குறைந்தபட்சம், அடுத்த நகர்மன்றப் பருவத்தில் வார்டுக்கு ஒரு நல்லவர் என 18 பேர், யாருக்கும் - பணம், புகழ் போதைகளுக்கோ, யாருடைய எவ்விதமான நிர்ப்பந்தத்திற்கோ அணுவளவும் அடிபணியாத, நேர்மையும் - சிறப்புத் திறமையும் கொண்ட நல்லதொரு தலைவரும் என ஒரு 19 பேராவது கிடைக்காமலா போய்விடுவர்...??? அது வரையிலும்

“அவங்க அப்டித்தான்! நாங்க இப்டித்தான்!!”C&P

#கவலையை விடுங்க தம்பி நம் மக்கள்,,,#, இனி கண்டிப்பாக அப்படித்தான் செய்யணும் இப்படித்தான் செய்யணும் என்று ஆமாம் சாமி போடுவாங்க.. அப்புறம், வழமைபோல,, மறந்திடுவாங்க... #ஊரொற்றுமை அப்படித்தாங்க இருக்கு# எல்லோருக்கும் தனக்கு வந்தாத்தான் தலைவலி......., #உன் போன்றோரைத் தவிர்த்து# பட்டுன்னு செவிட்டில் அரைந்தார் போலிருந்தது இக்கட்டுரை. மாஷா அல்லாஹ்,,!

#மொத்தத்தில் இதெல்லாம் செவிடன் காதிலூதிய சங்கே, #இரண்டு மாதம் தாங்கும் என்பது சந்தேகமே! மொத்தத்தில் நீர் செவிடர்கள் காதில் ஊதிய மங்கு.!

IP: 92.*.*.* Saudi Arabia

அஸ்ஸலாமு அலைக்கும் வரஹ்மத்துல்லாஹி வபர்க்காத்துஹு.

இறையருள் நிறைக.

நமது ஊரைப்பொருத்தவரைமட்டுமல்ல பல ஊர்களில் மழைகாலங்களில் இதேதுர்நாற்ற நிலைதான் எந்தமாற்றமும்காணவில்லை.

ஒரு வீடு கட்டி ஒரு தம்பதி திருமணம் செய்து அவர்கள் குழந்தை பெற்று அக்குழந்தைகள் வயது எய் முன்னே அந்த வீட்டிற்கு ஏறி வரும்படிகள் ஏரிகள் வரும்படியாகி விடுகிறது பலமுறை நாம் இந்நிலையைசந்தித்தும் இன்னலுற்றும் நமக்கு விமோச்சனம்வேண்டுமென்ற ஒருசிந்தனை வரவில்லை.

இளமையைத் தொலைத்து, கஷ்டங்களைசுமந்து அதை இதைவிற்று, அவமானப்பட்டு லட்சியங்க்களைவிட்டு எப்படியோ பல லட்சங்களை சேர்த்து வீடுகட்டுகிறோம். ஆனால் அதற்கு அஸ்திவாரம் ஒரு ஐம்பது ஆண்டுகளுக்குக்கூட உறுதியாக தீர்மானிக்கமுடியவில்லை எல்லாம் திட்டமில்லாத சாலைப்பணிகளின் விதிப்படியே நமதுதிட்டங்கள்தகர்க்கப்படுகிறது. தேர்தல்காலங்களில் உறுப்பினர்களை தேர்ந்தெடுக்கிறோம் தேர்ந்து எடுக்கிறோமா?

சென்னை நமக்கு நல்ல பாடத்தைக்கற்றுத்தந்திருக்கிறது அல்லாஹ் காப்பற்றவேண்டும் அந்த நிலை நமதூரல்ல இனி எந்த ஊருக்கும் வந்துவிடக்கூடாது.

நகராட்சியில் உறுப்பினர்களாக்கிவிடப்பட்டவர்கள் ஒருவருக்கொருவர் சொல்வீச்சால் பூமரேங்க் விட்டுக்கொண்டிருக்கிறார்கள் அவர்களின் சுயநலத்தில் மட்டுமே குறிக்கோளாக இருக்கிறார்கள். எல்லாம் நமதுஅறியாமையே. வரும்பக்கவிளைவுகளுக்கு தகுந்த தீர்வுகாணாதும்,எதிர்க்காது புழுக்களைப்போல்வாழ்வை அமைத்துக்கொண்டதுமேகாரணம் .

இனி வரும் காலங்களில் சென்னையை எப்படி தன்னார்வ அமைப்புகளாக கூடிமீட்டெடுத்ததோமோ அதுபோல நமது ஊரிலும் இறங்கி செயல்படவேண்டிவருமோ? இறைவன் காப்பாற்றவேண்டும்,

ஒருமுறை பிழையாகிவிட்டால் அதுதவறு மீண்டும் தொடர்ந்தால் அதுதப்பு தெரியாமல் நிகழ்ந்துவிடுவது தவறு தெரிந்தே நடந்தால் அது தப்பு.

எஸ்.கே. சாலிஹ் வீட்டிற்குள் புகுந்து விட்ட கழிவுநீர் நம்வீட்டிற்குள்ளும் வரநேரமாகாது வல்ல இறைவன் எல்லோருக்கும் விமோச்சனம் தரவேண்டும் எல்லாவற்றிற்கும் மேலாக நல்லெண்ணமும் முயற்சிவேண்டும்.

""திருந்தவேண்டும்,திருத்தப்படவேண்டும் ""

இறைவன் மிகப்பெரியவன்.

இறையடிமை,
ஷேக் அப்துல் காதிர்.

IP: 178.*.*.* Qatar

நண்பர் எஸ்.கே.ஸாலிஹின் இக்கட்டுரை வெறும் எழுத்துக்கள் அல்ல. மாறாக, ஊரின் உணர்வுகளைப் பிரதிபலிக்கும் உண்மைகள்!

மழை என்பது இறைவனின் அருட்கொடை. அதைத் தடுக்கவோ - கூட்டவோ - குறைக்கவோ நமக்கு எந்த உரிமையும் இல்லை. அது முடியவும் செய்யாது. ஆனால் அதைப் பயன்படுத்துவது எப்படி என்பதற்கு இறைவன் நமக்கு சில ஆற்றல்களையும், அறிவுகளையும் தந்திருக்கிறான்.

அண்மையில், தமிழகத்தின் சென்னை - கடலூர் போன்ற பகுதிகளிலும், தற்போது நமதூரிலும் பெய்துள்ள இந்த அதிகப்படியான மழை மூலம் சில படிப்பினைகளை அனைவரும் பெற்றேயாக வேண்டும்.

அன்புடன்,
M.N.முஹம்மது யூனுஸ்

IP: 51.*.*.* United Kingdom

சிரித்துக்கொண்டே கட்டுரையை வாசித்துக்கொண்டிருந்த என்னை, சிந்திக்க வைக்கும் பத்தி நெருங்கியதும், தற்காலிகமாக சிரிப்பை நிறுத்திவிட்டுப் படிக்கத் துவங்கினேன். காரணம், சகோதரர் ஸாலிஹின் ஆக்கத்தில் இடையிடையே நிறைவாக இருக்கும் நகைச்சுவைக்கு சிரிப்பு தேவைப்படும் என்பதற்காக (அதைப் பற்றி கீழே பேசுவோம்...)

“வெறுக்கத்தக்க காரியங்களைக் கண்டால் கையால் தடு! முடியாவிடில் நாவால் தடு! அதுவும் முடியாவிடில் மனதால் ஒதுக்கி விடு! இதுவே ஈமானின் கடைசி நிலை” என்ற பூமான் நபியின் பொன்மொழிக்கிணங்க, அந்தந்த காலத்திற்குத் தேவைப்படும் ஆழிய கருத்துக்களைப் பொதிந்த கட்டுரையைத் தர இவர் வல்லவர்.

“சொலல்வள்ளன் சோர்விலன் அஞ்சான் இவனை
இகதெள்ளல் யாருக்கும் அரிது”

எனும் வள்ளுவனின் குறட்பாவுக்கு வடிவம் அமைப்பது போல் இவரது ஆக்கங்கள் அமைவதுதான் ஒரு வியப்பு.

“கழுத்தைக் கொடுத்தாலும் எழுத்தைக் கொடுத்து விடாதே!” என்று கூறுவர். இவரது அனைத்துப் படைப்புகளும் தேவைக்கதிகமாக வார்த்தைகள் இன்றி வெளிவருவதால்தான், இவை கரும்பலகை எழுத்தல்ல; கல்வெட்டில் பதிக்கப்பட வேண்டியவை ஆகும்.

“தவளை துள்ளல்” – கம்யூட்டரில் ஒரு folderஇலிருந்து மற்றொரு folder திறப்பதைப் போன்று, இவரது துள்ளல் நடை.

“கழுகு விழுதல்” – எதைச் சொல்ல வந்தாரோ அந்த இடத்திற்குச் சரியாகச் சென்று விழுதல் போன்றவை அழகிய போங்காக இதில் அமைகிறது. மேலும், ‘அன்னைத் தமிழ்’, ‘அமுதத் தமிழ்’, ‘பிள்ளைத் தமிழ்’ என (தன் தாய், தன் மனைவி, தன் மக்கள்) அனைத்தும் பேசியவையும், அதற்கு பதில் சொன்னவையும் அர்த்தம் பொதிந்ததாக இருந்தது. ஆக மொத்தத்தில், கட்டுரையின் துவக்கத்தில் ‘ஒரு பொருளை’ மட்டும் ‘விலக்கி’ விட்டு, மற்ற அனைத்தையும் ‘விளக்கி’யிருக்கிறார்’ இதன் ஆசிரியர்.

“அவங்க அப்படி, நாங்க இப்படி” என்று முடித்துவிட்டுப் போகும் ஆசிரியர், ஆடுகளுக்குப் புல் வைக்கச் சென்றார். மீதம் வைத்த சிரிப்பை இதில் செலுத்தலாம் என்றெண்ணியபோது, கடந்த எனது விடுமுறைக் காலத்தில் அவரைச் சந்தித்த ஒருவருக்கு அவர் சொன்ன பதில் என்னை மீண்டும் சிந்திக்க வைத்தது. அவரது சொற்களிலேயே அதைச் சொல்கிறேன்...

“ஆட்டை ரோட்டில் நான் அழைத்துச் சென்றுகொண்டிருந்தபோது ஒரு பெண் என்னைப் பார்த்து, என்ன ஸாலிஹ்! நீ எப்ப கோனார் வேலைய கையில எடுத்தா...?” என்று கேட்டதற்கு, என்ன செய்ய...? கோனார் ரஸூலுல்லாஹ்வின் வேலையைக் கையில் எடுத்துக்கிட்டார்... நாம விட்டுட்டோம்... என்று கூறினேன்.”

இவ்வாறான அவரது உரையாடல்தான் எனக்கு தற்போது நினைவுக்கு வருகிறது. (ஆஹா... அடுத்த கட்டுரைக்கு தலைப்பு கொடுத்துட்டேனே...?)

“ஸாலிஹ் காக்கா... மன்னிக்கனும்! கருத்தெழுத சற்று தாமதமாகிவிட்டது...”

“ஆமா... நீ எல்லாத்துலயுமே தாமதம்தான்...! இந்த முறை ஊருக்கு வரும்போதாவது எதிர்பார்க்கிறேன் – தாமதமில்லாம... - என்னைச் சந்திப்பாயா என்று!“ சொல்வதன் பொருள் என் காதில் விழுகிறது.

எது எப்படியோ, ‘தி இந்து’ செய்தித்தாளில் வெளிவந்த கட்டுரைக்கு கருத்து எழுதனும்! நான் கிளம்புறேன்...

IP: 116.*.*.* India

வல்ல நாயன் துணை வேண்டி!

இந்தக் கட்டுரையை எழுதிய ஆசிரியர் இந்த ஊரின் நலன் காக்க சாட்டையைக் கடுமையாகச் சுழலவிட்டு, ஒப்பீடு முறையில் - கடந்தகால சம்பவ நினைவைக் காட்சியும் படுத்தி, “யார் காரணம்?” எனக் கேள்வியை நம்மை நோக்கி எதிர்க்கிறார்.

அது மட்டுமல்ல! “இத்தனை பாரம்பரியம், நீண்ட புகழுக்கும் சொந்தக்காரர்களான காயலிலிருந்து நகர்மன்றத்தை மீட்டெடுக்க முடியாதா?”என்று கேள்வியைக் கேட்டதோடு மட்டுமல்லாமல், நிதர்சன உண்மையைப் பதிவும் செய்திருக்கிறார்.

பொதுவாக ஒரு விஷயம் சொல்லப்படுவதுண்டு. அறிவாளிகள் (மனசாட்சியுள்ளவர்கள்) ஒரு பிரச்சினையின் அடி நாதமாக விளங்கக் கூடிய வேரைச் சிந்திக்கிறார்கள்.

இப்படித் தோன்றுகிறது எனக்கு:- சிலர் நல்லவர்கள் என்ற பெயரில், ஊரின் நலம் காப்பதைப் போல நடித்துக்கொண்டு, பரந்து விரிந்து ஊன்றி வளரும் ஆல மரத்தின் அடியில், தண்ணீருக்குப் பகரமாக திராவகத்தை ஊற்றுகின்றனரோ என்று! ஆனால் ஒன்றை இங்கு எழுதுவது பொருத்தமாக அமையும். தவறாகப் பொருள் கொள்ள மாட்டீர்கள் என்ற அடிப்படையில்! தற்போதைய நகர்மன்றத் தலைவர் இந்த நகர்மன்றத்திற்கு வந்த பிறகுதான், நகராட்சியில் எத்தனை காரியங்கள் நடக்கின்றன? எவ்வளவு பணம் அரசிடமிருந்து நமக்கு வருகிறது? அவை எவ்வாறு செலவழிக்கப்படுகிறது என்ற விபரமெல்லாம் நமக்கு வெளிப்படையாகப் புரிகிறது.

பொறுப்புணர்ச்சியுள்ள ஒரு தலைமை நமக்குக் கிடைத்திருக்க, அதற்குத் துணையாக இருக்க வேண்டியவர்கள் என்ன செய்துகொண்டிருக்கிறார்கள் என்ற கேள்வியும், சந்தேகமும் நமக்கு எழுகிறது.

இன்னும் சொல்ல வேண்டுமெனில், இந்த நகர்மன்றத்தில் ஒவ்வொரு வார்டின் மூலமாகத் தேர்ந்தெடுக்கப்பட்ட - மக்கள் பிரதிநிதிகளாக இருக்கக் கூடிய நமது கவுன்சிலர்கள் தலைவியுடன் ஏன் வேறுபடுகிறார்கள் என்ற காரணம் புரியாமலே போகிறது.

இக்கட்டுரையின் ஆசிரியர், வரும் நகர்மன்றத்திலாவது ஒரு 18 பேரை நல்லவர்களாகத் தேர்ந்தெடுக்க வேண்டும் என்று சாடியிருக்கிறார் என்றால், இப்போது தேர்ந்தெடுக்கப்பட்டுள்ளவர்கள் நல்லவர்கள்தானா என்று நம்மை சந்தேகிக்க வைத்துவிட்டார்.

ஒரு பிரச்சினை நம்மிடையே வந்துவிட்டால், பிரச்சினைக்குரிய இரு சாராரையும் ஒரே கண்ணோட்டத்துடன் பார்த்து, பிரச்சினையின் உண்மையான மூல காரணகர்த்தாக்கள் யார் என்று சிறிதும் விசாரிக்காமல், மார்க்க அறிஞர்களே மார்க்க மேடைகளில் தவறான தகவல்களை அளித்து, கண்டிப்பதையும் நாம் பார்க்கிறோம்.

சமூக சிந்தனை உள்ளவர்கள், இந்த ஊருக்கு ஏதாவது உருப்படியாகச் செய்ய வேண்டும் என்று கருதுபவர்கள், இந்த ஊருக்கு உழைக்கக் கூடியவர்கள் இந்த ஊரைப் பற்றியே சிந்தித்துக் கொண்டிருக்கிறார்கள். அதில் ஒருவராகத்தான் இக்கட்டுரையாளரையும் நான் பார்க்கிறேன்.

அதற்குச் சான்றாக, என் நினைவு சரியாக இருக்குமேயானால் - சற்றொப்ப இரண்டு அல்லது மூன்று ஆண்டுகளுக்கு முன்னாள், நமதூர் சீதக்காதி திடலில், அருள்மறை திருக்குர்ஆனைக் கையில் உயர்த்திப் பிடித்துக்கொண்டு, “அஞ்சுவதும், அடிபணிவதும் ஆண்டவன் ஒருவனுக்கே!” என்று சூளுரைத்தார்களே அந்தப் பெண்ணிடம் எந்தத் தவறும் இருப்பதாக எனக்குத் தெரியவில்லை. நல்ல விஷயங்கள் நடப்பதற்கு நாமே பொறுப்பெடுக்க வேண்டும். தலைவர், உறுப்பினர்களை நல்லவர்களாகத் தேர்ந்தெடுக்க வேண்டிய பொறுப்பு நமக்குத்தான் உள்ளது. அல்லாஹ் நம்மையும் கேட்பான் என்ற பயத்தோடு தலைவர் அவர்கள் செயல்படுகிறார்கள். அதே உணர்வு இந்த நகரில் உள்ள அனைவருக்கும் வர வேண்டும்.

இந்த நேரத்தில் மன வருத்தத்தோடு - ஒரு நகர்மன்றத்தில் சீர்திருத்தம் கொண்டு வர வேண்டும் என்ற அடிப்படையில் இன்றைய தலைவர் செயல்பட்டுக்கொண்டிருக்கிறார் என்ற உண்மை மட்டும் வெளிச்சத்திற்கு வந்துள்ளது.

நகர்மன்றத் தலைவர் அவர்கள் இதைச் செய்வார்களா என்று எனக்குத் தெரியாது. இந்த விஷயங்களைக் குறித்து ஒரு கேள்வி - பதில் நிகழ்ச்சியை இதே சீதக்காதி திடலில் ஏன் நடத்தவில்லை? மக்கள் கேட்கிறார்களே... “எங்களுக்கு அதெல்லாம் தெரியாது... அது உங்களுடைய பிரச்சினை” என்று? நான்கு ஆண்டுகள் எங்களுக்கு சாலைகள் சரியில்லை என்கிறார்களே? அதற்கான தீர்வை அவர்கள் உங்கள் வாயிலிருந்து நேரடியாகக் கேட்க வேண்டும்தானே? அதற்கான ஒரு நிகழ்ச்சியை முன்பு போல இதே ‘மெகா’ ஏற்படுத்துவார்களேயானால் மக்களுக்கு உண்மையான விழிப்புணர்ச்சி ஏற்படும். சில விஷயங்களை இழந்துதான் ஒரு நீண்ட விடிவுகளுக்கு நம்மை நாம் தயார்படுத்திக்கொள்ள வேண்டும். இல்லையெனில், இப்பொழுது நம் தலைநகரம் சென்னை சந்தித்திருக்கிற அதே கேடுகளையும், கபளீகரத்தையும் நாமும் சந்திக்க நேரிடும் என்பதில் மாற்றுக் கருத்தில்லை.

“சில விஷயங்கள கண்டும் காணாமத்தான் போவனும்! ஏன் தலைவி இப்படி பண்ணுறாங்க?” என்று சொல்கிறபொழுது, தலைவர் அவர்கள் எல்லா விஷயத்தையும் ஆதாரத்துடன் பேசுகிறார்கள். அதிகாரிகள் ஏன் அவர்களுக்கு உடன்பட மறுக்கிறார்கள் என்பதும் நமக்குப் புரியாமலே போகிறது.

வருங்காலங்களில்தான் மக்கள் ஒன்றே இதற்குத் தீர்வு அளிக்கக் கூடியவர்களாக இருக்கிறார்கள் - மாற்றம் ஒன்றே மாறாதது எனும் சிந்தனையோடு!

நீந்துவது சாக்கடையிலாயினும், நீந்தத் தெரியும் என்கிற காரணத்தால் சாக்கடையில் இந்த நகர்மன்றத் தலைவியவர்கள் நீந்திக்கொண்டே இருக்கிறார்கள். காயலின் சில பொக்கிஷங்களை மீட்டெடுப்பதற்காக என்கிற வேள்வியில் அவரது முயற்சிகள் தொடரவும், வெல்லவும் எனது பணிவான வாழ்த்துக்களையும், பிரார்த்தனைகளையும் தெரிவித்துக் கொள்கிறேன். நன்றி.

அஸ்ஸலாமு அலைக்கும்.......

சகோதரர் எஸ்.கே சாலிஹ் பதிந்த கட்டுரை ஒட்டு மொத்த நல்லவர்களின் கவலையை வெளிக்காட்டியுள்ளது

அருமை........அருமை...........கட்டுரையில் உள்ள எழுத்தாணிகள் ஒவ்வொரு இளைஞனின் மனதிலும் பதியப்பட வேண்டும்.

"அவங்க அப்படிதான் நாங்க இப்படிதான்" என்று படித்து விட்டு செல்லாமல் மாற்றத்தை ஏற்படுத்த முன் வர வேண்டும்.......

அன்புடன்
அபுதாகிர்

IP: 116.*.*.* India

நகராட்சி தொடர்பாக அல்லது லஞ்சம் - ஊழல் எதிர்ப்பு தொடர்பாக எந்தவொரு செய்தி இத்தளத்தில் வெளியிடப்பட்டாலும், முரண்பட்ட இரு சாராருடனும் நெருக்கமாக இருக்கும் சில அன்பர்கள், ஒரு சாராரின் கருத்தை மட்டும் உள்வாங்கிக் கொண்டு, “அதைக் கலைங்க!”, “நீங்க ராஜினாமா செய்யுங்க!” என நுனி நாக்கில் ஃபத்வா கொடுப்பது வாடிக்கை. “நம்மிடம் கேட்டிருந்தால், உள்ளதைச் சொல்லியிருக்கலாமே...?” என்று என் போன்றோர் ஆதங்கப்பட்டதும் உண்டு.

அவர்களின் உள்ளத்தில் சில உண்மைகள் பதிவு செய்யப்பட வேண்டும் என்று கருதியே இக்கட்டுரையை நான் இந்தளவுக்கு வெளிப்படையாக எழுத வேண்டியதாயிற்று.

எனினும், இதுவரை பெறப்பட்ட கருத்துக்கள் அனைத்துமே நேர்மறையான கருத்துக்கள்தான்! அடியேன் எதிர்பார்த்தது, “இதுநாள் வரை எதிர்மறை கருத்து கொண்டிருந்தோர் இப்போதாவது என்ன சொல்லப் போகிறார்கள்...?” என்றுதான்.

அடிக்கடி புரட்சிகரமாகக் கருத்தெழுதும் என் குடும்பத்து நெருங்கிய உறவினரான பெரியவருடன் இன்று தொலைபேசியில் பேசும் வாய்ப்பு கிட்டியது. அவரிடம், “என்ன மாமா...? உங்க கருத்தைக் காணோமே...??” என்றேன்.

“போப்பா... நீதான் புட்டுப்புட்டு வச்சிட்டியே...? இதுல போயி நா எதையாவது எழுதுனா, அப்புறம் பார்க்குறவங்க என்னெ சும்மா விட மாட்டாங்க...” என்றார்.

“தன்னலம் மறந்து பொதுப்பணியில் ஈடுபடுவோரின் மனம் புண்படும் என்றெல்லாம் அறிந்திருந்தும், அவர்கள் மீது சிறிதும் இரக்கம் காண்பிக்காமல் - மனதில் பட்டதையெல்லாம் சிறிதும் தீர விசாரிக்காமல் கருத்தாகப் பதிந்தீர்கள்... இப்போதோ, உங்கள் மீது விமர்சனம் வந்துவிடும் என்பதற்காக, பேச வேண்டிய இடத்தில் கூட மவுனம் காக்கிறீர்கள்... அப்படித்தானே...???” என்றேன்.

தன் வழமையான - அழகான சிரிப்பை மட்டும் மறுமொழியாகத் தந்தார்.

“இக்கட்டுரை தொடர்பாக நேர்மறையாகவோ அல்லது எதிர்மறையாகவோ உங்கள் கருத்துப் பதிவை எதிர்பார்க்கிறேன்... நீங்கள் பதியாவிட்டால், அதை விளக்கி நான் பதிவேன்...” என்று கூறி பேச்சை முடித்துக்கொண்டேன்.

மொத்தத்தில், இந்த எதிர்பார்ப்பில் எனக்கு ஏமாற்றம்தான்!

IP: 59.*.*.* India

மாஷா அல்லாஹ் மிக அருமையான கட்டுரை..!

ஆனால் இது செவிடர்கள் காதில் ஊதிய சங்கு போன்றதுதான் ஒரு குறிப்பிட்ட சிலர்களுக்கு..!

அல்லாஹ் திருமறையில் சொல்லுவது போல...!!!

2:18 صُمٌّۢ بُكْمٌ عُمْىٌ فَهُمْ لَا يَرْجِعُوْنَ ۙ

(அவர்கள்) (காதிருந்தும்) செவிடர்களாக, (வாய் இருந்தும்) ஊமையர்களாக, (கண்ணிருந்தும்) குருடர்களாக இருக்கின்றனர். எனவே அவர்கள் (நேரான வழியின் பக்கம்) மீள மாட்டார்கள்.

IP: 2.*.*.* Saudi Arabia

அஸ்ஸலாமு அலைக்கும்

அருமை சகோதரர்.SKS அவர்களின் இந்த கட்டுரையை முழுமையாக படித்து நெகிழ்ந்தேன் .......அனைத்துமே மிக நிதார்த்தமாகவே உள்ளது ......

உண்மையின் சொல்வடிவமே ..இக் கட்டுரை ....தாங்கள் ஆரமித்த இடமும் ,, முடிவான இடமும் பொருத்தமே ....

பொதுவாக யாரையும் புண் படுபடியான வார்த்தைகள் இல்லை ...ஆனால் நம் தற்போதைய நகர் மன்ற உறுப்பினர்கள் தான் உணர வேணும் ...ஆனால் அது சுத்தமாகவே நடக்காது .....இனி நாம் தான் வருகின்ற நகர் மன்ற தேர்தலின் கவனமான முறையில் தேர்வு செய்து ...ஊழல் பெருச்சாளிகளை நகராச்சில் நுழையவே விட கூடாது.....

தற்போதைய ஒரு சில உறுப்பினர்கள் பொது மக்களுக்காக உழைக்கிறார்கள் .... தங்கள் தொகுதி மக்கள் இல்லை என்றாலும் கூட ..முகம் சுளிக்காமல் ஊர் மக்களுக்கு முன்னின்று வேலையும் செய்கிறார்கள் என்பது குறிப்பிடத்தக்கது ......

நம் தலைவி அவர்கள் எண்ணம் .அவர்கள் இருக்கும் காலத்தில் உண்மையுடன் செயல் பட்டு ..ஊருக்கு நேர்மையான முறையில் பல நல்ல திட்டங்களை கொண்டு வந்து ...அதன் மூலம் நம் ஊர் மக்கள் பல காலத்துக்கு பயன் பெற்ற வேணும் என்பது தான் ....ஆனால் அவைகளை நடக்க நம் உறுப்பினர்கள் & ஊரின் ஒரு சில பொது அமைப்புக்களும் ,,ஒரு சில ஜாமத்துக்களும் ,,எங்கோ இருந்து உறுப்பினர்கள் ஒரு சிலரை இயக்கம் பணம் படைத்தவரும் ..தான் . விட மாட்டேன்கிறார்களே .....என்கிற இந்த ஆதங்கம் தான் நம்மில் நிறைய பேர்களுக்கு உண்டு .....

திறமையான ஒரு நகர் மன்ற தலைவி அவர்களை நாம் இழந்து விட்டோமே என்று பின் ஒரு காலத்தில் ஊர் மக்கள் இவரை நினைப்பார்கள் .....இது நடக்கும் ..

தற்போதைய நம் தலைவி அவர்களும் வருங்காலத்தில் ...ஊர் மக்கள் யாவர்களிடமும் நற் பெயர் எடுப்பார்கள் என்பது தான் எதார்த்தமான உண்மை .....

அருமை சகோதரர் SKS அவர்களே தங்களின் கட்டுரை யாவாயின் ,, நான் பல தடவைகள் நிதானமாகவே படிப்பது உண்டு ....காரணம் அதில் உண்மை நிகழ்வுகளும் ,, யம்மை யோசிக்கவும் வைக்கும் + காமடியான வார்த்தைகளும் அதில் இருக்கும் ,, மேலும் '' யார் மனதையும் புண்பட வைக்காதும் இருக்கும் ....

தங்களின் ஆதங்கம் யாவர்களின் மனதையும் தொட்டு விட்டது .....

வஸ்ஸலாம்

K.D.N.MOHAMED LEBBAI
RIYADH SAUDI ARABIA

IP: 188.*.*.* Oman

மக்கள் அவதி படுகிறார்கள் என்பதை அனைவரும் ஏற்று கொள்கிறார்கள். அதற்கு தீர்வு வேண்டும் என்பதிலும் இருவரம் ஒத்து போகிறார்கள். நீங்கள் சொல்வது நிரந்தர தீர்வு, அவர்கள் சொல்வது தற்காலிகமானது.

கத்தார் காயல் நல மன்றத்தின் துணை தலைவரின் கட்டுரையும் படித்தேன். இப்பொழுது நமக்கு தேவை கட்டுரை நன்றாக இருக்கிறது என்ற பாராட்டு பத்திரம் அல்ல. தேர்தலுக்கு முன் தலையீடு செய்த ஐக்கிய பேரவை, பொது நல அமைப்புகள் இப்பொழுது எங்கே இருக்கிறது என்று தெரியவில்லை.

DCW -வை எதிர்த்து எல்லாம் மக்கள் ஒன்று சேர்ந்த கூட்டு இயக்கத்தை நடத்தும் உங்களால் இது போன்ற பிரச்சனைகளுக்கு தீர்வு காண முடியவில்லை என்பது வேதனையே. சரி விஷயத்திற்கு வருவோம்.

நீங்கள் கட்டுரையில் குறிப்பிட்டது போன்று அல் ஹாஜ் அச்செய்யித் அப்துர் ரஹ்மான் அவர்கள் தலைவராக இருந்த காலத்தில் குறிப்பிட்ட திட்டம் நல்ல திட்டமாகவே இருக்கிறது. இதனால் தாழ்வான பகுதிகள் எந்த பாதிப்பும் அடையாது. தற்காலிக தீர்வு காண்பதை விட நிரந்தர தீர்வுதான் முக்கியம்.

இன்னும் புரியும்படி சொல்வது என்றால் ஒரு வீட்டின் ஆயுட்காலம் காலம் 40 ஆண்டுகள் என்றால் இது போன்ற பிரச்சனைகளால் அதன் ஆயுட்காலம் கிட்டத்தட்ட பாதியாக குறைந்து விடுகிறது (வாழ்வதற்கு லாயக்கு இல்லாததாக). இன்று ஒரு வீடு கட்ட சுமார் 30 இலட்சம் தேவைபடுகிறது. அப்படி என்றால் ஒவ்வொரு வீட்டை உடையவருக்கும் இன்றைய பண மதிப்பின்படி வருடத்திற்கு சுமார் 1.50 இலட்சம் இழப்பு ஏற்படுகிறது. இது தவிர மழையின் அவதியால் வரும் பாரமரிப்பு செலவு தனி.

ரோடு போடவும் நம்ம காசு, வீடு கட்டுறதும் நம்ம காசு, அத பராமரிக்கிறதும் நம்ம காசு...... அப்பப்பப்பா.... இதற்கு தீர்வுதான் என்ன. சொந்த காசில் சூனியம் வைப்பது என்று சொல்வார்களே அந்த கதையில் தான் இருக்கிறது.

அடுத்து நகராட்சியை எடுத்து கொண்டால் இதுவெல்லாம் சாத்தியமா? லஞ்சம் இல்லாமல் எந்த வேலை நடக்கும். பொருப்புதாரிகள் கொஞ்சம் கறார் காட்டாமல் இருந்தால் என்ன, என்றெல்லாம் சிலர் கேட்கிறார்கள்.

நாம் கேட்கிறோம், இத்தனை நாட்கள் லஞ்சம் வாங்கியவர்கள் ஒரு 5 வருடம் ஊர் நலனுக்காக லஞ்சம் வாங்காமல் இருந்தால் என்ன? ரோடு போடவில்லை அவதிபடுகிறோம் என்று போராடும் நாம், லஞ்சம் வாங்காமல் ரோடு போடு இல்லை என்றால் பதவி விலகு என்று போராடினால் என்ன?

மாத்தியோசி. என் வீட்டு முடுக்கிலும் பெரியவர்கள் வெளியே செல்ல முடியாத அளவு தண்ணீர் கட்டுகிறது. சிங்கப்பூர் அப்படி இருக்கு, துபாய் இப்படி இருக்கு என்று சொல்லி பெருமைப்படும் நாம், நம்ம ஊரும் அப்படி இருக்கட்டும் என்று முயற்சி எடுத்தால் அவருக்கு விமர்சனம் மட்டுமே மிஞ்சுகிறது.

அல்லாஹ் தான் நபிகளார் ஸல்லல்லாஹு அலைஹி வஸல்லம் அவர்கள் பொருட்டால் அனைவர் மனதிலும் மாற்றத்தையும் நல்லென்னத்தையும் தர வேண்டும்.

மிக விரிவாக எழுதியதற்கு மன்னித்தருள வேண்டுகிறேன்.

IP: 116.*.*.* India

தி ஹிந்து தமிழ் நாளிதழ் ஆசிரியர் சமஸ் அவர்களுக்கும் இந்த இணையதள ஆசிரியர் சாலிஹ் அவர்களுக்கும் ஒரு ஒற்றுமை உண்டு. இருவருமே மனதில் பட்டதை துணிச்சலாக தைரியமாக பதிவு செய்கிறார்கள். உம்மு நுமைரா அவர்கள் வெள்ளத்தின் வலிகளை பதிவு செய்தார்கள். சாலிஹ் அவர்களும் அவர்கள் பட்ட துயரத்தை துன்பங்களை பதிவு செய்திருக்கிறார்கள். இருவருக்குமே அல்லாஹ் நல்ல பொறுமையை கொடுத்திருக்கிறான்.

நான் என்றால் எல்லோரிடமும் அழுது புலம்பி எனது வருத்தத்தை வெளியிட்டிருப்பேன். சாலிஹ் அவர்கள் கூடவே நமதூரின் அவல நிலையை எடுத்து கூறி இருக்கிறார்கள். கலைஞரின் பராசக்தியில் ஒரு வசனம் வரும்...யார் குற்றம்..விதியின் குற்றமா விதியின் பெயரால் வயிறு வளர்க்கும் கயவர்களின் குற்றமா... அந்த வசனம் எனக்கு நினைவில் இல்லை. ஆனால் waatsup மூலம் அதே போன்ற வசனத்தை ஒருவர் பேசுகிறார். கடலூர் வெள்ளத்துக்கு யார் குற்றம் என்று குளங்களும் ஏரிகளும் பேசுவதாக அது அமைந்துள்ளது.

நமதூரில் தெருக்கள் குன்றும் குழியுமாக - மழை நீர் தேங்கி நிற்பதால் வயதானவர்கள் நோயாளிகள் பெண்கள் நடப்பதற்கு கூட கஷ்டப் படுகிறார்கள். இந்த ஊரை சிங்கபூராக ஆக்க சொல்லவில்லை. மக்கள் நடமாட வாகனங்களில் பயணிக்க வசதியான ஓர் சராசரி வசதியுள்ள ஊராக மாற்றி தாருங்கள் என்றுதான் மக்கள் கேட்கிறார்கள்.

நானும் சாலிஹ் அவர்களும் கலந்து கொண்ட ஒரு நிகழ்ச்சியில் முன்னாள் நகரமன்ற உறுப்பினர் திருத்துவராஜ் அவர்களிடம் ஒரு சந்தேகம் கேட்டேன்.

நாம் தேர்ந்து எடுக்கும் தலைவர் உறுப்பினர்கள் எல்லோரும் நல்லவர்களாக இருந்தும் நகரமன்ற ஆணையர் நிர்வாக அதிகாரி அவர்களுக்கு ஒத்துழைக்காவிட்டால் என்ன செய்யலாம் என்றேன். ஒன்றும் செய்ய இயலாது. அவருக்குதான் வானளாவிய அதிகாரம் உண்டு என்று சொன்னார்.

அல்லாஹ்வின் மீது ஆணை இட்டு இந்த ஊருக்கு நன்மை செய்வோம் என்றுதான் எல்லோரும் நம்மிடம் வாக்குறுதி அளித்து ஆட்சியில் அமர்ந்தார்கள். இப்போது யார் குற்றம் என்று ஒருவருக்கு ஒருவர் குற்றம் சாட்டிக் கொண்டிருப்பதை விட மீதியுள்ள நாட்களில் மக்களுக்கு என்ன நன்மைகள் செய்யலாம் என்று யோசிக்க வேண்டும், முதிய தலைமுறைக்கு அனுசரித்து செல்லும் பொறுமை இல்லை. புதிய தலைமுறைக்கு விட்டுக் கொடுக்கும் மனோபாவம் இல்லை. இந்த சூழ்நிலையில் சாலிஹ் போன்ற இளைஞர்கள் இவர்கள் இருவரையும் இணைக்கும் பாலமாக செயல்படவேண்டும்.

இன்று நடைபெற்ற ''என் பெயர் பாலாறு'' என்ற ஆவணப் படத்தை பார்த்தேன். 48 ஆண்டுகளாக இரண்டு கட்சிகள் மாறி மாறி மணல் கொள்ளைக்கு மகுடம் சூட்டி இருக்கிறார்கள். முதல்வர்கள் இருவரும் ஊழலின் ஊற்றுக் கண்களாக இருந்திருக்கிறார்கள். நாம் தெரிந்தோ தெரியாமலோ விரும்பியோ விரும்பாமலோ அந்த இரு கட்சிகளிலும் ஒட்டிக் கொண்டிருக்கிறோம். மாற்றத்தை தருவோம் என்று களம் இறங்கியுள்ள மருத்துவர் மைந்தனும் தன்னை முதல்வர் வேட்பாளராக்க சம்மதம் என்றால் மதவாத சகிப்பின்மை கட்சியுடன் கூட்டணி வைக்க தயார் என்று அறிவித்திருக்கிறார்கள்.

சீட்டுக்காக கூட்டு - நோட்டுக்காக ஓட்டு - என்ற சித்தாந்தங்கள் வேதங்களாக மாறியுள்ள இந்த தமிழகத்தில் நாட்டுக்காக யார் - நேர்மையாக எந்த காரியத்தையும் செய்ய முடியவில்லை என்பதுதானே நிதர்சன உண்மை. கொழுந்து விட்டு எரியும் நெருப்பு வலயத்துக்குள் கொளுத்தப் படாத கற்பூரமாக காயல்பட்டினத்தை உங்களால் இருக்க செய்ய முடியுமா.

ஆனாலும் உங்கள் போன்ற இளைஞர்கள் மாற்றத்தை கொண்டு வரும் முயற்சியில் ஈடுபட்டிருப்பது எங்களுக்கு மன நிறைவை தருகிறது. ஆனால் அதற்காக நீங்கள் தேர்ந்து எடுத்துள்ள பாதைதான் சற்று தயக்கத்தை தருகிறது.

கலந்தாலோசனை என்ற மஷூரா இந்த நகராட்சியில் இல்லை என்பது எனது நிலைப்பாடு. நபிகள் நாயகம் அவர்களுக்கு சர்வ அதிகாரமும் தகுதியும் பலமும் இருந்தது. ஆனாலும் அவர்கள் தங்கள் சகாக்களை எல்லா விஷயங்களிலும் கலந்தாலோசனை செய்தார்கள். மஷூராவில் வஹி உடைய பரகத் இருக்கிறது என்று உலமாக்கள் சொல்கிறார்கள். அல்லாஹ்வும் ஷூரா என்ற ஒரு அத்தியாயத்தையே இறக்கியுள்ளான்.

உங்களைபோன்ற திருமறை செல்வர்களுக்கு என் போன்றவர்கள் இதை சொல்வது கொல்லன் பட்டறையில் ஊசி விற்க வந்தவன் கதைபோல் ஆகிவிடும்.

வள்ளுவம் மிக்க அழகாக சொல்கிறது...
வினைவலியும் தன்வலியும் மாற்றான் வலியும்
துணைவலியும் தூக்கிச்செயல்...

ஞாலம் கருதினும் கைகூடும் காலம்
கருதி இடத்தால் செயின்.

IF YOU CANNOT SOLVE A PROBLEM, THEN YOU ARE PART OF THAT PROBLEM

உங்கள் நல்ல முயற்சிகளுக்கு அல்லாஹ் வெற்றியை தருவான்.உங்களிடம் பேச்சுத்திறன் உள்ளது அது வாய் மூலம் வருவது எழுத்தாண்மை உள்ளது அது மை மூலம் வருவது.

வாய் +மை =வாய்மை ....வாய்மையே வெல்லும்

வாழ்த்துக்கள்.

IP: 116.*.*.* India

புதிய நகர்மன்றம் பொறுப்பேற்ற துவக்கத்திலேயே, தனிக்குழுக்கள் அமைக்கப்பட்டன. அவ்வனைத்துக் குழுக்களிலும் அங்கம் வகிக்கும் நகர்மன்றத் தலைவர், அப்போது துவங்கி - தன்னிச்சையாக எந்த முடிவையும் எடுக்க முற்படவில்லை. அனைவரையும் கலந்தாலோசித்தே முடிவெடுக்க நாடினார். ஆனால் உறுப்பினர்கள் அதற்கு முழு ஒத்துழைப்பளிக்கவில்லை. (விதிவிலக்குகள் இருக்கலாம்.)

மக்கள் பணி செய்வதற்காகக் கூடும் நகர்மன்றக் கூட்டங்களில் மக்கள் கருத்தையும் அறிந்து செய்தால்தான் சரி என்று கருதிய நகர்மன்றத் தலைவர் அவர்கள், மக்கள் குறைகளைக் கேட்டறிவதற்காக மக்கள் குறைதீர் கூட்டத்தை மாதந்தோறும் நடத்திட - நடப்பு நகர்மன்றம் பதவியேற்ற துவக்க ஆண்டில் (2011) டிசம்பர் மாதம் நடைபெற்ற கூட்டத்தில் தீர்மானம் கொண்டு வர, அனைத்து உறுப்பினர்களின் ஆதரவுடன் தீர்மானமும் நிறைவேறியது. அதன்படி

முதல் கூட்டம் 25.01.2012. புதன்கிழமையன்று (செய்தி எண் 7905) நடைபெற்றது. அதில் 63 பேர் மனு செய்திருந்தனர்.

சங்கரன்கோவில் சட்டமன்றத் தொகுதிக்கு இடைத்தேர்தல் நடைபெற்றதையடுத்து பிப்ரவரி மாதக் கூட்டம் நடத்தப்படவில்லை.

இரண்டாவது கூட்டம் 28.03.2012. ஞாயிற்றுக்கிழமையன்று (செய்தி எண் 8218) நடத்தப்பட்டது. அதில் 38 பேர் மனு அளித்திருந்தனர்.

மூன்றாவது கூட்டம், 25.04.2012. புதன்கிழமையன்று (செய்தி எண் 8361) நடைபெற்றது. அதில 9 பேர் மனு அளித்தனர்.

நான்காவது கூட்டம் 30.05.2012. புதன்கிழமையன்று (செய்தி எண் 8553) நடைபெற்றது. 20 பேர் அதில் மனு அளித்திருந்தனர்.

ஐந்தாவது கூட்டம், 27.06.2012. புதன்கிழமையன்று (செய்தி எண் 8663) நடைபெற்றது. இதில் 8 பேர் மனு அளித்தனர்.

ஜூலை மாதம் கூட்டம் நடைபெறவில்லை. ஆறாவது கூட்டம், 29.08.2012. புதன்கிழமையன்று நடைபெற்றது. (செய்தி எண்: 9044). இக்கூட்டத்தில் யாரும் மனு அளிக்க வரவில்லை.

முதல் கூட்டத்தில் 63 பேர் மனு அளிக்க வந்த நிலையில், 6ஆவது கூட்டத்தில் யாரும் மனு அளிக்க வரவில்லை. இடையே நடந்த விரும்பத்தகாத நிகழ்வுகள் அனைத்தும், தேவை ஏற்பட்டால் மீண்டும் இக்கருத்துப் பகுதியில் தருகிறேன்.

இந்த மக்கள் குறைதீர் கூட்டங்கள் நடைபெறவுள்ளமை குறித்து நகரின் அனைத்து ஜமாஅத்துகள், பொதுநல அமைப்புகளுக்கெல்லாம் தலைவர் அவர்கள் அழைப்புக் கடிதம் அனுப்பியும் பெரும்பாலோர் "வரவில்லை" என்று சொல்வதை விட "வர விடப்படவில்லை" என்று கூறுவதே பொருத்தமாக இருக்கும்.

மக்கி நூஹுத்தம்பி மாமா அவர்கள், “மஷூறா செய்ய வேண்டும்” என்று வலியுறுத்தி, எனக்கு முந்தைய கருத்தில் கூறியிருப்பதாலேயே இந்த விளக்கம்.

மொத்தத்தில் மாமா அவர்கள் எதிர்பார்த்த மஷூறா நடைபெற்றுக்கொண்டுதான் இருந்தது; மக்கள் அதில் ஆர்வம் காண்பிப்பதிலிருந்து தடுக்கப்பட்டதால் நாளடைவில் அது இல்லாமல் போனது என்பதே உண்மை.

IP: 78.*.*.* Bahrain

சமூகப் போராளிகளின் மீது தெளிக்கப்படும் சாக்கடை,சத்தியம் நிலைபெறும் போது அவர்களது தலைக்கு மேல் விரிக்கப்பட்ட பூக்கூடையாக மாறி விடுகிறது...

நியாயங்கள் நிலை நிறுத்தப்பட போராடும் ஒரு தலைவரை வாடி,போடி என்று ஏக வசனத்தில் பேசுகின்ற,கார்பரேட் நிறுவனங்களின் கைக்கூலிகளை எதிர்த்துப் போராடும் வல்லமையை எஸ்.கேவின் எழுத்துகள் விதைக்கிறது....

களத்திற்கு வராத கருத்து கந்தசாமிகளின் முகத்திரைகளை காலம் கிழித்தெறியக் காத்திருக்கிறது....

எல்லாம் தெரிந்தும் நடுநிலை நாடகமாடும் சிலரது கொண்டைகள் அவர்களது தலைப்பாகை கட்டவிழ்த்து தலை காட்டுகிறது....

எஸ்.கே குறிப்பிட்டதைப் போல,பருவ மழை பத்திரங்களையும்,பாத்திரங்களையும் பார்ப்பதில்லை... தனது ஆதாரத்தை மாத்திரமே அது குறி வைக்கிறது....

சத்தியமும் அப்படித்தான்...அது தனது வீரியத்தைக் காட்டத் துவங்கும் போது,கிள்ளாது.....கொல்லும்...

கொலை வாளுக்கு முன்பொலிக்கும் எச்சரிக்கை மணிதான் எஸ்.கேவின் இந்தக் கட்டுரை....

IP: 93.*.*.* Romania

மாஷா அல்லாஹ் , அருமையான கட்டுரை.

முஃமின்களே! நீங்கள் நீதியின்மீது நிலைத்திருப்பவர்களாகவும், உங்களுக்கோ அல்லது (உங்கள்) பெற்றோருக்கோ அல்லது நெருங்கிய உறவினருக்கோ விரோதமாக இருப்பினும் அல்லாஹ்வுக்காகவே சாட்சி கூறுபவர்களாகவும் இருங்கள்; (நீங்கள் யாருக்காக சாட்சியம் கூறுகிறீர்களோ) அவர்கள் செல்வந்தர்களாக இருந்தாலும் ஏழைகளாக இருந்தாலும் (உண்மையான சாட்சியம் கூறுங்கள்); ஏனெனில் அல்லாஹ் அவ்விருவரையும் காப்பதற்கு அருகதையுடையவன்; எனவே நியாயம் வழங்குவதில் மன இச்சையைப் பின்பற்றி விடாதீர்கள்; மேலும் நீங்கள் மாற்றிக் கூறினாலும் அல்லது (சாட்சி கூறுவதைப்) புறக்கணித்தாலும், நிச்சயமாக அல்லாஹ் நீங்கள் செய்வதையெல்லாம் நன்கு அறிந்தவனாகவே இருக்கின்றான்.