IP: 188.*.*.* Saudi Arabia

அஸ்ஸலாமு அலைக்கும் (வரஹ்).

சகோதரர் சாளை சலீம் அவர்கள் சொல்லியிருப்பது முற்றிலும் சரியானதுதான். எந்த ஓர் ஆதாரமும் இல்லாமல், எதையும் நிரூஃபிக்காமல் காரியத்தில் இறங்க முடியாது , அதற்கு எவரும் துணையும் வரமாட்டார்கள்.

அதே நேரத்தில் யாராவது சாம்பிள் எடுத்து, லேப் டெஸ்ட் செய்து, அந்த ரிப்போர்ட்டின் அடிப்படையில் முறையான நடவடிக்கைகளை எடுக்கலாம் என்பது, உண்மை என்றாலும் அதை தனிப்பட்ட நபர்களால் செய்ய முடியாத காரியம்.

காரணம் அது விற்பனையாகும் பொருள் அல்ல, நாம் அதை முறையாக வாங்கி லேப் டெஸ்ட்டுக்கு அனுப்புவதற்கு. அதுமட்டுமல்லாமல் யாரேனும் தனிப்பட்ட முறையில்அவர்களுடைய எல்லைக்குள் சென்று அவர்கள் அறியாமல் சாம்பிள் எடுத்தோமானால் அது பின் விளைவை உண்டாக்கக்கூடும். எல்லைக்கு அப்பாலிருந்து சாம்பிள் எடுத்தால் பயனில்லாமலும் போகலாம். இதனால்தான் யாரும் அதை செய்ய முன் வராமல் இருக்கின்றார்கள்.

ஆகவே இதற்கென்று ஒரு கமிட்டியை நாம் அமைத்து முறையாக, நேரிடையாக சென்று எழுத்துபூர்வமாக அவர்களிடம் நம் விருப்பத்தை சொல்லி, நாமே அந்த சாம்பிளை நம் கண் முன்னே எடுக்கப்பெற்று வந்து லேப் டெஸ்ட் செய்தால்தான், நம் உடைய எண்ணங்கள் நிறைவேறும் இன்ஷா அல்லாஹ்.

மேலும் அது சம்பந்தமான எந்த ஒரு தொடர்பையும் நமது கமிட்டி, அவர்களிடம் நேரிடையாக வைத்து நடவடிக்கைகளை முறையாக எடுக்க உதவியாக இருக்கும்.

அதுமட்டுமில்லாது வெளிநாட்டில் உள்ளவர்கள் நமது இந்திய தூதரகத்தின் மூலமும் நடவடிக்கை எடுக்க கமிட்டியின் பரிந்துரைகளே உதவியாக இருக்கும்.

அடியேன், கமிட்டியை அமைக்கும்படி வற்புறுத்துவதெல்லாம் DCW கழிவினால் ஏற்படும் ஆபத்தை நீக்குவதற்காக மட்டும் அல்ல. புற்று நோய் வருவதற்கான மொத்த காரணிகளையும் கண்டு, களைந்து கொள்ளவும், மக்களுக்கு விழிப்புணர்ச்சியை உண்டு பண்ணுவதற்காகவுந்தான்.

எனவே, அமீரக நல மன்றத்தின் பொதுக்குழு கூட்டத்தில் இது விசயமாக கலந்தாலோசித்து நமது மன்றங்கள் அத்தனையும் இணைந்து ஒரு கமிட்டியை அமைத்து செயல்பட சுணங்காமல் முடிவு எடுக்கும்படி கேட்டுக்கொள்கிறேன்.

என்னுடைய கருத்து : நமது காயல் மன்றங்கள் அத்தனைக்கும் நம் ஊரிலே பிரதிநிதிகள் இருக்கிறார்களே அவர்கள் அனைவர்களையும் இந்த கமிட்டியிலே சேர்த்து செயல்படுவது சிறந்தது.

எல்லாம் வல்ல அல்லாஹ் நமது முயற்சிகளுக்கு வெற்றியை தந்து நம் அனைவர்களையும் இந்த கொடிய நோயிலிருந்து விடுதலை பெற்றிட உதவி செய்வானாக ஆமீன்.

வஸ்ஸலாம்.