Kayal on the Web

எழுத்து மேடை

அனைத்து எழுத்து மேடை ஆக்கங்களையும் காண	\|	எழுத்து மேடை வாசகர் கருத்துக்களை காண
எழுத்து மேடை ஆசிரியர்கள்

ஆக்கம் எண் (ID #) 71

#KOTWEM71

சனி, டிசம்பர் 29, 2012
	கண்களை சற்றே மூடிட வேண்டும்! ஆக்கம்: கவிமகன் எம்.எஸ்.அப்துல் காதர் கவிஞர் / சமூக பார்வையாளர் இவரின் அனைத்து ஆக்கங்களையும் காண இங்கு அழுத்தவும் >>

இந்த பக்கம் 2899 முறை பார்க்கப்பட்டுள்ளது | வாசகர் கருத்துக்கள் காண (9) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

கண்களை சற்றே மூடிட வேண்டும்.
காட்சிகள் எல்லாம் மறைந்திட வேண்டும்.
கயமையும் பொய்மையும் நாட்டியம் ஆடுது
நீதியும் நேர்மையும் கனவாய்ப் போனது.

ஏறுது பாரம் பேப்பரைப் படித்தால்
இறங்கிடுமா வெறும் கண்ணீர் வடித்தால்?
இதுதான் விதியென அனைவரும் இருந்தால்
திருந்திடுமோ நம் பாரத தேசம்?

மகளின் கற்பை திருடிய தகப்பன்
மருமகள் கழுத்தை அறுத்தான் மாமன்
ஓடும் காரிலும் பஸ்சிலும் காமம்
ஒன்னரை வயது பிஞ்சிடம் வன்மம்.

ஏறுது பாரம் பேப்பரைப் படித்தால்
இறங்கிடுமோ வெறும் கண்ணீர் வடித்தால்?

வயல்வெளி வரப்பில் வாடும் பயிர்கள்
விதைப்பவன் கழுத்தில் ஆடும் கயிறுகள்
இருந்தும் நீர்தர மறுத்திடும் அரசுகள்
இந்தியா ஒன்றென முழக்கும் முரசுகள் !

கண்களை சற்றே மூடிட வேண்டும்
காட்சிகள் எல்லாம் மறைந்திட வேண்டும்.

பள்ளிக் குழந்தைகள் விபத்தில் சாவு
பன்றிக் காய்ச்சலில் பலபேர் காவு
மாத்திரை மருந்திலும் கலப்படம் பாரு
மருத்துவ மனைகளில் லஞ்சம் ஜோரு!

கயமையும் பொய்மையும் நாட்டியம் ஆடுது
நீதியும் நேர்மையும் கனவாய்ப் போனது!

பள்ளியை இடித்தவன் கெத்தா நடக்கிறான்
பாவம் முஸ்லிம் ஜெயிலில் கிடக்கிறான்
மோடியும் கேடியும் முதல்வர் ஆகிறான்
கோடிகள் சேர்த்தே கோட்டையை ஆளுறான்.

கண்களை சற்றே மூடிட வேண்டும்
காட்சிகள் எல்லாம் மறைந்திட வேண்டும்!

அன்னைத் தமிழகம் இருட்டில் தவிக்குது
அம்மா ஆட்சியில் அவலம் தொடருது
மதுக்கடை எங்கும் கூட்டம் வழியுது
மந்திரி மார்களின் பாக்கட் நிறையுது

ஏறுது பாரம் பேப்பரைப் படித்தால்
இறங்கிடுமோ வெறும் கண்ணீர் வடித்தால்?

பெட்ரோல் விலையோ அடிக்கடி எகிறுது
பாரத தேவியின் தலைமுடி கருகுது
சினிமாக் காரன் சில்லரை பார்க்கிறான்
சில்லரை வியாபாரியோ கல்லறை தேடுறான்!

கண்களை சற்றே மூடிட வேண்டும்
காட்சிகள் எல்லாம் மறைந்திட வேண்டும்!

ஆலையின் அமிலம் ஆழியில் கலக்குது
அலைநுரை சிவப்பில் மீன்கள் மிதக்குது
இதிலொரு கூட்டம் மக்களை ஏய்க்குது
இவருக்கு மட்டும் பணமரம் காய்க்குது

இதுதான் விதியென அனைவரும் இருந்தால்
திருந்திடுமோ நம் பாரத தேசம்?

ஷரீஅத் சட்டம் கொணர்ந்திட வேண்டும்
சத்தியம் என்றும் ஜெயித்திட வேண்டும்
ஒருதலைச் சட்டம் உடைந்திட வேண்டும்
தறுதலைக் கூட்டம் திருந்திட வேண்டும்.

கண்களை நாமும் திறந்திட வேண்டும்
கனவுகள் மெய்ப்பட உழைத்திட வேண்டும்!

இவ்வாக்கம் குறித்த கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...அரசுகளின் கையாலாகத்தனம்,
posted by: Palappa Muhiyyadheen Abdul Kader, (Chennai(Mannady)) on 29 December 2012
IP: 117.*.*.*

India | Comment Reference Number: 24812

அஸ்ஸலாமு அலைக்கும் புரட்சிக் கவிஞர் கவி மகன் காதர் அவர்களே!

தங்களின் புரட்சிக் கவி வாயிலாக அரசுகளின் கையாலாகத்தனத்தை எடுத்தியம்பி எங்களையெல்லாம் ஏக்க பெருமூச்சிட்டு கண்ணீர்க் கரைய வைத்து விட்டீர்.உங்கள் கவிப் புலமையை மேலும் மெருகூட்டி சிம்மாசனப் பேராசைப் பெரு மக்கள் கூனிக் குறுகி அவமானத்தால் அஞ்சியவர்களாக ஆக்சிஜன் காற்றை நுகர முடியாமல் தத்தளிக்க வேண்டும்.அல்லது இதற்கு மாற்றாக மக்கள் புரட்சி ஏற்பட்டு மானங் கெட்ட ஆட்சியாளர்களும்,அசூசையான அசுரர்களும் இந்த நாட்டை விட்டு விரண்டோடி விரைவில் சத்திய ஷரீஅத் ஆட்சி மலரும் நாள் வெகு தூரத்தில் இருக்கக்கூடாது என இரு கரம் ஏந்தி இறைவனைப் பிரார்த்தித்து பயகம்பர் நபி ஸல்லல்லாஹு அலைஹி வ ஸல்லம் அவர்களின் ஆசியையும் வேண்டி அன்னாரின் தோழர்கள்(ரலியல்லாஹு அன்ஹும்),இமாம்கள்(ரலியல்லாஹு அன்ஹும்),இறை நேசச் செல்வர்களின்(ரலியல்லாஹு அன்ஹும்) துஆவையும் வேண்டி நிற்ப்பதன் மூலம் வல்ல இறைவன் மாசு மறுவற்ற மக்களுக்கு நிம்மதியையும்,நீதியையும் நிலை நிருத்திடுவானாக ஆமீன் ஆமீன் யாரப்பல் ஆலமீன் எனும் இறைஞ்சலுடன் நிறுத்துகின்றேன் வஸ்ஸலாம்.

இப்படிக்கு
பாலப்பா முஹிய்யதீன் அப்துல் காதர்,
மண்ணடி,
சென்னை
தொடர்புக்கு-9751501712,044- 25266705 ,