவினர் செய்துவருகின்றனர்.



உண்மையில் நாம் நமதூர் அரசு பொது மருத்துவமனைக்குள் சென்று பார்த்து பிற ஊர்களின் மருத்துவமனைகளோடு அதை ஒப்பிட்டால்தான் தெரியும் - நம் மருத்துவமனை சுத்தம், சுகாதாரம், சிகிட்சை, சுற்றுப்புறச்சூழல் இவையனைத்திலும் ஒரு படி மேலேதான் உள்ளது என்று.

பொதுமக்களின் குறை தீர்க்க அரசு மேற்கொள்ளும் திட்டங்கள் யாவும் நூறு சதவிகிதம் மக்களுக்கு சென்றடைகின்றனவா எனில் இல்லை எனலாம். அதில் பல்வேறு குறைகள், குளறுபடிகள் இருக்கத்தான் செய்யும். அத்தகைய குறைபாடுகளை நிவர்த்தி செய்ய நிர்வாகத் திறமையுள்ள தகுதியானவர்களைப் பணியில் அமர்த்துவதே இதற்கான தீர்வு.

உன்னதமான மருத்துவத்தை வெறும் வியாபார நோக்கில் மட்டுமே நடத்தி கொள்ளை லாபம் சம்பாதித்து வரும் பெரும்பாலான மருத்துவமனைகளை விதியே என மக்கள் நாடிச் செல்வதற்குக் காரணம், அங்கு எப்போதும் எந்த நோய்க்கும் மருத்துவர் உண்டு என்பதுதான். அவர்கள் ஏழை பணக்காரன் எனும் நாடித்துடிப்பை துல்லியமாக அறிந்து கொண்டு, பலசரக்கு கடை பில்லை போன்று மருந்துகளை பட்டியலிட்டு அள்ளித் தந்து கொள்ளையடிக்கும் அவல நிலை.

நம் அரசாங்கம் தரமான மருத்துவர்களுக்கு தகுந்த சம்பளம் வழங்கி அவர்களைத் தக்கவைத்து, மக்கள் சேவைக்குப் பயன்படுத்தினால், அரசு மருத்துவமனைகளில் மீண்டும் கூட்டம் அலை மோதும். அரசு மருத்துவமனைகளின் அடிப்படைத் தேவைகளை கண்டறிந்து அதை நிவர்த்தி செய்தால், அநியாயமாக காசு பிடுங்கும் தனியார் மருத்துவமனைகள் மண்னைக் கவ்வும் என்பது உறுதி.

குறைந்தபட்சம் பொதுமக்களும் அரசு மருத்துவமனையில் சிகிச்சை பெற மனதளவில் முன்வர வேண்டும். தலைவலி, காய்ச்சல் போன்ற சிறிய நோய்களுக்குக் கூட தனியார் மருத்துவமனைகளை நோக்கிப் படையெடுக்கும் மனோபாவத்தை விட்டொழித்து, மக்கள் நலனுக்காக சுகாதாரத்துறை கோடிக்கணக்கில் செலவழித்து வருவது நமது வரிப்பணமே எனும் சிந்தனையுடன் அரசு பொது மருத்துவமனைகளைப் பயன்படுத்த முன்வர வேண்டும்.

குறிப்புகள் தேடிச் சென்ற நான் மருத்துவமனையிலிருந்து திரும்பியபோது, என் தாய் வீட்டை விட்டுத் திரும்பிய உணர்வு உள்ளத்தில் உதிக்கவே, என் உடலும் இலேசாக சிலிர்த்தது. நான் மீண்டும் திரும்பிப் பார்த்தேன். இது நான் பிறந்த இடம் என்பதால் ஏற்பட்ட ஓர் உள்ளுணர்வாகக் கூட இருக்கலாம். இனி அடுத்த ஒரு சந்திப்பில் மற்றுமொரு தகவலுடன் வருகின்றேன். இன்ஷா அல்லாஹ்... அதுவரை பிரியாவிடை.

Previous ColumnNext Column
இவ்வாக்கம் குறித்த கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by: சாளை பஷீர் (ஜோன்ஸ் தெரு , மண்ணடி , சென்னை) on 05 March 2014
IP: 116.*.*.* India | Comment Reference Number: 33522

இன்றியமையாத பதிவு.

ஹிஜாஸ் மைந்தனின் வழமையான ஊறிய சுவையான நடையை இக்கட்டுரையில் காண முடியவில்லை. கட்டுரையை அறிக்கை போல தராமல் பட்டறிவின் ஊடான எழுத்தாக மாற்றி எழுதி இருந்திருந்தால் இன்னும் சுவைபட அமைந்திருக்கும்.

எனினும் மிகப்பெரும் சமூக பிரச்சினையை கவனப்படுத்திய நண்பர் ஹிஜாஸ் மைந்தனுக்கு எனது வாழ்த்துக்களும் துஆக்களும் !

நமதூர் அரசு மருத்துவமனையை ஒரு காலத்தில் " பெரியாஸ்பத்திரி " என்று நம்மூர் மக்கள் அழைத்தார்கள்.

இன்று அதே வாய்கள்தான் " தர்மாஸ்பத்திரி" என அழைக்கின்றது. ( தகவல் : தம்பி எஸ்.கே. ஸாலிஹ் )

நம்மிடையே உள்ள தனியார் மருத்துவ மோகத்திற்கு இது ஒரு சிறந்த எடுத்துக்காட்டு.

அரசு ஒன்றும் நமக்கும் பிச்சையோ தர்மமோ போடவில்லை. மருத்துவம் என்பது குடிமக்களின் அடிப்படை உரிமையாகும்.

நமது காசில்தான் அரசு நமக்கு மருத்துவ உதவிகள் செய்கின்றது. நாம் கட்டும் வரிப்பணத்திலிருந்துதான் இதற்கான பணம் பெறப்படுகின்றது என்பதை நாம் மறந்து விடக்கூடாது.

பொது மக்களின் தாராளமான நன்கொடைகளை பெற்று பெருமக்களின் முயற்சியில் நமதூரில் தனியாக கே.எம்.டி. மருத்துவமனை என்று துவங்கினோம். ஆனால் அது பல்வேறு காரணங்களினால் எதிர்பார்த்த வெற்றியை பெறவில்லை.

கே.எம்.டி. மருத்துவமனையாகட்டும் அல்லது ஷிஃபா , மைக்ரோ காயல் உள்ளிட்ட மருத்துவ உதவி தன்னார்வ குழுக்களாகட்டும் தன் விமர்சனம் என்ற அடிப்படையில் அவர்களுக்கு எனது பணிவான கருத்துக்கள் இவைதான்:

வளர்ந்த முதிர்வு பெற்ற சமூகத்தின் அடையாளங்களில் ஒன்று அங்கு மருத்துவ சேவை என்பது முற்றிலும் இலவசமாக அல்லது மிக குறைந்த கட்டணத்தில் பொதுமக்களால் பெறப்படக்கூடியதாக இருக்கவேண்டும்.

முதலில் அதாவது அரசு மருத்துவமனை கூடுமான அளவில் பொது மக்களால் பயன்படுத்தப்பட வேண்டும். அதற்கான மன தூண்டுதலை தொண்டு நிறுவனங்கள் உருவாக்க வேண்டும். அடுத்ததாக இலவசமாக அல்லது மிக குறைந்த கட்டணத்தில் செயல்படக்கூடிய தனியார் மருத்துமனைகள் இருக்க வேண்டும்.

இரண்டாவது வகைக்கு கிறிஸ்தவ பரப்புரை ஊழியங்கள் , ஹிந்து ஆஸ்ரமங்கள் , அறக்கட்டளைகள் நடத்தும் இலவச / குறைந்த கட்டண மருத்துவமனைகளை குறிப்பிடலாம். [ எ.கா : மாதா அமிர்தானந்தமயி மடம் , சாந்தகிரி மடம் , மார்வாடி , குஜராத்தி அறக்கட்டளைகள் ]

. அரசு மருத்துவமனைக்கு நிலம் , உள் நோயாளி கூடங்கள் வழங்கிய நமது முன்னோர்கள் அந்த வகையில் சிறந்த முன்மாதிரிகளாக விளங்குகின்றனர். { அல்லாஹ் அந்த நல்ல ஆன்மாக்களின் மண்ணறைகளை ஒளியால் நிரப்புவானாக ! அவர்களுக்கு மறுமை வெற்றியை அளிப்பானாக !! }

குருதியும் வியர்வையும் சிந்தி ஈட்டப்படும் நமதூர் மக்களின் நன்கொடைப்பணமானது மருத்துவ செலவினங்களுக்கான பண உதவி என்ற பெயரில் தனியார் மருத்துவமனைகளின் கொள்ளைக்கு தீனி போடுவதாகவே நம்மை அறியாமலே பல நேரங்களில் அமைந்து விடுகின்றது.

நாம் அரசு மருத்துவமனைகளை கூடுதலாக பயன்படுத்தும்போது அதைக்காட்டி அரசிடம் பல வசதிகளை நாம் கோர முடியும். ஒருக்கால் அரசின் உதவி மிக தாமதமாகும் பட்சத்தில் பொதுமக்களின் நன்கொடை மூலம் அந்த வசதிகளை அரசு மருத்துவமனைகளில் நாம் ஏற்படுத்தலாம்.

இந்த வகையிலான அணுகுமுறையானது மருத்துவத்திற்காக தனியாரிடம் பொதுமக்கள் பறிகொடுக்கும் பணத்தின் அளவை பெரிய அளவில் குறைக்கும்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...அரசு மருத்துவமனை
posted by: Syed Ismail Sufi (Kayalpatnam) on 05 March 2014
IP: 117.*.*.* India | Comment Reference Number: 33524

அன்பு மருமகன் ஹிஜாஸ் மைந்தன் ரபீக் அவர்கள் நமதூர் அரசு மருத்துவமனை தொடங்கிய காலம் முதல் தொய்வின்றி செயல் பட்டு வரும் நடப்புகளை மிக விரிவாக ஒரு சரித்திரம் போன்று எழுதி இருக்கிறார். பாராட்டுக்கள்

என் போன்றவர்களுக்கு இதுவரை அரசு மருத்துவமனை பற்றி தெரியாத விஷயங்களை மிக விளக்கமாக தமது கட்டுரை மூலம் விவரித்துள்ளார். இது போன்ற கட்டுரைகளால் நமது மக்களுக்கு விழிப்புணர்ச்சி ஏற்படவேண்டும்.

நமதூரில் உள்ள பொது நல அமைப்புகள், அரசியல் கட்சிகள் அரசு மருத்துவமனைக்கு தேவையான வசதிகளை அரசிடமிருந்து பெற்றுத்தர முயற்சி செய்தால் நடுத்தர மக்கள் நிச்சயம் பயனடைவார்கள் என்பதில் சந்தேகமில்லை.

ஹிஜாஸ் மைந்தனுக்கு வாழ்த்துக்கள்.

இஸ்மாயில் சூபி
காயல்பட்டினம்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by: AHAMED SULAIMAN (Dubai) on 05 March 2014
IP: 217.*.*.* United Arab Emirates | Comment Reference Number: 33526

அஸ்ஸலாமு அழைக்கும் ,

நமக்கு உரிமையான பொது துறைகளில் நம் காயல் அரசு மருத்துவமனை மிகவும் முக்கியமான ஒன்று இதன் வளர்சிக்கு நம் மக்கள் கொடுத்த நிலம் மற்ற துணையான காரியங்கள் சாதாரணம் அல்ல .

நம் சுற்று வட்டாரத்தில் நம் காயல்படின மருத்துவமனைக்கு என்று தனி மதிப்பும் மரியாதையும் உண்டு இது அதனை பற்றி நன்கு அறிந்த மக்களுகுடான் தெரியும் .

முஹமது ரபிக் அவர்கள் தான் எழுதிய இந்த கட்டுரை மூலம் பல நல்ல தகவல்களை நமக்கு தந்துள்ளார் ஆனால் தலைப்புதான் எனக்கு பொருத்தமாக படவில்லை . காரணம் நம் காயல் அரசு மருதுவமனை . விளையாட்டுக்குக் கூட அப்போலோ ( மருத்துவ துறையை வர்த்தகமாக மாற்றிய ) கொள்ளை அடிக்கும் வியாபார நோக்கு மட்டும் கருத்தில் கொண்டு மருத்துவ செய்யும் இந்த மனையுடன் நம் அரசு மருத்துவமனையை ஒப்பிட்டு கூற வேண்டாம் .

நம் அரசு மருதுவமனை எழை ,பாமர பரம எழை , நடுத்தர மக்கள் போன்ற அனைவர்க்கும் ஒரு வேடன்தாங்கள் என்றால் அது மிகை அல்ல .

இந்த மருதுவமனைதான் நம்முடைய தாய் மருத்துவமனை இந்த மருதுவமனை இன்னும் அதிக வசதிகளை பெற நம் நகராட்சி தன்னால் ஆனா உதவிகளை செய்ய வேண்டும் .

காயல்பட்டின நகர மன்ற தலைவர் தட்போது ஆளும் கட்சியான அ . தி . மு . க வில் இருப்பதால் இந்த மருத்துவ மனைக்கு வேண்டிய தேவைகளை பட்டியல் போடு நடப்பு அரசின் மூலம் வாங்கித்தர முயற்சிகளை எடுக்கலாம் இது போன்ற ஊரில் உள்ள அரசு துறைகளுக்கு வேண்டிய நல்ல உடனடித் தேவைகளை குறித்து தமிழக அரசிடம் கோரி அதனை கொண்டுவர பாடுபட வேண்டும் .

அரசியல் சந்தர்ப்பத்துக்கு தகுந்தபடி தன்னை மாற்றி கொண்ட இந்த காயல்பட்டின நகரமன்ற தலைவி தமிழக அரசு மூலம் ஊருக்கு நல்ல திட்டங்கள் கொண்டு வந்து இருக்க வேண்டும் . அப்படி எதாவது நன்மைகள் நடந்து இருந்தால் நல்லதுதான் ஆனால் நடந்து இருக்குமா............. ?


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. Re:...
posted by: Seyed Mohamed Baakavi (Khobar) on 06 March 2014
IP: 78.*.*.* Saudi Arabia | Comment Reference Number: 33550

நமதூர் அரசு மருத்துவமனயின் வரலாற்றை அழகாகே எடுத்து சொல்லிய ஹிஜாஸ் மைந்தனுக்கு நன்றிகள் !!!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:...அரசு சலுகைகளை அன்பவிக்காத நம் ஊர் மக்கள்
posted by: netcom buhari (chennai) on 06 March 2014
IP: 117.*.*.* India | Comment Reference Number: 33563

அஸ்ஸலாமு அழைக்கும்

நமதூர் அரசு மருத்துவமனயின் வரலாற்றை அழகாகே எடுத்து சொல்லிய ஹிஜாஸ் மைந்தனுக்கு நன்றி,

அரசு மருத்துவ மனைகளில் தலை பிரசவத்துக்கு ப்ரீ மருத்துவதுடன் ரூபாய் 7000 கொடுகிறார்கள்.இதை நம் மக்களை தவிர மாத்து மதம் மக்கள் ப்ரோஜனம் அடைகிண்டர்கள்.நம் மக்கள் பிரைவேட் மருத்துவ மனை செண்டு கடன் வாங்கி பல 1000 செலவு பண்ணி பிரசவம் பார்க்கின்டர்கள்.

சில மக்கள் பிரசவம் பார்க்க நம் பக்கத்து டவுன்களுக்கு செண்டு பல லட்சம் செலவு பண்ணவும் தயகுவது இல்லை.இப்படியாக மக்கள் அரசு சலுகைகள் தெரியாமல் வீண் விரயம் பணத்தை பன்னுகிறார்கள். இதை போன்டு, அறுவை சிகிதைகும் அரசு மருத்தவ மனையை use பண்ணுவது கிடையாது .

அரசு மருத்துவமனைகளின் சலுகைகளை ஷிபா போண்ட அமைப்புகள் மக்களுக்கு தெரிந்து கொள்ள முயற்சி பண்ணினால் நலம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. பயன் படுத்துங்கள்... நல்ல சேவை நல்ல மருந்தகம் ....
posted by: நட்புடன் - தமிழன் முத்து இஸ்மாயில் (காயல்பட்டினம்.) on 09 March 2014
IP: 116.*.*.* India | Comment Reference Number: 33627

முதலில் இந்த மருத்துவமனைக்காக நிலம் - பொருள் - பணம் - களப்பணி மேலும் பல சேவைகளை செய்த அன்றைய பெரியவர்களுக்கும் இன்றைய சமூக ஆர்வலர்களுக்கும் எனது வாழ்த்துக்கள் - பாராட்டுக்கள்..

நம்மில் பெரும்பான்மையோர் இந்த அப்போலோவை பயன்படுத்துவதில்லை என்பது வேதனையான விசியம்.. எனக்கு மதி தெரிந்த காலத்திலிருந்தே இந்த அப்போலோவை நான் நன்கு பயன்படுத்தி வருகிறேன் இந்நாள் வரை..

நம்மில் பலர் சிறு சிறு காயங்களுக்கும் - சிறு சிறு வைத்தியுங்களுக்கும் தனியார் மருத்துவமனையை நாடி அங்கு நமது பொருளாதாரத்தை இழப்பதை தவிர்த்து ஒருமுறை இந்த அப்போலோவை பயன்படுத்தி பாருங்கள் உண்மை என்னவென்று தெரியும்...

மிக அருமையாக இந்த அரசு மருத்துவனையின் நடப்பு செய்திகளை காயல்பட்டணம்.காம் வாசகர்களுக்கு மிக தெளிவாக தெரியபடுத்திய அன்பு சகோதரர் எம்.என்.எல். முஹம்மது ரபீக் (ஹிஜாஸ் மைந்தன்) அவர்களை மனதார வாழ்த்தி பாராட்டுகிறேன்.. உங்கள் மூலம் இன்னும் பல ஆக்கங்கள் - கட்டுரைகள் எதிர்ப்பார்க்கிறேன்..


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இவ்வாக்கம் குறித்த கருத்தை பதிவு செய்ய இங்கு சொடுக்கவும் >>
முகநூல் வழி கருத்துக்கள்
ட்விட்டர் வழி கருத்துக்கள்
காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Fathima JewellersAKM Jewellers
FaamsCathedral Road LKS Gold Paradise

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved