IP: 117.*.*.* India

அஸ்ஸலாமு அலைக்கும் (வரஹ்).

பிளாஸ்டிக் பொருட்கள் விற்பதையும் / உபயோகிப்பதையும் பற்றிய விதிமுறைகள் அதற்கு மாற்றமாக நடப்பவர்களுக்குரிய தண்டனை சட்டங்கள் பற்றி தீர்மானம் நிறைவேற்றி இருக்கிறீர்கள்.

இந்த தீர்மானம் கொண்டு வர காரணம் என்ன ? மத்திய / மாநில அரசுகளின் கட்டளையா ? அல்லது மாவட்ட ஆட்சியரின் வேண்டுகோளா ? என்பதை பற்றி எல்லாம் ஆராய்ச்சி பண்ண விரும்ப வில்லை.
------------------------------------------------
தடை அவசியம் :

இந்த பிளாஸ்டிக் உபயோக தடை அவசியம் என்பதை மக்கள் உணரவேண்டும் என்பதில் மாற்றுக்கருத்து இல்லை - இதன் பாதிப்பை மக்கள் அறிந்தால் நிச்சயம் தடைக்கு ஆதரவு தருவார்கள் காரணம் ........

* இந்த பிளாஸ்டிக் பொருட்கள் பூமியை மாசுபடுத்துவதுடன் இதில் பயன்படுத்தப்படும் பிஸ்பினால் 'எ' எனும் அமிலம் மூளையின் செயல்பாடுகளையும், மன நிலையையும் பாதிக்கலாம் என்பதாக சில வருடங்களுக்கு முன்பு ஏல் பல்கலைக்கழகம் ஓர் ஆய்வு முடிவை வெளியிட்டிருந்த செய்தியை படித்திருக்கலாம்.

மேலும்
* பாலிதீன் எனப்படும் வேதிப்பொருளால் உருவாக்கப்படும் பிளாஸ்டிக் பைகள் குப்பைகளுடன் சேர்த்து எரிக்கப்படும்போது, பைகளில் உள்ள சாயத்தால் காற்று மண்டலம் மாசுபடுகிறது அதனால் பல்வேறு சுவாச நோய்களை தோற்றுவிக்கிறது.

* பிளாஸ்டிக் பைகளில் சூடான உணவுப் பொருட்களை வாங்கிச் செல்லும்போது, பிளாஸ்டிக் சூடாகி வேதியியல் மாற்றங்களால் ஹைட்ரோகார்பன் மற்றும் பியூரான் போன்ற நச்சு வாயுக்கள் உணவில் கலந்து விடுகின்றன - அந்த உணவை உண்பவர்களுக்கு நுரையீரல் பாதிக்கப்படுகிறது.

* குப்பை கழிவுகளுடன் மண்ணில் பிளாஸ்டிக் பைகளை புதைப்பதால், அவை நெடுங்காலத்துக்கு மண்ணில் மக்கிப்போகாமல் தாவரங்களின் வேர்கள் ஊடுருவ முடியாமலும், மழைநீர் மண்ணுக்குள் செல்வதைத் தடுக்கவும் செய்வதால் நிலத்தடி நீர்மட்டம் குறைய காரணமாக அமைகின்றன.

இவ்வளவு பெரிய தீமையை விளைவிக்க கூடிய இந்த பிளாஸ்டிக் பொருளை மக்கள் அனைவருமே சர்வ சாதாரணமாக உபயோகித்து வருகிறோம்.

இதை தடுப்பதற்காக அரசாங்கமும் பல முயற்சிகளை மேற்கொண்டாலும் முறையான செயல் திட்டங்கள் இல்லாமையால் வெற்றி பெறமுடியவில்லை.

கேரளாவிலே ஓரளவு பரவலாக கட்டுப்படுத்தியிருக்கிறதாக தெரிகிறது.

ஆனால் தமிழ் நாட்டிலே பெரும்பாலும் தோல்வியே என்றாலும் கன்னியாகுமரி மாவட்டத்திலே ஓரளவு நடை முறைப்படுத்தப்பட்டிருக்கிறது என்பது மகிழ்ச்சியே.

நாகர்கோவிலில் உணவகங்களில் பிளாஸ்டிக் பையை பயன் படுத்துவதில்லை அலுமினியம் ஃபாயில் கவர்களிலும் , புரவுன் பேப்பர் கவர்களிலும் தான் உணவுகளை கட்டித் தருகிறார்கள்.
-------------------------------------------
விழிப்புணர்வு முகாமை நடத்துவது நல்லது :

இந்த பிளாஸ்டிக் பொருட்கள் உபயோகத்திற்கு நிச்சயமாக 90 சதவிகிதம், மக்களிடம் நேரிடையாக தடையை பெற முடியாது - இதற்கு முதலில் தடையை ஏற்படுத்த வேண்டியது உற்பத்தியாகும் இடத்திலிருந்தே தொடங்கப்பட வேண்டும்.

உற்பத்தியை குறைத்தால் எல்லாம் கட்டுப்பாட்டிற்குள் வந்துவிடும் - இந்த உற்பத்தி என்பது நமது நகராட்சி எல்லைக்குள் இருந்ததால்...........!!!!!! நமது நகராட்சி அதை தடை செய்யலாமே!.

அடுத்தது விற்பனையாளர்களுக்கு அறிவுறுத்தி அதை தடை செய்யலாம்! விற்பதால்தானே! மக்கள் அதை வாங்கி உபயோகப்படுத்துகிறார்கள் எனவே அங்கிருந்து இந்த தடைகள் ஆரம்பம் ஆகவேண்டும்.

மேலும் நகரில் உள்ள உணவகங்கள் - கடைகள் போன்ற இடங்களுக்கு நகராட்சி நிர்வாகம் நேரிடையாக எழுத்துப்பூர்வமாக அறிக்கைகளை கொடுத்து அவர்களுக்கு ஒரு தவணையையும் கொடுத்தால் இந்த தடையை நமது நகரிலே கடைபிடிக்க முடியும்.

மேலும் மக்களுக்கும் இந்த பிளாஸ்டிக் உபயோகம் பற்றிய விழிப்புணர்வு முகாமை நடத்துவது நல்லது - இப்படி செய்தால் நமது நகர் சுற்றுச்சூழல் பாதுகாக்கப்பட்ட நகராக திகழும்.
----------------------------------------------------
நகர்மன்ற அங்கத்தினர்களே!

தலைவர் / ஆணையாளர் முதல் நகர்மன்றத்தில் வேலை செய்யும் கடைநிலை ஊழியர் வரை பிளாஸ்டிக் பொருள் தடையை பற்றிய விதி முறைகளை அறிந்து / தெரிந்து வைத்திருப்பது நல்லது - மேலும் நகர்மன்ற வளாகத்திலே இந்த தடையை கண்டிப்புடன் நடைமுறைப் படுத்துங்கள்.

இப்படி எழுதுவதால் தவறாக எண்ண வேண்டாம் - உலகம் அப்படிதான் அதற்கு நமது நகர்மன்றம் விதி விலக்கல்ல.

நகர்மன்றத்துடன் நகர மக்கள் முழு ஒத்துழைப்பு கொடுக்க இறைவனை வேண்டுகிறேன். வஸ்ஸலாம்.