IP: 219.*.*.* Hong Kong

சகோ. நஹ்வி இப்பகுதியில் தன் கருத்தை பதிவுசெய்யும் வேளையில், 'எல்லா பள்ளிகளும் ஜூம்மா பள்ளிகளாகவே கருதப்பட வேண்டும், காரணம் அனைத்து வேளை தொழுகையும் எல்லா பள்ளியிகளிலும் நடக்கவேண்டும் என்பது பொது விதி' என்ற எனது கருத்தில் மாறுபட்டு, அதற்கான ஹதீத் ஆதாரத்தை கோருகிறார்.

அந்த சகோதரர்க்கு, 'ஷரீஅத்தில் தடைக்குதான் ஆதாரம் தரப்படவேண்டும்!! ஏனனில் தடையை மீறினால், பாவம், பின்னர் அதற்க்கு பரிகாரம் என சொல்லப்பட்டிருக்கும்.'

மஸ்ஜித்களில் எல்லா வேளையும் (ஜூம்மா உட்பட ) நடகவேண்டுமேன்பதுவே பொது விதி!! அவை நடக்கவில்லையெனில் அது குறைபாடாகவே இருக்கும்.

இங்கே ஒன்றை சுட்டிக்காட்ட விரும்புகிறேன். மரியாதைக்குரிய சொற்செல்வர் மறைந்த எஸ். எம். ஐதுரூஸ் ஆலிம் அவர்கள், 'காயல்பட்டினத்தில் சிறப்பிற்குரிய மஸ்ஜித், அல் ஜாமிஉல் ஆச்கர் மாத்திரமே. ஏன் தெரியுமா ?, நமதூரில் இங்கு மாத்திரம்தான், அது கட்டப்பட்ட காலத்திலிருந்து ஒரு வேளை தொழுகையும் விடுபடாமல் நடைபெற்று வருகிறது. மற்ற எல்லா பள்ளிகளிலும் வாரம் ஒரு வேளை (லுஹர்) தொழுகை விடுபட்டு விடும்' என சொல்ல நான் கேட்டிருக்கிறேன், (மற்ற இரு ஜூம்மா பள்ளிகளில் வாரம் விட்டு வாரம் என தவறி விடும் என்பது நமதூரின் தனி சிறப்பு). 'அந்த வகையில் சிறப்பு மிக்க மஸ்ஜித் இது ' என அடிக்கடி கூறுவார்கள்.

இதை ஆதாரமாக ஏற்பதற்காக இங்கு குறிப்பிடவில்லை. மாறாக அவர்களின் கருத்து பொது விதியாக ஒரு முக்கிய செய்தியை உணர்த்துகிறது. அதாவது இயற்கையாகவே மஸ்ஜித்கள என்றால்,அவற்றில் எல்லா வேளை தொழுகையும் நிறைவேற்றப்படவேண்டும். அதில் வெள்ளிக்கிழமைகளில் ஜூம்மா தொழ்க்கையும் அடக்கம். அந்த பள்ளிகளில் ஜூம்மா தொழுகை நடந்தால்தான் இது சாத்தியம். இதற்க்கு விதிவிலக்கு எந்த பள்ளிக்கும் இருக்கிறதா என்பதற்கும் சகோ. நஹ்வி அவர்களே ஆதாரத்தை காட்ட வேண்டும்.

இதில் நண்பர் நஹ்வி அவர்களுக்கு மாற்று கருது உண்டா ? உண்டெனில் ஆதாரம் கொண்டுவாருங்கள். அது குர்ஆன், ஹதீத் அடிப்படையில் இருந்தால் ஏற்பதில் எனக்கு எந்த தயக்கமும் இல்லை.

மத்கபுகளில் சில பல விதிகள் என பிற்காலத்தில் தோன்றின. அதாவது, ஷாபிஈ மத்ஹாப் படி நாற்பது பேர் - அதுவும் உள்ளூர்காரர்களாக இருக்க வேண்டும். இல்லையெனில் ஜூம்மா (செல்லாது) விற்குப் பிறகு அனைவரும் ஜமாத்தாக லுஹர் தொழுவது கடமை. (திருசெந்தூர் பஸ் ஸ்டாண்ட் பள்ளியில் இதுதான் முன்னர் நடந்தது. இப்போது ஜும்மா மாத்திரமே தொழப்படுகிறது)

ஹனபியில் இந்த விதிகள் இல்லை. இமாம் ஒருவரும், பின்தொடர மஃமூம் ஒருவரும் இருந்தாலே போதும் என விதி உள்ளது நாம் அறிந்ததே. ஹதீத் ஒளியிலும் இதுவே விதி என நான் அறிகிறேன். அல்லாஹ்வே அறிந்தவன்.

இந்த சர்சைக்குள் செல்ல நான் விரும்ப வில்லை. சகொததற்கு சில கேள்விகள் இதோ.

1 . ஏன் ஒரு பள்ளி மட்டும் ஜூம்மா பள்ளியாக மட்டும் இருக்க, மற்ற பள்ளிகள் வெறும் (?) - நமதூரில் முஹல்லா- பள்ளிகளாகவே தொடர வேண்டும் ?

2 ஜூம்மா பள்ளிக்கான தராதரங்கள், இருக்க வேண்டிய தகுதிகள் என்ன ? இருக்கக் கூடாதவை என்னன்ன ? பட்டியலிடவும்.

3 வெறும் பள்ளியில் தொழுதால் குறைவான நன்மைகளும், ஜூம்மா பள்ளியில் தொழுதால் நிறைவான நன்மைகளும் உண்டா ? ஆதாரம் ? (இங்கே ஒன்று கூற ஆசை படுகிறேன். இஹ்திகாப் இருப்பதற்கு ஜூம்மா பள்ளியே சிறந்தது. ஏன் எனில் மற்றைய பள்ளிகளில் இருந்தால், இஹ்திகாப் இருப்போர் ஜூம்மா தொழ வெளியில் செல்ல வேண்டிய சூழல் ஏற்படும் என்பதாலேயே. ) இது இன்று நம்மில் உள்ள சூழ்நிலைக்கு பரிகாரமே)

அல்லாஹ்வே எல்லோர்க்கும் வழிகாட்ட போதுமானவன். வஸ்ஸலாம்.

இவண் :
ஹாஜா அரபி