Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
4:27:51 PM
வியாழன் | 23 நவம்பர் 2017 | ரபியுல் அவ்வல் 5, 1438 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:5512:0815:3018:0019:14
Sunrise/Sunset timing for Kayalpatnamஉதயம்06:13Moonrise/Moonset timing for Kayalpatnamஉதயம்09:55
மறைவு17:55மறைவு21:53
Morning Twilight
வானியல்கடல்சமூகம்
04:5905:2505:51
உச்சி
12:04
Evening Twilight
சமூகம்கடல்வானியல்
18:1718:4219:08
Go to Homepage
எழுத்து மேடை
அனைத்து எழுத்து மேடை ஆக்கங்களையும் காண|எழுத்து மேடை வாசகர் கருத்துக்களை காண
எழுத்து மேடை ஆசிரியர்கள்
Previous ColumnNext Column
ஆக்கம் எண் (ID #) 227
#KOTWEM227
Increase Font Size Decrease Font Size
ஞாயிறு, நவம்பர் 5, 2017
வடகிழக்கிந்தியப் பயணம் – நீண்ட கனவு

இந்த பக்கம் 422 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

பத்து வருடகால பயணக்கனவொன்று அண்மையில் நிறைவேறியது. எல்லாப்புகழும் இறைவனுக்கே !!

என் மூன்றாவது மகன் அப்துல் காதர் ஜியாத் பிறப்பதற்கு சில மாதங்களுக்கு முன்னர் வடகிழக்கிந்திய சுற்றுப்பயணத்திற்கான நானும் சிறு பருவத்து நண்பருமான ஸுலைமானும் பயணத்திற்கான முன்பதிவு பண்ணினோம். ஆனால் எனக்கேற்பட்ட குடற்புண் சிக்கலின் விளைவாக அப்பயணம். கைவிடப்பட்டது. அது மீண்டும் நிறைவேறுவதற்கு பத்தாண்டுகள் வரை காத்திருக்க வேண்டி வந்தது.

வழி நெடுக நம் தலைக்கு மேல் உடன் வரும் நீல வானம் போல இந்த பத்து வருடங்களில் நான் மேற்கொண்ட அனைத்து பயணங்களிலும், நிறைவேறாமல் போன வடகிழக்கிந்திய பயணக்கனவு உடன் மிதந்து வந்து கொண்டே இருந்தது.

இந்த வருட நோன்பு கழித்து போகலாம் , கோடை விடுமுறையில் போகலாம் என ஒவ்வொரு வருடமும் நண்பர்களுக்குள் பேசிக்கொள்வோம். ஆனால் குறிப்பிட்ட அந்தக்காலங்கள் வரும்போது நாளை மற்றுமொரு நாளே என்பது போல வழமையான சலிப்புடன் கடந்து போகும்.

இந்த கனவு ஏக்கங்களுக்கிடையே எனது தனிப்பட்ட வாழ்வின் பெரும் தேவை ஒன்று குறுக்கிட்டது. எனக்கு நானே சொல்லிக் கொண்டேன். இந்தத் தேவை நிறைவேறியவுடன் வடகிழக்கை பார்த்து நடையைக் கட்ட வேண்டியதுதான்.

இறைவனின் அருளால் அந்தத் தேவை நிறைவேறியது. இந்த வருட ரமழான் கழிந்த பிறகு எனது சிறு பிராயத்து நண்பரும் என்னைப்போலவே இன்னொரு பயண உயிரியுமான ஸுலைமானிடம் “மச்சான் கெளம்பீருவோமா ? எனக்கேட்டேன். ஜூலை ஆகஸ்ட் செப்டம்பர் அங்கு மழைக்காலம். மழை என்றால் அப்படி இப்படியெல்லாம் இருக்காது. வைத்து வாங்கி விடும். ஒன்றையும் பார்க்க முடியாது என்றான். உடனே அக்டோபர் மாதம் கிளம்புவது என தீர்மானித்தோம்..

எங்கெங்கு போகலாம் வழி எப்படி என்பனவற்றை இணையத்தின் வழியாக தேடினோம். தேடத்தேட வழி பிடிபடுவது போல இருக்கும். மீண்டும் குழம்பி விடும். ஒன்றுக்குள் பலவாக விழுந்து கிடக்கும் கிடங்கு போல இருந்தது ஏழு மாநிலங்களின் தொகுதி.

சமவெளியில் ஒரு இடத்திலிருந்து மற்றொரு இடத்திற்கு போக வேண்டிய தொலைவையும் நேரத்தையும் எளிதாக கணித்து விடலாம். ஆனால் இங்கு அப்படி இல்லை. வரைபடத்தில் பார்க்கும்போது எல்லாம் அருகருகே இருப்பது போலத்தான் இருக்கும். ஆனால் ஒவ்வொன்றும் ஒவ்வொரு குன்றில் இருக்கும் என்ற பேருண்மையை ஸுலைமான் சொன்னான். அதுதான் நூறு சதவிகிதம் என்பது பின்னர் பயணத்தில் உறுதியானது.

சுற்றுலா இடங்களையும் தொடர்வண்டித்தடங்களையும் எழுதி எழுதி சேர்த்த கத்தைக் காகிதங்களுடன் மூன்று நாட்களும் செலவழிந்ததுதான் மிச்சம். அற்றத்தைக் காண முடியவில்லை.

வானூர்தி வழியாக போவதில்லை என தீர்மானித்திருந்தோம். மாபெரும் குடை ராட்டினத்தில் ஏறி இறங்கிய உணர்வுதான் மிஞ்சுமே ஒழிய பயண பட்டறிவு என எதுவும் உண்டாகாது என்பதுதான் காரணம்.

சென்னையிலிருந்து தொடர் வண்டியில் புறப்பட்டு பெங்காலின் சிலிகுடியில் இறங்கி அங்கிருந்து தரைவழியாக சிக்கிம், பூட்டான் செல்லலாம் என்றுதான் முடிவெடுத்தோம். ஆனால் அந்த நேரத்தில் கோர்க்காலாந்து கோரிக்கையை ஒட்டி கிளர்ச்சிகளும் கடையடைப்புகளும் நடந்து கொண்டிருந்ததால் கடைசியாக குவாஹத்திக்கு வண்டியைத் தட்டலாம். அங்கு போய் இறங்கி மற்றவற்றை பார்த்துக் கொள்ளலாம் என முடிவு செய்தோம்.

கடைகளும் சுற்றுலாப்பயணிகளும் குப்பைகளும் நிறைந்த எல்லோரும் போய் தேய்ந்த வழமையான பிரபலமான இடங்களுக்கு போவதில்லை. பயண வழித்தடத்தை பெரிதாக திட்டமிடுவதில்லை. முன் முடிவுகளும் முன் அறிதல்களும் ஏதுமின்றி பயணத்தை அதன் போக்கிலேயே முன் செல்ல விட்டு விட்டு உரிமையாளரை பின் தொடரும் குட்டி நாய் போல அலைந்து திரிவது என்ற கொள்கையும் எங்களுக்கு ஏற்கனவே உண்டு.



பயணக்குழுவில் நண்பர்கள் முஜாஹித் அலீ, குளம் முஹம்மத் தம்பி , ஷரஃபுத்தீன் ஆகியோரும் வருவதாக இருந்தது. எனது பெரும்பாலான பயணங்கள் இவர்களுடன் கழிந்திருந்திருக்கின்றது. குளம் தம்பியும், முஜாஹித் அலீயும் தனிப்பட்ட அலுவல்களினால் வர முடியாமல் போகவே ஸுலைமான், ஷர்ஃபுத்தீன், நான் என்ற மூவர் குழுவானது.

மொத்த பயண நாட்கள் 23 என்ற கணக்கிட்டு போக வர பயணச்சீட்டுகளை முன் பதிந்தோம். சென்னையிலிருந்து கொல்கத்தாவில் இறங்கி மாறி குவாஹத்திக்கு அடுத்த வண்டியை முன் பதிவு செய்வதை விட நேரடியாக குவாஹத்திக்கு முன்பதிவு பண்ணுவதுதான் ஆதாயம். கிட்டத்தட்ட தலைக்கு ரூ.1,200/=க்கு மேல் மிச்சமாகின்றது. ஒரேயடியாக 50 – 56 மணி நேர பயணம்தான். காசு கணக்கு பார்க்கும்போது நேரக்கணக்கில் மனம் தன்னைத்தானே நேர் செய்து கொள்கின்றது.

வடகிழக்கு பயணத்திற்கான உந்துதலை ஏற்படுத்திய காரணிகள் :

நான் கடந்த 25 ஆண்டுகளுக்கும் மேலாக இந்தியாவின் குறுக்கும் நெடுக்கும் சுற்றி வருபவன். இங்கு பல இன மொழி உணவு மத வேறுபாடுகள் இருக்கின்றன. ஆனால் ரொட்டி, பருப்பு, மார்வாடி, கடுகெண்ணெய் வாசம், கயிற்றில் தொங்கும் கவ்வி ( கிளிப்தான் ) போலிருக்கும் தேவநாகரி எழுத்து வடிவங்கள், தூய மரக்கறி உணவகம் போன்றவற்றைதானே திரும்ப திரும்ப காண முடிகின்றது.

பெங்களூருக்கும் கொல்கத்தாவிற்கும் அப்பால் உள்ள நிலப்பரப்புக்களின் வாழ்க்கை முறை ஏன் ஒட்டு மொத்த இந்திய வாழ்க்கை முறையில் எதிரொலிக்கவில்லை? என்ற தீராக்கேள்வி.

பெரு நிலப்பரப்பின் வாழ்க்கை முறைக்கும் பார்வைக்கும் அடியோடு மாற்றமான வடகிழக்கின் வாழ்க்கை முறை

இரோம் ஷர்மிளாவின் அமைதி வழி போராட்டம்.

கிறிஸ்தவ பரப்புரையாளர்களால் துண்டாடப்படும் வடகிழக்கு என்ற இடைவிடாத ஃபாஸிஸ பரப்புரை.

பெரிய ஷாப்பிங் மால்

சிங்கப்பூரில் பணிபுரிந்து கொண்டிருக்கும் என் உற்ற நண்பரான ஃபழ்ல் இஸ்மாயீலுடனான ஒரு உரையாடலில் , நான் இங்கேயிருக்கும்போதே சிங்கப்பூர் மலேஷியா சுற்றுப்பயணத்திற்கு திட்டமிடுங்களேன் “ என்றார். செலவேறிய வானூர்தி பயணம், மாயையின் மீதும் தீரா நுகர்வின் மீதும் கட்டப்பட்டிருக்கும் பெரிய ஷாப்பிங் மாலான சிங்கப்பூரின் மீதான ஒவ்வாமை என்ற இரு காரணங்களையும் காட்டி நான் சொன்னேன் , “ எல்லா எடத்தயும் பாக்கத்தாம்பா செய்யனும். அது நல்ல விஷயந்தான் ஆனா நாம இருக்குற இடந்தாம்பா சிங்கப்பூரும் மலேஷியாவும் மொத்த உலகமும்.

இந்தியாவுக்குள்ளயே பல வெளிநாடுகள் இருக்கும்போது இத மொதல்ல பாத்து முடிப்போம் என ஒரு வீறாப்பில் சொன்னேன்.

அந்த சொல்லானது வடகிழக்கு பயணம் என்ற மன விருப்பத்திற்கு மேல் போய் உட்கார்ந்து கொண்டது. அழுத்தம் தாங்காமல் வண்டி புறப்பட்டுவிட்டது.

--- தொடரும் ---

Previous ColumnNext Column
இவ்வாக்கம் குறித்த கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by: mohamedyounus (Dubai) on 05 November 2017
IP: 217.*.*.* United Arab Emirates | Comment Reference Number: 45879

படிப்பதற்கு ருசியாக இருக்கும்போல உள்ளது . இன்ஷா அல்லாஹ் தொடருங்கள் உங்கள் பயணத்தை .


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. நூலாக மாற வாழ்த்துகள்
posted by: அ.ர.ஹபீப் இப்றாஹீம் (தம்மாம், சஊதி அரெபிய்யா) on 05 November 2017
IP: 91.*.*.* Saudi Arabia | Comment Reference Number: 45880

அஸ்ஸலாமு அலைக்கும் காக்கா,

அருமையான ஒரு பயணத்தின் பட்டறிவுகளை பகிர்ந்திட முன்வந்தமைக்கு ஜஸாக்கல்லாஹூ ஹைரன். இரசிக்கும்படியாக அமைந்த இந்த முன்னுரையானது, இத்தொடர் எந்தக் கோணங்களிலெல்லாம் விரியும் எனும் எதிர்பார்ப்பை மிகுதியாக்குகிறது.

இக்கட்டுரைகளின் தொகுதியை பிற்காலத்தில் ஒரு நூலாகவும் வெளியிடுமாறு வேண்டுகிறேன். வாழ்த்துகள்!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...தொடரட்டும் பயணம்
posted by: shahul hameed sak (malaysia) on 05 November 2017
IP: 113.*.*.* Malaysia | Comment Reference Number: 45881

இந்தியாவுக்குள்ளே பல வெளிநாடுகள் இருக்கும்போது ......! உணராதோர் அநேகர், தொடரட்டும் மலைப்பயணம் .....!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. அஸ்ஸலாமு அலைக்கும்
posted by: D.S.ISMAIL (HONGKONG) on 09 November 2017
IP: 138.*.*.* Australia | Comment Reference Number: 45889

ரொம்ப நாளைக்குப்பிறகு காயல் இணையதளத்தை பார்க்கிறேன். நகரில் அன்றாடம் நடப்பது அலைபேசியில் நம்மைத்தேடி வந்துவிடுவதால் இணையத்தளம் பார்ப்பது குறைவு

நண்பர் பஷீரின் நீண்ட நாள் ஆவல் நிறைவேறியிருப்பதில் மிக்க மகிழ்ச்சி.

வடகிழக்கிந்திய பயணக்கட்டுரையின் அடுத்த தொடரை நிறைய புகைப்படங்களுடன் ஆவலுடன் எதிர்பார்த்து !


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இவ்வாக்கம் குறித்த கருத்தை பதிவு செய்ய இங்கு சொடுக்கவும் >>
முகநூல் வழி கருத்துக்கள்
ட்விட்டர் வழி கருத்துக்கள்
காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
ASF TravelsFathima Jewellers
FaamsDanube
Wavoo JewellersAccord
AKM JewellersCathedral Road LKS Gold Paradise

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2017. The Kayal First Trust. All Rights Reserved